ویژن اور جوش و خروش سے بھرپور ایک گفتگو میں ، ویوز 2025 میں پینل ڈسکشن ’’او ٹی ٹی انقلاب: اے آئی ، پرسنلائزیشن اور انٹرایکٹو مواد اسٹریمنگ لینڈ اسکیپ کو کیسے تبدیل کر رہے ہیں‘‘ نے اسٹریمنگ انڈسٹری کے کچھ بااثر ذہنوں کو یکجا کرنے کا کام  کیا ۔لائنز گیٹ پلے ایشیا کے صدر روہت جین کی نظامت میں ، اس مباحثے میں دریافت کیا گیا کہ کس طرح ہندوستان کی گہری، کہانی سنانے کی میراث ایک طاقتور تبدیلی کے دورسے گزر رہی ہے ، کیونکہ مصنوعی ذہانت اور انٹرایکٹوٹی کہانیوں کو سنانے ، پیش کرنے اور تجربہ کرنے کے طریقے کو نئی شکل دیتی ہے ۔

سیشن کا آغاز کرتے ہوئے روہت جین نے ہندوستان کے کہانی سنانے کے ورثے کو خراج عقیدت پیش کیا اور اس دلچسپ تبدیلی کے بارے میں بات کی اور بتایا کہ کس طرح ٹیکنالوجی نہ صرف جو ہم دیکھتے ہیں بلکہ کہانیوں کے ذریعے ہم کس طرح جڑتے ہیں اسے بھی تبدیل کر رہی ہے ۔

گورو گاندھی ، نائب صدر برائے ایشیا پیسیفک اور  ایم ای این اے  نے پرسنلائزیشن کا ذکر ایک پرتوں والے عمل کے طور پر کیا ۔انہوں نے ’’ہم یہ سمجھنے سے شروع کرتے ہیں کہ ناظرین کیا چاہتے ہیں یعنی ان کا مزاج  اور ان کا ذائقہ  کیا ہے اور ہمارے جیسے کثیر لسانی ملک میں  یہ لسانی تلاش کو فعال کرنے کے بارے میں بھی ہے ۔‘‘

مونیکا شیرگل نے آج کے مواد کے منظر نامے کو انسانی تاریخ میں پہلی بار تخلیقی صلاحیتوں اور مشین لرننگ کے امتزاج کے طور پر بیان کیا ۔انہوں نے کہا کہ ’’آپ کرائم تھرلر کے لیے آ سکتے ہیں ، لیکن آپ یہ بھی دیکھتے ہیں کہ کیا ٹرینڈ ہو رہا ہے ۔اس کا مقصد ایک مشترکہ ثقافتی نبض بناتے ہوئے ناظرین کی خدمت کرنا ہے ۔‘‘

بھرت رام کے مطابق ، ناظرین کا رویہ ایک سراغ چھوڑتا ہے ۔زیادہ تر لوگ ، جیسے شرلاک ہومز کے مشتبہ افراد ، جب کسی پلیٹ فارم پر جاتے ہیں تو سراغ چھوڑ دیتے ہیں ۔انہوں نے کہا کہ ہم مواد کی سفارش یعنی علاقائی ، طاق ، مقبول  اور  ہر وہ چیز جو انہیں مصروف رکھتی ہے، کے لیے ان اشاروں کی پیروی کرتے ہیں۔

اس کے بعد بحث خود کہانی سنانے کی طرف مائل ہو گئی ۔سونی پکچرز نیٹ ورکس انڈیا کے ایم ڈی اور سی ای او گورو بنرجی نے ایک اچھی کہانی کی پائیدار طاقت کا اظہار کیا ۔انہوں نے کہا کہ’’جب کوئی چیز لمحے کے ساتھ گونجتی ہے  تو ناظرین اسے تلاش کر لیں گے ۔بلاک بسٹر فلموں میں یقین ان کہانیوں اور کہانی سنانے والوں کی شناخت کرنے کے بارے میں ہے جو ثقافتی لمحات پر پورا اترتے ہیں ۔‘‘انہوں نے گھریلو سنیما کی کامیابیوں کا حوالہ دیتے ہوئے یہ بات کہی  ، جنہوں نے بڑی صنعتوں کے زوال کا مقابلہ کیا ۔

لینیئر فارمیٹس سے تخلیق کار کی قیادت والے ماحولیاتی نظام میں ڈرامائی ارتقاء کی عکاسی کرتے ہوئے ، نیرج رائے نے ڈیجیٹل پلیٹ فارموں کے ذریعے لائے گئے مجموعے پر روشنی ڈالی ۔انہوں نے کہا کہ ’’میوزک ویڈیوز سے لے کر بڑے پیمانے پر تخلیق کاروں کی دنیا تک ، یوٹیوب جیسے پلیٹ فارم نے سب کچھ بدل دیا ہے۔اب ، پیداواری ٹیکنالوجی کے ساتھ ، ہم اس سے بھی بڑی چیز کی دہلیز پر کھڑے ہیں ۔‘‘

اس کے بعد بات چیت انٹرایکٹوٹی کی طرف مڑ گئی ۔گورو گاندھی نے وضاحت کی کہ پرائم ویڈیو انٹرایکٹو خصوصیات کا استعمال کرتا ہے جو کہانی میں خلل ڈالنے کے بجائے اسے بڑھاتا ہے ۔انہوں نے کہا کہ ’’آپ مداحوں کے سفر کو پورا کرنے کے لیے صرف اتنا دیتے ہیں ،جتنی کی ضرورت ہے، کبھی زیادہ نہیں دیتے‘‘ ۔

مونیکا شیرگل نے تفصیل سے بتایا کہ کس طرح نیٹ فلکس نے انٹرایکٹوٹی کو اپنایا ہے ، خاص طور پر گیمنگ میں اپنی کوشش کے ذریعے ۔’’ایمرسن ایک نیا انگیجمنٹ ہے اورپرسنلائزیشن ہر عظیم کہانی کو آگے بڑھنے میں مدد کرتی ہے ۔ ‘‘

روہت جین نے یہ سوال بھی اٹھایا کہ عظیم کہانیاں کیسے دریافت کی جاتی ہیں ۔گورو بنرجی نے جواب دیا کہ کہانی سنانے والے اکثر اپنی آواز کو منظم طریقے سے تلاش کرتے ہیں ۔انہوں نے کہا کہ ’’ دنیا بدل رہی ہے ۔بھون بام کو لے لیں ، انہوں نے  اپنا لمحہ اپنی آواز پالی ۔ہمیں صرف ان لمحات کو پہچاننے اور ان کے ساتھ کھیلنے کی ضرورت ہے ۔‘‘

مونیکا شیرگل نے ہندوستان کے تخلیقی منظر نامے کی غیر استعمال شدہ صلاحیت کی طرف اشارہ کرتے ہوئے اپنی بات ختم کی ۔انہوں نے کہا ’’ہم نے ہندوستان کی خاطر خواہ تلاش نہیں کی ہے ۔یہاں کا انسانی سرمایہ غیر معمولی ہے ۔مقصد پر مبنی اے آئی ، بھرپور کہانی سنانے کے ساتھ جوڑا بنا کر  ایسی قدر پیدا کر سکتا ہے جو برقرار رہے ۔‘‘

پینل کا اختتام ٹیکنالوجی کے بارے میں  امید، لیکن اس سے بھی زیادہ تخیل ، ایمرسن اور ہندوستان کے بے حد تخلیقی جذبے کے بارے میں ایک نوٹ پر ہوا ۔

حقیقی وقت پر تازہ ترین اپ ڈیٹ  کے لئے ہمیں ایکس پر فالو کریں:

https://x.com/WAVESummitInd ia  

https://x.com/MIB_India     

https://x.com/PIB_India

https://x.com/PIBmumbai

انسٹاگرام پر:

 https://www.instagram.com/wavesummitindia

https://www.instagram.com/mib_india

https://www.instagram.com/pibindia

-----------------------

ش ح۔م م ۔ ع ن

U NO: 577