مالی سال 2023- 24 میں ریکارڈ پیداوار کی سطح تک پہنچنے کے بعد، مالی سال 2024- 25میں ملک میں کچھ اہم معدنیات کی پیداوار میں زبردست اضافہ دیکھنے میں آیا۔ قیمت کے لحاظ سے کل ایم سی ڈی آر معدنی پیداوار کا 70فیصد لوہے کا ہے۔ عارضی اعداد و شمار کے مطابق، مالی سال 2024- 25 میں خام لوہے کی پیداوار 289 ملین میٹرک ٹن (ایم ایم ٹی) نے 4.3 فیصد اضافے کے ساتھ مالی سال 2023- 24 میں حاصل کردہ 277 ایم ایم ٹی کے پیداواری ریکارڈ کو توڑ دیا ہے۔ اسی طرح،  خام مینگنیج کی پیداوار نے مالی سال 2023- 24میں حاصل کیے گئے 3.4 ایم ایم ٹی کے پیداواری ریکارڈ کو بھی پیچھے چھوڑ دیا ہے، جو مالی سال 2024- 25میں 11.8 فیصد بڑھ کر 3.8 ایم ایم ٹی ہو گیا ہے۔ باکسائٹ کی پیداوار بھی مالی سال 2023- 24میں 24 ایم ایم ٹی سے مالی سال 2024- 25میں 2.9 فیصد بڑھ کر 24.7 ایم ایم ٹی ہوگئی ہے۔ اسی مدت کے دوران، لیڈ کنسینٹریٹ کی پیداوار 3.1 فیصد اضافے کے ساتھ 381 ہزار ٹن (ٹی ایچ ٹی) سے بڑھ کر 393 ٹی ایچ ٹی ہو گئی۔

غیر آہن دھات کے شعبے میں، مالی سال 2024- 25میں بنیادی ایلومینیم کی پیداوار نے مالی سال 2023- 24 کے پیداواری ریکارڈ کو توڑ دیا ہے۔ بنیادی ایلومینیم کی پیداوار مالی سال 2023- 24میں 41.6 لاکھ ٹن (ایل ٹی) سے بڑھ کر مالی سال 2024- 25کے دوران 42 ایل ٹی تک پہنچ گئی۔ ریفائنڈ تانبے کی پیداوار میں 12.6فیصد کی مضبوط نمو دیکھی گئی، جو مالی سال 2023- 24 میں 5.09 ایل ٹی سے بڑھ کر مالی سال 2024- 25  میں 5.73 ایل ٹی ہو گئی۔

ہندوستان ایلومینیم پیدا کرنے والا کا دوسرا سب سے بڑا  ملک ہے، ریفائنڈ تانبے میں10واں سب سے بڑا اور دنیا میں چوتھا سب سے بڑا لوہا پیدا کرنے والا ملک ہے۔ موجودہ مالی سال میں خام لوہے کی پیداوار میں مسلسل اضافہ صارف کی صنعت میں مانگ کے مضبوط حالات کی عکاسی کرتا ہے۔ اسٹیل، ایلومینیم اور تانبے میں ترقی کے ساتھ، ترقی کے یہ رجحانات صارف کے شعبوں جیسے توانائی، بنیادی ڈھانچے، تعمیرات، آٹوموٹیو اور مشینری میں مسلسل مضبوط اقتصادی سرگرمیوں کی طرف اشارہ کرتے ہیں۔

*****

UR- 582

(ش ح۔   ع و ۔ ا ک م)