محنت اور روزگار کی وزارت کے تحت ایمپلائز پروویڈنٹ فنڈ آرگنائزیشن (ای پی ایف او) نے آج ملک بھر میں 47 مقامات پر منعقدہ روزگار میلے کے 15 ویں ایڈیشن میں فخر کے ساتھ شرکت کی ۔اس تقریب سے وزیر اعظم جناب نریندر مودی نے ویڈیو کانفرنسنگ کے ذریعے خطاب کیا ، جس میں ای پی ایف او سمیت مختلف سرکاری محکموں میں نئے شامل ہونے والے نوجوانوں کو 51,000 سے زیادہ تقرری نامے تقسیم کیے گئے ۔

اس اہم بھرتی مہم کے ایک حصے کے طور پر ، ای پی ایف او اپنی افرادی قوت کو مضبوط بنانے کے لیے نئی بھرتیوں کا خیرمقدم کرتا ہے ، جس سے پورے ہندوستان میں لاکھوں صارفین کو سماجی تحفظ کی خدمات کی موثر فراہمی کو یقینی بنایا جا سکے گا ۔آج 345 اکاؤنٹس افسران/انفورسمنٹ افسران اور 631 سماجی تحفظ معاونین کو تقرری  نامے جاری کیے گئے ۔

نومنتخب افرادای پی ایف او کے پروویڈنٹ فنڈ ، پنشن اور بیمہ کے فوائد فراہم کرنے کے مشن میں اپنا تعاون پیش کریں گے ، جس سے حکومت کے مضبوط اور جامع معیشت کے وژن کو تقویت ملے گی ۔

ای پی ایف او نے باقاعدہ بھرتیوں کو یقینی بنانے کے لیے ہیڈ آفس میں بھرتی ورٹیکل قائم کیا ہے اور محنت و روزگار کے مرکزی وزیر ڈاکٹر منسکھ منڈاویا کی ہدایات پر عمل کرتے ہوئے ایک بھرتی کیلنڈر تیار کیا ہے ۔

پچھلے ایک سال کے دوران ای پی ایف او نے 159 اسسٹنٹ پروویڈنٹ فنڈ کمشنرز ، 84 جونیئر ٹرانسلیشن آفیسرز ، 28 اسٹینو گرافرز ، 2674 ایس ایس اے سمیت دیگر افراد کو بھرتی کیا ہے ۔اے پی ایف سی ، ای او/اے او ، پی اے اور اے ایس اوز کی مزید بھرتی جاری ہے ۔

روزگار میلہ روزگار پیدا کرنے اور قوم کی تعمیر کے لیے نوجوانوں کو بااختیار بنانے کو ترجیح دینے کے وزیر اعظم کے عزم سے ہم آہنگ ہے ۔ای پی ایف او کی شرکت خدمات کی فراہمی کو بڑھانے کے لیے جدید عمل سے فائدہ اٹھاتے ہوئے ، شفاف اور میرٹ پر مبنی بھرتی کے لیے اس کی لگن کی نشاندہی کرتی ہے ۔

نئے بھرتیوں کو آئی جی او ٹی کرما یوگی پلیٹ فارم کے ذریعے تربیت تک رسائی حاصل ہوگی ، اس کے علاوہ انہیں باضابطہ تربیت حاصل ہوگی ،جس سے وہ اپنے کرداروں میں  مہارت اور عمدگی حاصل کر سکیں گے ۔

ای پی ایف او تمام تقررشدہ افرد کو مبارکباد پیش کرتا ہے اور مستقبل کے لیے تیار افرادی قوت کو فروغ دینے کے اپنے عزم کا اعادہ کرتا ہے، جو ہندوستان کے سماجی تحفظ کے فریم ورک کو مزید بلندیوں کی طرف لے جاتا ہے ۔

*********

ش ح ۔  ا ک۔  ت ع

U. No.279