زراعت اور کسانوں کی فلاح و بہبود اور دیہی ترقی کے مرکزی وزیر جناب شیوراج سنگھ چوہان نے سنٹرل ایگریکلچرل یونیورسٹی (امپھال)، جالوکی، ناگالینڈ کے کالج آف ویٹرنری سائنس اینڈ اینیمل یونیورسٹی کے  ایڈمنسٹریٹو کم اکیڈمک بلاک کا افتتاح کیا۔ اس موقع پر ناگالینڈ کے نائب وزیر اعلیٰ جناب ٹی آر۔ زیلیانگ، ریاستی دیہی ترقی کے وزیر جناب میٹسوبو جمیر، سنٹرل ایگریکلچرل یونیورسٹی (امپھال) کے وائس چانسلر ڈاکٹر انوپم مشرا بھی موجود تھے۔

اپنے افتتاحی خطاب میں جناب چوہان نے زراعت اور مویشیوں کے شعبے کی ترقی، ناگالینڈ کی خاص مصنوعات پر روشنی ڈالی۔ انہوں نے زراعت کے شعبے کی مجموعی ترقی کے لیے ریاست ناگالینڈ کو 338.83 کروڑ روپے کی مالی امداد کا اعلان کیا۔ انہوں نے ناگالینڈ حکومت سے کہا کہ وہ ریاست کی زراعت اور دیہی ترقی کے لیے ایک ایکشن پلان تیار کرے اور اس معاملے میں مرکزی حکومت سے مکمل تعاون کا یقین دلایا۔

جناب  شیوراج سنگھ چوہان نے ریاستی حکومت کے عہدیداروں کو مشورہ دیا کہ وہ ناگالینڈ کے ہر ضلع کے لیے سائنسدانوں، KVK کے عہدیداروں، یونیورسٹی کے پیشہ ور افراد اور کسانوں پر مشتمل ایک بنیادی سائنسی ٹیم تشکیل دیں جو مہینے میں کم از کم دو بار دیہات میں کسانوں کے ساتھ بات چیت کرکے ان کے مسائل کا پتہ لگائیں۔ اس سے نچلی سطح پر پالیسی سازی اور ٹیکنالوجی کی مداخلت میں مدد ملے گی۔ مرکزی وزیر نے ریاست ناگالینڈ میں قدرتی کھیتی کے مواقع پر زور دیا۔ انہوں نے کہا کہ مرکزی حکومت اس معاملے میں مدد کے لیے تیار ہے۔

مرکزی وزیر نے کالج آف ویٹرنری سائنس اینڈ اینیمل یونیورسٹی  کی کوششوں کی تعریف کی اور اس کے طلباء کو اپنے اختراعی خیالات ان کے ساتھ شیئرکرنے کے لئے  دہلی مدعو کیا۔ انہوں نے طلباء کی سٹارٹ اپ/ انٹرپرینیورشپ کی ترقی کے لئے ہر قسم کے تعاون اور مالی مدد کی یقین دہانی کرائی۔ انہوں نے کسانوں اور طلباء سے بات کرنے کے لئے دوبارہ ناگالینڈ آنے کا وعدہ کیا۔ جناب شیوراج سنگھ چوہان نے اس موقع پر لگائے گئے کسانوں کے میلے اور نمائشی اسٹال کا بھی دورہ کیا اور کسانوں سے بات چیت کی۔

ناگالینڈ کے گورنر جناب  لا گنیسن نے تقریب کی صدارت کی اور علاقے کے لوگوں کے لیے جانوروں کی صحت کی دیکھ بھال اور زراعت کی بہتری میں مدد کرنے میں مرکزی زرعی یونیورسٹی، امپھال اور کالج کے کردار کی تعریف کی۔ انہوں نے ہندوستان کی ترقی کے لیے سائنسی نقطہ نظر کی اہمیت اور کسانوں اور ریاستی مالکان کی شرکت کی اہمیت پر زور دیا تاکہ 2047 تک ترقی یافتہ ہندوستان کا خواب شرمندہ تعبیر ہو سکے۔

ناگالینڈ کے نائب وزیر اعلیٰ جناب ٹی آر زیلیانگ نے ریاست میں زرعی ترقی اور معاشی ترقی کے لیے تکنیکی مداخلتوں اور تحقیق پر مبنی کاشتکاری کی اہمیت کو اجاگر کیا۔ اس پروگرام میں 639 کسانوں اور ریاستی اور مرکزی حکومت کے 84 عہدیداروں نے شرکت کی۔

******

U.No:816

ش ح۔ح ن۔س ا

(Release ID: 2128954)