مرکزی وزیر داخلہ اور  امداد باہمی  کے وزیر جناب امت شاہ نے نئی دہلی میں بوڈوفا اپیندر ناتھ برہما کے  مجسمے کی نقاب کشائی کی اور سڑک اور روٹری کا نام رکھ کر انہیں  خراج عقیدت پیش  کیا۔ آسام کے وزیر اعلی ڈاکٹر ہمنتا بسوا شرما اور دہلی کی وزیر اعلی محترمہ ریکھا گپتا  سمیت کئی معزز شخصیات   اس موقع پر موجود تھیں ۔

اپنے خطاب میں مرکزی وزیر داخلہ اور امداد باہمی کے وزیر جناب امت شاہ نے کہا کہ آج بوڈوفا اپیندر ناتھ برہما کی 35 ویں برسی ہے ، جنہوں نے اپنی پوری زندگی میں  اپنی برادری اور خطے کے احترام اور حقوق کے لیے جدوجہد کی ۔انہیں خراج عقیدت پیش کرنے کے لیے آج دارالحکومت دہلی میں ان کے قدآور مجسمے اور ایک اہم سڑک کا نام بوڈوفا اپیندر ناتھ برہما مارگ رکھا گیا ہے ۔جناب شاہ نے کہا کہ بوڈوفا اپیندر ناتھ برہما کا مجسمہ نہ صرف بوڈو لینڈ بلکہ ملک کے ان تمام لوگوں کے لیے خراج تحسین ہے جنہوں نے اپنی زبان اور مذہب کی ترقی کے لیے جدوجہد کی ۔نئی دہلی میں بوڈوفا کا مجسمہ ملک بھر کے قبائلی معاشرے کی عزت اور خودداری کی علامت ہے ۔

جناب شاہ نے کہا کہ دہلی میں نصب کیا گیا مجسمہ نہ صرف بوڈو لینڈ کے لیے احترام کی بات ہے بلکہ ملک بھر کے چھوٹے قبائل کی طرف سے اپنی زبان ، مذہب ، ذات اور لوگوں کی ترقی اور ترقی کے لیے کی گئی جدوجہد کے لیے بھی اہم   ہے ۔

پہلگام دہشت گردانہ حملے میں جان گنوانے والوں کو خراج عقیدت پیش کرتے ہوئے وزیر داخلہ نے حملے میں جان گنوانے والوں کے اہل خانہ سے کہا کہ یہ صرف ان کا نہیں بلکہ پوری قوم کا نقصان ہے ۔جناب شاہ نے کہا کہ پہلگام حملے میں جانوں کے ضیاع کا درد جتنا ان کے خاندانوں کے دلوں میں ہے  اتنا ہی   ملک کے ہر شہری کے دل میں ہے ۔انہوں نے کہا کہ وزیر اعظم جناب نریندر مودی کی کشمیر میں دہشت گردی میں ملوث افراد کے خلاف صفر رواداری کی پالیسی ہے اور ہم اپنی جنگ مضبوطی سے لڑ رہے ہیں ۔وزیر داخلہ نے کہا کہ دہشت گردوں کو یہ نہیں سوچنا چاہیے کہ آج انہوں نے ہمارے شہریوں کی جانیں لے کر یہ جنگ جیت لی ہے ۔جناب شاہ نے کہا کہ یہ جنگ کا اختتام نہیں ہے اور دہشت گردی کے ذمہ دار ہر شخص کو جواب دیا جائے گا اور ان سے جواب  بھی مانگا  جائے گا ۔

جناب امت شاہ نے کہا کہ وزیر اعظم جناب نریندر مودی کی قیادت میں ، چاہے شمال مشرق میں شورش ہو ، بائیں بازو کی انتہا پسندی ہو یا کشمیر میں دہشت گردی ، ان سب کو مناسب جواب دیا گیا ہے ۔انہوں نے کہا کہ اگر کسی کو لگتا ہے کہ وہ بزدلانہ حملے کر کے جیت گئے ہیں تو انہیں معلوم ہونا چاہیے کہ یہ مودی حکومت ہے جو کسی کو نہیں چھوڑے گی ۔وزیر داخلہ نے کہا کہ ہندوستان کی سرزمین سے دہشت گردی کو جڑ سے اکھاڑ پھینکنے کا مودی حکومت کا عزم پورا ہوگا ۔انہوں نے کہا کہ اس لڑائی میں نہ صرف 140 کروڑ ہندوستانی بلکہ پوری دنیا ہندوستان کے ساتھ کھڑی ہے۔دہشت گردی کے خلاف جنگ میں دنیا کے تمام ممالک متحد ہوکر ہندوستان کے عوام کے ساتھ کھڑے ہیں ۔انہوں نے کہا کہ ہماری لڑائی اس وقت تک جاری رہے گی جب تک دہشت گردی کا خاتمہ نہیں ہو جاتا اور جنہوں نے یہ بدکاری کی ہے انہیں ضرور سزا دی جائے گی ۔

مرکزی وزیر داخلہ نے کہا کہ آج بوڈوفا اپیندر ناتھ برہما کے 9 فٹ اونچے مجسمے کی نقاب کشائی کی گئی ہے ۔بوڈوفا نہ صرف بوڈو لینڈ اور بوڈو برادری بلکہ پوری قبائلی برادری کے لیے بھی احترام ، شناخت اور مساوی حقوق کے لیے لڑنے کے لیے جانے جاتے  ہیں  ۔جناب شاہ نے کہا کہ ملک کے دور دراز علاقے میں پیدا ہونے والے ایک قبائلی بچے نے پورے قبائلی معاشرے کو متحد کیا اور انہیں پرامن طریقے سے اپنے حقوق کے لیے لڑنا سکھایا ۔بوڈوفا نے انتہائی غربت میں رہنے والے تمام قبائل کے لوگوں کو اکٹھا کیا ۔جناب شاہ نے کہا کہ آج بوڈوفا اب نہیں رہا بلکہ ان کا جیو  اور جینے دو  کا فارمولا پورے بوڈو لینڈ اور قبائلی معاشرے نے قبول کر لیا ہے ۔انہوں نے کہا کہ ہزاروں نوجوانوں کی قربانی کے بعد آج ہمارا بوڈو لینڈ امن اور ترقی کی راہ پر آگے بڑھا ہے ۔آج پورا آسام بوڈو لینڈ کے لوگوں کو قبول کرتا ہے اور بوڈو لینڈ آسام کو قبول کرتا ہے ۔انہوں نے کہا کہ اس ملک پر بوڈو عوام کا اتنا ہی حق ہے جتنا ہم سب کا ہے ۔وزیر داخلہ نے کہا کہ 2014 سے وزیر اعظم مودی کی قیادت میں ملک میں چلنے والی حکومت کا ماننا ہے کہ ہندوستان پر سب کا حق ہے اور اسی اصول کے تحت آج بوڈو لینڈ ترقی کی راہ پر  گامزن  ہے ۔

جناب امت شاہ نے کہا کہ 9 ماہ کی وسیع بحث کے بعد 2020 میں بوڈو معاہدے پر دستخط ہوئے اور تمام لوگ ہتھیار ڈال کر مرکزی دھارے میں شامل ہو گئے ہیں ۔انہوں نے کہا کہ مودی حکومت بھی جو بھی معاہدے کرتی ہے اس پر عمل کرتی ہے ۔ہماری حکومت بھی پچھلی حکومت کے دور میں کیے گئے معاہدوں کی پاسداری کر رہی ہے ۔انہوں نے کہا کہ ہم نے بوڈو معاہدے کے 96 فیصد مسائل کو حل کرلیا ہے اور جلد ہی 100 فیصد مسائل کو حل کر لیں گے ۔جناب شاہ نے کہا کہ یہ آسام اور شمال مشرق کے لوگوں کے لیے مودی حکومت کا بہت بڑا تحفہ ہے ۔انہوں نے کہا کہ مودی حکومت نے شمال مشرق میں 20 سے زیادہ معاہدوں پر دستخط کیے ہیں اور 10 ہزار سے زیادہ لوگ ہتھیار ڈال کر مرکزی دھارے میں شامل ہو چکے ہیں ۔20 سے زیادہ معاہدوں میں سے 78 فیصد مسائل کو مودی حکومت نے پچھلے 4-3سالوں میں پورا کیا ہے ۔انہوں نے کہا کہ اس سے ظاہر ہوتا ہے کہ ہم وہی کرتے ہیں جو ہم کہتے ہیں اور آج پورا آسام امن کی راہ پر آگے بڑھا ہے ۔

مرکزی وزیر داخلہ اور امداد باہمی کے وزیر نے کہا کہ اب بوڈو نوجوانوں کو جیو اور جینے دو کے مقصد کے ساتھ باٹھو مذہب کے بنیادی خیال کو آگے بڑھانا چاہیے اور آسام کی ترقی میں حصہ ادا کرنا  چاہیے ۔انہوں نے کہا کہ آج آسام پورے ملک میں صنعتی سرمایہ کاری کے لیے توجہ کا مرکز بن گیا ہے اور آسام میں بہت سی صنعتیں ترقی کر رہی ہیں ۔انہوں نے کہا کہ ہمارے شمال مشرق میں 220 سے زیادہ نسلی گروہ ، 160 سے زیادہ قبائل ، 200 سے زیادہ زبانیں اور بولیاں ، 50 سے زیادہ منفرد تہوار ، 30 سے زیادہ روایتی رقص کے انداز اور 100 سے زیادہ لذیذ پکوان ہیں ۔وزیر داخلہ نے کہا کہ شمال مشرق اور آسام کی ثقافت ہندوستان کی ثقافت کا ایک انمول زیور ہے ۔وزیر اعظم جناب نریندر مودی نے آسام اور شمال مشرق کی ترقی کے لیے بہت کام کیا ہے ۔جناب نریندر مودی واحد وزیر اعظم ہیں جنہوں نے وزیر اعظم بننے کے بعد 50 سے زیادہ بار شمال مشرق کا دورہ کیا ہے ۔جناب شاہ نے کہا کہ وزیر اعظم جناب نریندر مودی نے کئی بار بوڈو لینڈ جیسے دور دراز علاقوں کا دورہ کیا ہے ، جس سے یہ ظاہر ہوتا ہے کہ ہمارا شمال مشرق ملک کا ایک بہت بڑا اور اہم حصہ ہے ۔انہوں نے کہا کہ شمال مشرق کی ثقافت اور طاقت انمول ہے اور مودی حکومت شمال مشرق کی ترقی میں پورے ملک کی طاقت کو بروئے کار لانے کے مقصد سے کام کر رہی ہے ۔

********

ش ح۔ ش ت ۔رض

U.N. 466