नवी दिल्‍ली, 5 मे 2025

संरक्षण संशोधन आणि विकास संघटना (डीआरडीओ) आणि भारतीय नौदलाद्वारे स्वदेशी बनावटीच्या बहु-प्रभावक तसेच बहुउद्देशीय भू- दारूगोळा सुरूंगाची (एमआयजीएम) युद्धजन्य प्रमाणीकरण (कमी स्फोटकांसह) चाचणी यशस्वी झाली. ही प्रणाली अतिशय  प्रगत आहे. विशाखापट्टणमच्या नौदल विज्ञान आणि तंत्रज्ञान प्रयोगशाळेने आणि पुण्याच्या हाय एनर्जी मटेरियल्स रिसर्च लॅबोरेटरी आणि चंदीगडच्या टर्मिनल बॅलिस्टिक्स रिसर्च लॅबोरेटरी या डीआरडीओ च्या अन्य प्रयोगशाळांच्या सहयोगातून हे बहुउद्देशीय विघातक दारूगोळ्यासह भू सुरूंग  विकसित केले आहे.

आधुनिक प्रचंड  जहाजे आणि पाणबुड्यांच्या  विरोधात भारतीय नौदलाची क्षमता वाढवण्यासाठी ‘एमआयजीएम’ची रचना करण्यात आली आहे. विशाखापट्टणम येथील भारत डायनॅमिक्स लिमिटेड आणि हैदराबाद येथील  अपोलो मायक्रोसिस्टम्स लिमिटेड या प्रणालीचे उत्पादन भागीदार आहेत.

डीआरडीओ, भारतीय नौदल आणि उद्योगाचे कौतुक करताना, संरक्षण मंत्री राजनाथ सिंह यांनी नमूद केले की, या प्रगत प्रणालीमुळे भारतीय नौदलाच्या समुद्राखालील युद्ध क्षमतांमध्ये आणखी वाढ होणार आहे.

संरक्षण संशोधन आणि विकास विभागाचे सचिव आणि डीआरडीओ चे अध्यक्ष डॉ. समीर व्ही. कामत म्हणाले की, या प्रमाणीकरण चाचणीसह, ही प्रणाली आता भारतीय नौदलात समाविष्ट होण्यासाठी सज्ज आहे.

* * *

S.Bedekar/V.Joshi/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai