آج مہاراشٹر کی ہوا بازی کی ترقی کے لیے ایک اہم لمحہ تھا جب شہری ہوا بازی کے مرکزی وزیر مملکت جناب مرلی دھر موہول نے کولہاپور ہوائی اڈے پر نئے اے ٹی سی ٹاور سمیت ٹیکنیکل بلاک اور فائر اسٹیشن کا افتتاح کیا اور کولہاپور اور ناگپور کے درمیان اسٹار ایئر کی پہلی پرواز کو جھنڈی دکھا کر روانہ کیا ۔

وزیراعظم نریندر مودی کی دور اندیش قیادت اور مرکزی شہری ہوابازی کے وزیر رام موہن نائیڈو کی فعال رہنمائی میں، ان ترقیاتی اقدامات کا مقصد فضائی سلامتی کو بڑھانا، ہنگامی خدمات کو مضبوط کرنا اور مہاراشٹر بھر میں علاقائی فضائی روابط کو مستحکم کرنا ہے۔ وزیر نے گرم جوشی سے استقبال کرتے ہوئے اظہارتشکر کیا ۔ انہوں نے اس بات کو یقینی بنانے کے لیے حکومت کے پختہ عزم کا اعادہ کیا کہ ہر شعبہ جدید اور جامع ہوا بازی کے بنیادی ڈھانچے سے مستفید ہو ۔

اس موقع پرکولہاپور لوک سبھا کے رکن جناب شریمنت شاہو مہاراج چھترپتی ،کولہاپور کے سرپرست وزیر جناب پرکاش ابیتکر، راجیہ سبھا کے رکن جناب دھننجے مہادک ، ہٹکاننگلے کے رکن پارلیمنٹ جناب دھیریشیل مانے ؛ جناب ایم سریش (ممبر ، ایئر نیویگیشن سروسز ، اے اے آئی ، جناب املجی مہادک (ممبر اسمبلی، کولہاپور ساؤتھ) جناب اشوک راؤ مانے (ممبر اسمبلی ،ہٹکاننگلے) جناب راہل آوڑے (ممبر اسمبلی، اچل کرنجی) اور ایئرپورٹ اتھارٹی آف انڈیا کے دیگر سینئر افسران اور عملہ بھی موجود تھے ۔

****

UR-821

(ش ح۔   ش آ۔ع ر)

(Release ID: 2129017) Visitor Counter : 2