வாக்காளர் பட்டியலின் துல்லியத்தை மேம்படுத்தவும், மக்களுக்கு வாக்களிக்கும் செயல்முறையை மிகவும் வசதியானதாக மாற்றவும் இந்திய தேர்தல் ஆணையம் புதிய முன்முயற்சிகளை அறிமுகப்படுத்தியுள்ளது. இந்த ஆண்டு மார்ச் மாதம் தேர்தல் ஆணையர்கள் டாக்டர் சுக்பீர் சிங் சந்து மற்றும் டாக்டர் விவேக் ஜோஷி முன்னிலையில் நடைபெற்ற தலைமைத் தேர்தல் அதிகாரிகள் மாநாட்டில் இந்தியத் தலைமைத் தேர்தல் ஆணையர் திரு. ஞானேஷ் குமார் தெரிவித்த திட்டமிட்ட முன்முயற்சிகளுக்கு ஒத்திசைந்ததாக இந்த நடவடிக்கைகள் உள்ளன.

 

வாக்காளர் பதிவு விதிகள், 1960 இன் விதி 9 மற்றும் பிறப்பு மற்றும் இறப்பு பதிவுச் சட்டம், 1969 (2023 இல் திருத்தப்பட்டபடி) பிரிவு 3 (5) (பி) ஆகியவற்றின் அடிப்படையில் ஆணையம் இப்போது இந்திய தலைமைப் பதிவாளரிடமிருந்து  இறப்பு பதிவு தரவை மின்னணு முறையில் பெறும். பதிவு செய்யப்பட்ட இறப்புகள் குறித்த தகவல்களை வாக்காளர் பதிவு அதிகாரிகள் சரியான நேரத்தில் பெறுவதை இது உறுதி செய்யும். இதன்மூலம், வாக்குச்சாவடி நிலை அலுவலர்கள், படிவம் 7-ன் கீழ் முறையான கோரிக்கைக்காக காத்திருக்காமல், கள ஆய்வு மூலம் தகவல்களை மீண்டும் சரிபார்க்க முடியும்.

 

வாக்காளர் தகவல் சீட்டுகளை வாக்காளர்களுக்கு மிகவும் உகந்ததாக மாற்ற, ஆணையம் அதன் வடிவமைப்பை மாற்றவும் முடிவு செய்துள்ளது. அதிகரித்த எழுத்துரு அளவுடன், வாக்காளரின் வரிசை எண் மற்றும் பகுதி எண் இப்போது மிகவும் முக்கியமாகக் காட்டப்படும். இது வாக்காளர்கள் தங்கள் வாக்குச் சாவடியை அடையாளம் காண்பதையும், வாக்குச்சாவடி அதிகாரிகள் தங்கள் பெயர்களை வாக்காளர் பட்டியலில் திறம்பட கண்டுபிடிப்பதையும் எளிதாக்கும்.

 

மக்கள் பிரதிநிதித்துவச் சட்டம், 1950 இன் பிரிவு 13 பி (2) இன் கீழ் வாக்காளர் பட்டியல் பதிவு அதிகாரிகளால் நியமிக்கப்படும் அனைத்து வாக்குச்சாவடி அதிகாரிகளும்  வாக்காளர் சரிபார்ப்பு மற்றும் பதிவு இயக்கங்களின் போது மக்கள் அடையாளம் கண்டு நம்பிக்கையுடன் தொடர்பு கொள்ள முடியும் என்பதை உறுதி செய்வதற்காக நிலையான புகைப்பட அடையாள அட்டைகளை வழங்கவும் ஆணையம் உத்தரவிட்டுள்ளது. தேர்தல் தொடர்பான கடமைகளைச் செய்வதில் வாக்காளர்களுக்கும் தேர்தல் ஆணையத்திற்கும் இடையிலான முதல் நடவடிக்கையாக, வீடு வீடாகச் சென்று பார்வையிடும்போது வாக்குச்சாவடி அதிகாரிகளை பொதுமக்கள் எளிதில் அடையாளம் காண வேண்டியது அவசியம்.

***

(Release ID: 2125769)

TS/PKV/DL

(Release ID: 2125884) Visitor Counter : 16