بوندی، 22 مئی، 2025: وزیر اعظم جناب نریندر مودی نے آج راجستھان کے بیکانیر سے امرت بھارت اسٹیشن اسکیم کے تحت از سر نو تیار شدہ بوندی ریلوے اسٹیشن کا ورچوئل طور پر افتتاح کیا۔ لوک سبھا کے اسپیکر جناب اوم برلا نے اس موقع پر بوندی میں منعقدہ تقریب میں شرکت کی۔ جناب برلا نے مقامی باشندوں کی جانب سے وزیر اعظم جناب نریندر مودی سے اظہار تشکر کیا اور کہا کہ از سر نو ترقی یافتہ بوندی ریلوے اسٹیشن جدید ترقی اور ثقافتی ورثے کے منفرد امتزاج کی علامت ہے۔

جناب برلا نے کہا کہ امرت بھارت اسٹیشن اسکیم کے تحت تیار کیے جانے والے نئے ریلوے اسٹیشن نہ صرف جدید، اچھی طرح سے لیس مسافروں کے مرکز ہیں، بلکہ یہ نئے ہندوستان کی نئی سوچ، نئے وژن اور ترقی کی بھی عکاسی کرتے ہیں۔ جناب برلا نے کہا کہ بوندی اب ایک نئی شناخت کی طرف بڑھ رہا ہے۔ سیاحت کے شعبے میں بوندی کو ایک الگ پہچان دلانے کے لیے مسلسل کوششیں جاری ہیں۔ اس سمت میں بہت سے اہم اقدامات پہلے ہی مکمل ہو چکے ہیں اور کئی ابھی بھی جاری ہیں۔

संसदीय क्षेत्र बूंदी में आज माननीय प्रधानमंत्री श्री @narendramodi जी द्वारा लोकार्पित बूंदी रेलवे स्टेशन आधुनिक विकास और सांस्कृतिक विरासत के अद्वितीय संगम का प्रतीक है। अमृत भारत स्टेशन योजना के अंतर्गत पुनर्विकसित यह स्टेशन न केवल एक सुविधायुक्त यात्री केंद्र है, बल्कि यह नए… pic.twitter.com/ma7dyDlMlA

— Om Birla (@ombirlakota) May 22, 2025

ریل رابطے میں مسلسل بہتری ہو رہی ہے

جناب برلا نے کہا کہ وزیر اعظم جناب مودی کی قیادت میں ملک بھر میں ریلوے نیٹ ورک تیزی سے پھیل رہا ہے جو مسافروں کو عالمی معیار کی سہولیات فراہم کر رہا ہے۔ انھوں نے بتایا کہ گزشتہ 11 سالوں میں کوٹہ – بوندی کے علاقے میں بڑے اور مضافاتی ریلوے اسٹیشنوں کو از سر نو تیار کیا گیا ہے۔ نئی ٹرین خدمات اور ایم ای ایم یو ٹرینوں کے آغاز نے سفر کو آسان بنا دیا ہے۔ بوندی میں وندے بھارت ایکسپریس کے رکنے سے سیاحت کو فروغ ملے گا۔ جناب برلا نے مزید کہا کہ کوٹا، رام گنج منڈی، مودک، کیشورائی پٹن، بوندی، کپرین، دیگوڑ اور ارنیتھا جیسے اسٹیشنوں پر 14 ٹرینوں کے رکنے سے مسافروں کو بہتر رابطہ حاصل ہوا ہے۔

مسافروں کے لیے جدید سہولیات

بوندی ریلوے اسٹیشن کی جدید کاری کا کام 8.15 کروڑ روپے کی لاگت سے کیا گیا ہے۔ یہ سہولت، خوبصورتی اور ورثے کے امتزاج کو ظاہر کرتا ہے۔ سہولیات میں ایک شاندار داخلی گیٹ، سامنے کا پرکشش حصہ، اونچائی پر لگائی گئی لائٹنگ، جدید ویٹنگ روم، ایک نیا ٹکٹ کاؤنٹر، صاف ستھرا جدید بیت الخلا اور معذور افراد کے لیے قابل رسائی ریمپ شامل ہیں۔ تمام مسافروں کے لیے ہموار، محفوظ اور جدید سفری تجربے کو یقینی بنانے کے لیے اسٹیشن کو مکمل طور پر قابل رسائی بنایا گیا ہے۔

*****

ش ح۔ ف ش ع

U: 1017

(Release ID: 2130636)