قومی انسانی حقوق کمیشن (این ایچ آر سی)، بھارت نے انسانی حقوق پر مختصر فلموں کے لیے اپنے 11ویں سالانہ مقابلے کے لیے درخواستیں طلب کی ہیں۔ درخواست  جمع کروانے کی آخری تاریخ 31 اگست 2025 ہے۔ جیتنے والی فلموں کو انعامات  سے نوازا جائے گا۔

مختصر فلم ایوارڈز اسکیم کمیشن نے 2015 میں شروع کی تھی۔ اس اسکیم کا مقصد بھارتی شہریوں کی سینماٹوگرافی اور تخلیقی کوششوں کو سراہنا اور ان کی حوصلہ افزائی کرنا ہے، چاہے ان کی عمر کچھ بھی ہو تاکہ انسانی حقوق کے فروغ اور تحفظ کو یقینی بنایا جا سکے۔ پچھلے تمام مقابلوں میں کمیشن کو ملک کے مختلف حصوں سے زبردست ردعمل ملا ہے۔

مختصر فلمیں انگریزی یا کسی بھی ہندوستانی زبان میں ہو سکتی ہیں، لیکن ان کے ساتھ انگریزی سب ٹائٹلز (ذیلی عنوانات) ہونا ضروری ہے۔ فلم کا دورانیہ کم از کم 3 منٹ اور زیادہ سے زیادہ 10 منٹ ہونا چاہیے۔ فلمیں دستاویزی، حقیقی کہانیوں پر مبنی ڈرامائی انداز، یا کوئی تخیلاتی کام ہو سکتی ہیں، جو کسی بھی تکنیکی فارمیٹ (بشمول اینیمیشن) میں بنائی گئی ہوں۔ ان کا موضوع درج ذیل سماجی، معاشی، ثقافتی اور سیاسی حقوق کے دائرے میں آنا چاہیے۔

• زندگی، آزادی، مساوات اور وقار کا حق

• جبری مشقت اور  بچہ مزدوری (چائلڈ لیبر)، خواتین و بچوں کے حقوق سے متعلق مسائل

• بزرگ افراد کو درپیش چیلنجز میں حقوق

• معذور افراد کے حقوق

• مینوئل اسکیونجنگ (ہاتھ سے صفائی کا کام)، صحت کی سہولیات تک رسائی کا حق

• بنیادی آزادیوں کے مسائل

• انسانی اسمگلنگ

• گھریلو تشدد

• پولیس مظالم کی وجہ سے انسانی حقوق کی پامالی

• حراستی تشدد اور اذیت

• معاشی و سماجی عدم مساوات

• خانہ بدوش اور نامزد قبائل کے حقوق

• جیل اصلاحات

• تعلیم کا حق

• صاف ماحول کا حق، بشمول وہ ماحولیاتی خطرات جو زمین پر زندگی کو متاثر کرتے ہیں

• کام کرنے کا حق

• قانون کے سامنے برابری کا حق

• خوراک اور غذائی تحفظ کا حق

• ایل جی بی ٹی کیو آئی پلس افراد کے حقوق

• انسانی حقوق کی خلاف ورزی جو انسان ساختہ یا قدرتی آفات کے باعث بے دخلی کی وجہ سے ہو

• بھارتی تنوع میں انسانی حقوق اور اقدار کا جشن

• ترقیاتی اقدامات جو زندگی اور معیارِ زندگی کو بہتر بناتے ہیں، وغیرہ

مسابقت میں شرکت کے لیے نہ تو کوئی داخلہ فیس ہے اور نہ ہی انفرادی طور پر بھیجے جانے والے فلموں کی تعداد پر کوئی پابندی ہے۔ تاہم ، شرکاء کو ہر فلم کو باضابطہ طور پر بھرا ہوا اندراج فارم کے ساتھ الگ سے بھیجنا ہوگا ۔ شرائط و ضوابط اور داخلہ فارم این ایچ آر سی کی ویب سائٹ www.nhrc.nic.in سے ڈاؤن لوڈ کیے جا سکتے ہیں یا اس لنک پر کلک کر کے حاصل کیے جا سکتے ہیں۔

فلم، مکمل شدہ درخواست فارم، اور دیگر مطلوبہ دستاویزات کو گوگل ڈرائیو کے ذریعے nhrcshortfilm[at]gmail[dot]com پر ارسال کریں ۔ کسی بھی سوالات کے لیے بھی اس ای میل ایڈریس پر رابطہ کیا جا سکتا ہے۔

این ایچ آر سی کا مختصر فلم مقابلہ-2025،شرائط و ضوابط اور درخواست فارم

NHRC's Short Film Competition-2025-Terms & Conditions and Application Form

********

ش ح۔ش آ ۔ن ع

 (U: 781)

(Release ID: 2128699)