بھاری صنعتوں کی وزارت کو کرناٹک حکومت کی طرف سے ایک رسمی تجویز موصول ہوئی ہے جس میں مرکزی اسپانسر شدہ پی ایم ای -ڈرائیو اقدام کے تحت الیکٹرک بسیں مختص کرنے کا مطالبہ کیا گیا ہے۔ کرناٹک کے وزیر ٹرانسپورٹ جناب رامالِنگا ریڈی نے بڑے شہروں میں شہری پبلک ٹرانسپورٹ سسٹم کو بڑھانے کی ضرورت کا حوالہ دیتے ہوئے ریاست کرناٹک کی درخواست پیش کی۔

مثبت جواب دیتے ہوئے بھاری صنعتوں اور اسٹیل کے مرکزی وزیر جناب ایچ ڈی کمارا سوامی نے وزارت کے سینئر عہدیداروں سے بات چیت کی اور کرناٹک حکومت کو مرکز کی طرف سے مکمل تعاون کا یقین دلایا۔ مرکزی وزیر نے تصدیق کی کہ مختص کرنے کا عمل پہلے سے ہی جاری ہے اور کرناٹک کو مرحلہ وار اور ترجیحی طور پر الیکٹرک بسیں ملیں گی۔ جناب ایچ ڈی کماراسوامی نے کہا، ‘‘میں اس بات کو یقینی بناؤں گا کہ کرناٹک کو حکومت ہند کی جانب سے تمام ضروری مدد ملے’’۔‘‘وزیر اعظم نریندر مودی جی کی دور اندیش قیادت میں، ہم پورے ہندوستان میں عوامی نقل و حرکت کو تبدیل کر رہے ہیں۔ کرناٹک کو یقینی طور پر پی ایم ای- ڈرائیو کے تحت بسیں ملیں گی۔’’ پی ایم ای- ڈرائیو پہل کے تحت 9 بڑے شہروں کو 14,000 الیکٹرک بسیں الاٹ کی جائیں گی۔ مرکزی اور ریاستی حکومتوں کے درمیان ہونے والی بات چیت میں بشمول چارجنگ اسٹیشن، بس ڈپو اور گاڑیوں کی دیکھ بھال کے نظام سےمتعلق بنیادی ڈھانچے کا بھی احاطہ کیا گیا ہے۔ دونوں اطراف کے عہدیداروں نے شناخت شدہ شہری کلسٹروں میں تیزی سے رول آؤٹ کو یقینی بنانے کے لیے نفاذ کے ماڈلز کی تلاش کی۔ مرکزی وزیر نے کہا، ‘‘ہم صرف بسیں ہی فراہم نہیں کر رہے ہیں - ہم ہندوستان کے لوگوں کے لیے ایک صاف ستھرا، بہتر اور زیادہ جامع ٹرانسپورٹ مستقبل بنا رہے ہیں۔ کرناٹک کے وزیر ٹرانسپورٹ جناب رامالِنگاریڈی کو میری اور وزارت کی مکمل حمایت حاصل ہے۔’’

وزیر اعظم جناب نریندر مودی کی قیادت میں شروع کی گئی پی ایم ای ڈرائیو پہل کا مقصد 14,028 الیکٹرک بسوں کے ساتھ شہری بس آپریشن کو بڑھانا ہے۔ اس اسکیم کی تخمینہ لاگت یکم  اپریل 2024 سے 31 مارچ2026 تک دو سالوں کے دوران10,900 کروڑ روپے ہے۔

بھاری صنعتوں کی وزارت تمام ریاستی حکومتوں اور اسٹیک ہولڈرز کے ساتھ مل کر اس تبدیلی کے مشن کو پورا کرنے کے لیے پرعزم ہے۔

۔۔۔۔۔۔۔۔۔۔۔

ش ح۔۔ ش ت۔ ر ب

U-825

(Release ID: 2129086)