સંરક્ષણ સંશોધન અને વિકાસ સંગઠન (DRDO) અને ભારતીય નૌકાદળે સ્વદેશી રીતે ડિઝાઇન અને વિકસિત મલ્ટી-ઇન્ફ્લુઅન્સ ગ્રાઉન્ડ માઇન (MIGM)નું કોમ્બેટ ફાયરિંગ (મર્યાદિત વિસ્ફોટક સાથે) સફળતાપૂર્વક હાથ ધર્યું હતું. આ સિસ્ટમ   પાણીની અંદર એક અદ્યતન નૌકાદળ ખાણ છે જે નેવલ સાયન્સ એન્ડ ટેકનોલોજીકલ લેબોરેટરી, વિશાખાપટ્ટનમ દ્વારા અન્ય DRDO પ્રયોગશાળાઓ - હાઇ એનર્જી મટિરિયલ્સ રિસર્ચ લેબોરેટરી, પુણે અને ટર્મિનલ બેલિસ્ટિક્સ રિસર્ચ લેબોરેટરી, ચંદીગઢના સહયોગથી વિકસાવવામાં આવી છે.

MIGM આધુનિક સ્ટીલ્થ જહાજો અને સબમરીન સામે ભારતીય નૌકાદળની ક્ષમતાઓને વધારવા માટે રચાયેલ છે. ભારત ડાયનેમિક્સ લિમિટેડ, વિશાખાપટ્ટનમ અને એપોલો માઇક્રોસિસ્ટમ્સ લિમિટેડ, હૈદરાબાદ આ સિસ્ટમ માટે ઉત્પાદન ભાગીદારો છે.

DRDO, ભારતીય નૌકાદળ અને ઉદ્યોગની પ્રશંસા કરતા, રક્ષા મંત્રી શ્રી રાજનાથ સિંહે જણાવ્યું હતું કે આ સિસ્ટમ ભારતીય નૌકાદળની સમુદ્રી યુદ્ધ ક્ષમતાઓને વધુ વધારશે.

સંરક્ષણ વિભાગના સંશોધન અને વિકાસ સચિવ અને DRDOના અધ્યક્ષ ડૉ. સમીર વી કામતે જણાવ્યું હતું કે, આ માન્યતા પરીક્ષણ સાથે, આ સિસ્ટમ હવે ભારતીય નૌકાદળમાં સામેલ થવા માટે તૈયાર છે.

AP/IJ/GP/JD