قومی انسانی حقوق کمیشن (این ایچ آر سی)، انڈیا نے اُس  میڈیا رپورٹ کا از خود نوٹس لیا ہے ، جس میں کہا گیا تھا کہ24 اپریل 2025 کو بہار میں پٹنہ کے موکاما علاقے میں ایک سرکاری اسکول میں مڈ ڈے میل کھانے سے 100 سے زائد بچے بیمار ہو گئے تھے۔ اطلاعات کے مطابق باورچی نےکھانے میں  سے مردہ  سانپ نکالنے کے بعد اسی کھانے کو بچوں کے سامنے پیش کر دیا تھا۔

کمیشن نے کہا ہے کہ اگر یہ اطلاعات درست ہیں، تو یہ طلباء کے انسانی حقوق کی خلاف ورزی کا سنگین مسئلہ ہے۔ اس لئے کمیشن نے بہار کے چیف سکریٹری اور پٹنہ کے سینئر سپرنٹنڈنٹ آف پولیس کو نوٹس جاری کرتے ہوئے دو ہفتوں کے اندر اس معاملے میں تفصیلی رپورٹ طلب کی ہے۔ رپورٹ میں بچوں کی صحت کی کیفیت کو  بھی شامل کئے جانے کی بات کہی گئی ہے۔

میڈیا اطلاعات کے مطابق 25 اپریل 2025 کو تقریباً 500 بچوں نے مڈ ڈے میل کھایا تھا۔ مڈ ڈے میل کھانے سے بچوں کے بیمار ہونے کی خبر کے بعد گاؤں والوں نے احتجاج کرتے ہوئے سڑک بلاک کردیا تھا۔

***

ش ح۔ ک ا۔  م ش