حکومت ہند کامحکمہ خوراک اور عوامی تقسیم (ڈی ایف پی ڈی) اناج کے لیے سائنسی گودام اور اسمارٹ اسٹوریج حل کے ذریعے 80 کروڑ سے زیادہ مستفیدین کے لیے غذائی تحفظ کو یقینی بناتا ہے ۔

ڈی ایف پی ڈی اب ڈپو درپن پورٹل اور موبائل ایپلی کیشن کا تصور کر رہا ہے جس کا مقصد  اس بات کویقینی بنانا ہے کہ فوڈ اسٹوریج ڈپو اعلیٰ ترین معیار اور کارکردگی کے معیار پر پورا اترتے ہیں ۔یہ ڈپو منیجروں کو حقیقی وقت  میں بنیادی ڈھانچے ، آپریشنل اور مالی کارکردگی کا جائزہ لینے کے قابل بناتا ہے ۔

ڈپو منیجر اپنے ڈپوؤں پر دستیاب انفراسٹرکچر کے جیو ٹیگ شدہ ان پٹس اپ لوڈ کرتے ہیں، جس سے بروقت بہتری کے لیے خودکار درجہ بندی اور ایکشن پوائنٹس ہوتے ہیں۔ یہ نظام نگراں حکام کے ذریعے 100فیصد تصدیق اور تیسرے فریق کے بے ترتیب آڈٹ کو یقینی بناتا ہے۔

گوداموں کا اندازہ دو اہم زمروں کی بنیاد پر  لگایا جاتا ہے:

• بنیادی ڈھانچے کے پہلو جن میں حفاظتی معیارات ، ذخیرہ کی صورتحال ، ماحولیات ، ٹیکنالوجی کو اپنانا اور قانونی پیرامیٹرز شامل ہیں ۔
• آپریشنل کارکردگی کے پہلو جن میں اسٹاک کا کاروبار ، نقصانات ، جگہ کا استعمال ، افرادی قوت کے اخراجات اور منافع شامل ہیں ۔

ہر زمرے کا آزادانہ طور پر جائزہ لیا جاتا ہےاور گودام کو دونوں پیرامیٹرز سے جامع اسکورنگ کی بنیاد پر اسٹار ریٹنگ ملتی ہے ۔ڈپو درپن کو اسمارٹ گودام ٹیکنالوجیز کے ساتھ منفرد طور پر مربوط کیا گیا ہے  جس سے ایک ہموار ڈیجیٹل نگرانی کا نظام تشکیل پاتا ہے جس میں: سی سی ٹی وی نگرانی اور آئی او ٹی سینسر ، کاربن ڈا ئی آکسائیڈ( سی او ٹو)اور فاسفین کی سطح ، آگ کے خطرات ، نمی ، غیر مجاز اندراج اور درجہ حرارت جیسے اہم پیرامیٹرز کی حقیقی وقت میں نگرانی ، اناج کے ذخیرے کا تحفظ اور کارکردگی کو یقینی بنانا شامل ہیں ۔

آئی او ٹی فعال نگرانی میں شامل ہیں:

1. ایمبیئنٹ سینسر-اناج کی نمی اور درجۂ حرارت کی نگرانی کے لیے درجہ حرارت اور  ضروری نمی
2. کاربن ڈائی آکسائیڈ (سی او ٹو) -ممکنہ اناج میں کیڑے لگنے کی نگرانی اور نشاندہی کرنا
3. فاسفین گیس سینسر-زہریلی گیس کی سطحوں کے سامنے آنے سے روکنے کے لیے ابتدائی انتباہ کے ذریعے کارکنوں کے لیے پیشہ ورانہ تحفظ کو یقینی بناتا ہے، فیومیگیشن لیک کا پتہ لگاتا ہے، علاج کی تاثیر کو بڑھاتا ہے۔
4. گیٹ شٹر سینسر-غیر مجاز دروازے تک رسائی کا پتہ لگانا ۔ - مقررہ اوقات سے باہر غیر مجاز دروازے کھولنے کے لیے الرٹ ۔دھوئیں کے عمل کے دوران دروازے کی  نگرانی کرتا ہے ۔ضرورت کے مطابق دروازے کے کھلنے پر نظر رکھ کر مناسب وینٹیلیشن کو یقینی بناتا ہے ۔
5. آگ/دھواں سینسر-آگ سے متعلقہ نقصان کو روکنے اور  تحفظ کو یقینی بنانے کے لیے ابتدائی انتباہ فراہم کرتا ہے ۔

اس کے علاوہ بیگ کی گنتی کے لیے مصنوعی ذہانت پر مبنی ٹیکنالوجی، گاڑی کی شناخت اور ٹریکنگ کے لیےاے این پی آر (خودکار نمبر پلیٹ کی شناخت) اور رسائی کنٹرول اور سکیورٹی کے لیے چہرے کی شناخت کی ٹیکنالوجی (ایف آر ایس) بھی پائلٹ بنیادوں پر گوداموں میں نصب   کئے گئےہیں۔

مجموعی طور پر تقریباً 2278 گودام جن میں ایف سی آئی اور سی ڈبلیو سی کی ملکیت ہے اور جو ریاستی ایجنسیوں/پرائیویٹ سے کرایہ پر لیے گئے ہیں، اس ڈیجیٹل اقدام میں شامل کیے جائیں گے۔

ڈپو درپن موبائل ایپ سپروائزری اہلکاروں کو کسی بھی وقت، کہیں بھی، بہتر فیصلہ سازی میں معاونت کرتے ہوئے گودام کی کارکردگی کی نگرانی کی اجازت دیتی ہے۔ خودکار رپورٹس کو باقاعدہ جائزوں میں استعمال کیا جاتا ہے، جس سے انفراسٹرکچر اور کارکردگی میں مسلسل اور ہموار بہتری آتی ہے۔

ڈپو درپن گودام کی عمدہ کارکردگی کا آئینہ دار، عوامی تقسیم کے نظام میں بہتر گودام اور زیادہ آپریشنل کارکردگی کو یقینی بناتا ہے اور سائنسی طور پر ذخیرہ کیے گئے ہر اناج کے ساتھ ملک کی غذائی تحفظ کے عزم کو تقویت دیتا ہے۔

ڈپو درپن پورٹل اور موبائل ایپلیکیشن کا باضابطہ افتتاح 20 مئی 2025 کو مرکزی وزیر برائے صارفین امور، خوراک اور عوامی  نظام تقسیم اور نئی اور قابل تجدید توانائی کریں گے۔

*****

ش ح۔ م ح ۔رض

U.N. 424

(Release ID: 2125738) Visitor Counter : 15