U Myntri Sorkar Pdeng, Tnad Fisheries Animal Husbandry and Dairying (MoFAH&D) bad Tnad Panchayati Raj, Rajiv Ranjan Singh ba la tip ruh kum u Lalan Singh un buh maw nongrim na ka bynta ka Integrated Aquapark (kaba don ha Kailashahar, Tripura) bad un plie ia ka Fish Festival kaba shi sngi na Agartala, Tripura ha ka 18 tarik Jymmang 2025. Ia kane ka Integrated Aquapark la shna da ka jingbei tyngka kaba kot T. 42.4 klur hapoh ka Pradhan Mantri Matsya Sampada Yojana (PMMSY). Ia kane ka jingialang yn plie ruh da u George Kurian, Myntri Khynnah, MoFAH&D bad ka Tnad Minority Affairs ha ryngkat u Sudhangshu Das, Myntri ka tnad Fisheries, Sorkar Tripura.

Ha kane ka sngi yn sam ïa ki certificate/sanction order sha ki nongïoh jingmyntoi bapher bapher ha ka kam ri dohkha kaba kynthup ïa ka jingsam ïa ki Kisan Credit Card (KCC) sha ki nongri dohkha kiba dei hok. Yn ithuh ruh ia ki seng treilang kiba treikam bha, Fish Farmer Producer Organization (FFPO), bad ki startup ha ka kam ri dohkha na ka bynta ki jingnoh synniang jong ki sha kane ka bynta bad ki nongioh jingmyntoi ba la kyrshan hapoh ka PMMSY kin ioh ia ki syrnot, kiba pyni ia ka jingbteng ka jingkut jingmut jong ka sorkar na ka bynta ka roi ka par kaba kynthup lang bad kaba neh.

Ka Tnad Fisheries, MoFAH&D ka buh hakhmat eh ban seng ia ki Integrated Aquapark kum ka jingiarap ba kongsan hapoh ka PMMSY. Ia kine ki aquapark la pynkhreht kum ki jaka ba la pyniasoh lang kiba ai ia ki jingshakri naduh ki jaka ri ia ki symbai dohkha bad ki jaka tylliat jingbam haduh ki jaka buh pyndait thah, ka jingpynkhreh, ka jingai jinghikai, bad ka jingpyniaid iew, baroh hapoh kawei ka jaka. Kine ki jingdonkam kim dei tang ki jingtei; ki long kiba wanrah ia ka kyntiew ia ka kam, ka jingsaindur thymmai, bad ka jingpynmih ia ka lad kamai kajih, khamtam eh na ka bynta ki samla bad ki kynthei ha ka thain. Ki park kin treikam ha ka rukom hub-and-spoke, kaba la pynbeit kyrpang ban pynbeit ia ki jingdonkam jong ka thain bad ki jaka ba kyrpang jong ka thain. Kane ka rukom treikam ba la pyniasoh lang ka pynthikna ba baroh ki liang jong ka kam ri dohkha bad ka jingkyntiew ia ka kam, naduh ka jingpynmih bad jingpynkhreh haduh ka jingdie, la kyrshan da kaba ai ia ki lad ki lynti kiba pura, ban pynbun ia ka jingmih bad ban kyntiew ia ka jingkiew shaphrang kaba neh. Ka Tripura ka la long ka nongialam ha kane ka jingpyrshang. Ka jylla kaba bun bha ka jingbam dohkha kaba palat 29 kilo na ka bynta uwei u briew ha ka shisnem, ka la kiew bha ha ka kam ri dohkha ha kine ki snem ba la dep. Hapoh ka PMMSY bad ka Blue Revolution, ka jylla ka la ioh ia ki projek kiba shongdor T. 319 Klur ha kine ki 10 snem ba la dep ban kyrshan ia ka jingpynheh ia ka kam ri dohkha, ki jingtei, ka jingpynrung ia ka teknoloji, ka bha ka miat jong ki nongtong dohkha bad ka jingiarap ia ki iew ki hat.

Ka Integrated Aquapark ha Kailashahar, Tripura kan long kum u budlum na ka bynta ban pynthymmai ia ki jingdon jingem na ka bynta ka jingpynmih dohkha, ka jingpynkhreh bad ka jingpyniaid iew ha ka jylla, kaba ai jingmyntoi ia kiba bun ki nongshim bynta ba bun ha ka jingpynbha shuh shuh ia kane ka kam.

****