مقامی برادریوں کے ساتھ خیر سگالی اور گہری وابستگی کے جذبے کو فروغ دینے کی ایک نئی پہل میں، ساؤتھ ایسٹرن کول فیلڈز لمیٹڈ(ایس ای سی ایل) نے حال ہی میں چھتیس گڑھ کے سورج پور ضلع میں اپنے بھٹگاؤں ایریا کے تحت اپنا پہلا ‘اسنیہ ملن میلہ’ منعقد کیا۔

 

یہ تقریب، جس نے ایس ای سی ایل کے ملازمین، ان کے خاندانوں، اور قریبی دیہاتیوں کو اکٹھا  کرنے کا کام کیا، ایس ای سی ایل کے وسیع تر نقطہ نظر کا حصہ ہے تاکہ کان کنی کے کاموں کو وسعت دینے کی خاطر زمین کے حصول کے لیے، ضروری اعتماد اور تعاون حاصل کیا جاسکے۔

اس شاندارتقریب میں ثقافتی پرفارمنس پیش کی گئی جس میں گانے، رقص اور منشیات سے نجات کے سماجی پیغام کے ساتھ ایک نمایاں کٹھ پتلی ایکٹ شامل تھا۔ خواتین ملازمین اور مقامی شرکاء نے تقریب کے ماحول کو مزید خوشگوار بناتے ہوئے روایتی کھانوں کی پیشکش کرنے والے کھانے کے اسٹال لگائے۔ ایس ای سی ایل کے ملازمین سمیت 600 سے زائد شرکاءاور قریبی کمیونٹیز کے اراکین نے اس تقریب میں شرکت کی، جنہوں نے اتحاد اور مشترکہ پیش رفت پر زور دیا۔

یہ میلہ کوئلہ اور کانوں کے مرکزی وزیر جناب جی کشن ریڈی کے وژن کے مطابق ہے جنہوں نے ایس ای سی ایل کے اپنے حالیہ دورہ کے دوران زمینی سطح پر لوگوں سے  رابطہ کیا، کوئلے کے کان کنوں کے ساتھ لنچ کیا اور زمینی سطح پر تعامل اور کارکنوں کی بہبود کی اہمیت پر زور دیا۔

 

بازآبادکاری کی اپنی جاری کوششوں کے ایک حصے کے طور پر، ایس ای سی ایل نے بھٹگاؤں ایریا میں مہامایا اوپن کاسٹ پروجیکٹ کے لیے زمین کے حصول سے متاثر ہونے والے 86 مقامی نوجوانوں کو روزگار نامے بھی تقسیم کیے ہیں۔

تقرری نامے ایک رسمی تقریب میں پیش کیے گئے جس کی صدارت چھتیس گڑھ حکومت کی خواتین  اور بچوں کی ترقی کی وزیرمحترمہ  لکشمی راجواڑے نے کی۔ انہوں نے متاثرہ خاندانوں کو بااختیار بنانے کے لیے ایس ای سی ایل کے اقدامات کی تعریف کی اور نوجوانوں سے خطے کی ترقی میں اپنا حصہ ڈالنے کی اپیل کی۔

ایس ای سی ایل اپنے آپریشنز کو بڑھانے کے لیے فعال طور پر کام کر رہا ہے، خاص طور پر اپنے تین فلیگ شپ میگا پراجیکٹس گیورا، ڈپکا، اور کسمنڈا میں جو مل کر کمپنی کی کوئلے کی پیداوار میں 70 فیصد سے زیادہ حصہ ڈالتے ہیں۔ کمیونٹی کے تعاون کو آسان بنانا ان توسیعی اقدامات کی کلید ہے۔

اکیلے مالی سال 2024-25 میں، ایس ای سی ایل نے حصول اراضی کے بدلے 807 لوگوں کو روزگار فراہم کیا، جو کمپنی کی تاریخ میں سب سے زیادہ تعداد ہے  اورجو جامع، پائیدار ترقی کے تئیں اس کے عزم کو واضح کرتی ہے۔

ایس ای سی ایل کے سی ایم ڈی جناب ہریش دوہن نے کہا، ‘‘ایس ای سی ایل میں، ہمارا مشن کان کنی سے آگے ہے۔ ہم اپنے آپریشنل علاقوں میں لوگوں کی زندگیوں کو مستقل روزگار اور کمیونٹی تعامل کے ذریعے بہتر بنانے کے تئیں پرعزم ہیں۔ اسنیہ ملن میلہ جیسی تقریبات ترقی کے تئیں ہمارے مجموعی نقطہ نظر کی عکاسی کرتی ہیں جہاں کمیونٹیز میں اعتماد پیدا کرنا اتنا ہی ضروری ہے جتنا طویل آپریشنل کارکردگی میں پیش رفت ۔"

****

ش ح۔ م م۔ ج

Uno-680

 

(Release ID: 2127788)