انڈیا اسٹیل 2025 کا آج بومبے ایگزیبیشن سینٹر میں افتتاح کیا گیاجس کا پہلا دن کافی متحرک  رہا، جس نے تین روزتک چلنے والے اہم مذاکرات ، تعاون اور اختراعات کی سمت متعین کی۔ حکومت ہند کی اسٹیل کی وزارت  اور فکی (فیڈریشن آف انڈین چیمبرز آف کامرس اینڈ انڈسٹری) کے ذریعے مشترکہ طور پر منعقد ہونے والی اس دو سالہ تقریب نے ایک بار پھر اسٹیل کی صنعت کے لیے ملک کے اہم پلیٹ فارم کے طور پر اپنی حیثیت کو مستحکم کیا ہے ۔

افتتاحی اجلاس سے عزت مآب وزیر اعظم جناب نریندر مودی نے ایک ویڈیو پیغام کے ذریعے خطاب کیا اور انہوں نے گھریلو اسٹیل کی پیداوار بڑھانے ، کاربن کے اخراج کو کم کرنے اور میک ان انڈیا کو فروغ دینے کے لیے ہندوستان کے اسٹریٹجک نقطہ نظرپر زور دیا ۔افتتاحی اجلاس میں شریک دیگر اہم معززین میں حکومت ہند کے اسٹیل کی وزارت کے وزیر مملکت جناب بھوپتی راجو سرینواس ورما ، حکومت چھتیس گڑھ کے صنعت وتجارت ، محنت کے وزیر جناب لاکھن لال دیوانگن ، حکومت ہند کی اسٹیل کی وزارت کے سکریٹری جناب سندیپ پونڈرک ، اسٹیل اتھارٹی آف انڈیا لمیٹڈ (سیل) کے چیئرمین اور فکی اسٹیل کمیٹی کے چیئرمین جناب امریندو پرکاش ، فکی کے سینئر نائب صدر اور آر پی جی گروپ کے وائس چیئرمین جناب اننت گوئنکا اور ورلڈ اسٹیل ایسوسی ایشن کے ڈائریکٹر جنرل ڈاکٹر ایڈون بیسن شامل تھے ۔

دن کے دوران ، ہندوستانی اسٹیل کے شعبے میں امکانات ، چیلنجوں اور مواقع اور بین الاقوامی مارکیٹ کو سرمایہ دینے کے لیے روڈ میپ پر تبادلہ خیال کرنے کے لیے اہم اجلاسوں کا انعقاد کیا گیا ۔

سینئر پالیسی سازوں ، ماہرین اقتصادیات اور صنعت کے قائدین پر مشتمل ایک اعلی سطحی پینل ’وکست بھارت: ہندوستانی معیشت میں اسٹیل سیکٹر کا کردار‘ کے موضوع پر اجلاس میں ہندوستان کے 5 ٹریلین ڈالر کی معیشت کے وژن کو عملی جامہ پہنانے میں اسٹیل کے اہم کردار پر روشنی ڈالی گئی جس کی نظامت ڈیلوائٹ کے سینئر پارٹنر جناب انتھونی کراسٹو نے کی ۔اجلاس میں آتم نربھر بھارت پہل کے تحت بنیادی ڈھانچے ، روزگار اور خود انحصاری کو آگے بڑھانے کے شعبے کی صلاحیت پر زور دیا گیا ۔سیشن کا سیاق و سباق سیل کے چیئرمین جناب امریندو پرکاش ، نے متعین کیا جبکہ پینلسٹ جناب میخائل یورین ، نائب وزیر صنعت و تجارت ، حکومت روسی فیڈریشن ، جناب اشونی کمار ، اقتصادی مشیر ، وزارت اسٹیل ، حکومت ہند ، جناب جینت آچاریہ ، جوائنٹ منیجنگ ڈائریکٹر اور سی ای او جے ایس ڈبلیو گروپ ، جناب انتھونی کراسٹو ، سینئر پارٹنر ، ڈیلوائٹ اور جناب ہتوشی کاوانو ، سی ای او ، پرائمیٹلز ٹیکنالوجیز انڈیا لمیٹڈ نے اپنے خیالات کا اظہار کیا ۔

’سی ای اوز گول میز‘ کی صدارت اسٹیل اور بھاری صنعتوں کی وزارت کے وزیر مملکت جناب بھوپتی راجو سرینواس ورما نے کی ۔دیگر اہم شرکاء میں جناب سندیپ پاؤنڈریک ، سکریٹری ، وزارت اسٹیل ، حکومت ہند ، جناب ہیمنت شرما ، ایڈیشنل چیف سکریٹری ، صنعت اور ایم ایس ایم ای ، حکومت اڈیشہ ، جناب آشیش چٹرجی ، ایڈیشنل سکریٹری اور مالیاتی مشیر ، وزارت اسٹیل ، حکومت ہند کے علاوہ دیگر سرکاری افسران ، صنعت کے قائدین شامل تھے جنہوں نے ہندوستانی اسٹیل کے شعبے کے لیے موجودہ چیلنجوں اور ترقی پر تبادلہ خیال کیا ۔

’بھارت-روس گول میز‘ نے دونوں ممالک کے اہم شراکتداروں کے درمیان دو طرفہ بات چیت کے لیے ایک اسٹریٹجک پلیٹ فارم کے طور پر کام کیا ۔ ہندوستانی وفد میں سکریٹری (اسٹیل) ایڈیشنل سکریٹری اور مالیاتی مشیر (اے ایس اینڈ ایف اے) بی آئی ایس کے ڈائریکٹر جنرل ، جوائنٹ سکریٹریز (اے این اور وی کے ٹی) سیل کے ڈائریکٹر ، این ایم ڈی سی اور میکون کے چیئرمین اور منیجنگ ڈائریکٹرز کے ساتھ ساتھ ٹاٹا اسٹیل ، اے ایم این ایس ، جے ایس ڈبلیو ، جے ایس پی ایل ، جے ایس ایل سمیت نجی شعبے کے بڑے کھلاڑیوں کی اعلی قیادت اور صنعت کے دیگر ممتاز ممبران شامل تھے ۔روسی فریق  کی طرف سے وفد کی قیادت جناب میخائل یورین ، نائب وزیر ، وزارت صنعت و تجارت نے کی ،جن کے ساتھ جناب بوبلیف پیٹر ، ڈائریکٹر ، کوئلہ صنعت ترقی ، وزارت توانائی بھی موجود تھے۔گول میز کانفرنس میں اہم تجارتی نمائندے بھی شامل تھےجن میں جناب ایوجینی گریوا ، جناب میمد اکمیدوف ، جناب آندرے پوڈچوفاروف ، جناب آرٹیم یوکولوف ، اور روسی فیڈریشن کے چیمبر آف کامرس اینڈ انڈسٹری کے سربراہ جناب ولادیسلاو دمتریوف شامل تھے۔بات چیت اسٹیل اور کان کنی کے شعبوں میں دو طرفہ تعاون بڑھانے ، مشترکہ منصوبوں کو فروغ دینے اور ٹیکنالوجی کی منتقلی اور تجارتی سہولت کے لیے نئے راستے تلاش کرنے پر مرکوز رہی ۔

15 ممالک کے 250 سے زیادہ نمائش کنندگان کی شرکت کے ساتھ ، نمائشی ہال سرگرمی ، جدید ترین آلات ، آٹومیشن حل ، اور پائیدار پروڈکٹ لائنوں کی نمائش سے گونج اٹھا ۔مندوبین نے اے آئی ، روبوٹکس اور میٹریل سائنس میں پیش رفت کے امکانات کو تلاش کیا جو اسٹیل کے مستقبل کو تشکیل دےرہے ہیں ۔

انڈیا اسٹیل 2025 کے دوسرے دن حکومت ہند کے کامرس اور صنعت کے وزیر جناب پیوش گوئل ، حکومت ہند کے وزیر تعلیم جناب دھرمیندر پردھان ، حکومت ہند کے ریلوے ، اطلاعات و نشریات اور الیکٹرانکس اور اطلاعاتی ٹیکنالوجی کے وزیر جناب اشونی ویشنو ، حکومت ہند کے نئی اور قابل تجدید توانائی کے وزیر جناب پرہلاد جوشی کے ساتھ ساتھ اڈیشہ کے وزیر اعلیٰ جناب موہن چرن ماجھی کی موجودگی ہوگی ؛جو صنعت کے رہنماؤں مندوبین کے ساتھ ساتھ نمائش کنندگان سے بنیادی ڈھانچے برآمدی اسٹریٹجی اور ہنرمندی کی ترقی پر منعقد ہونے والے مختلف اجلاس سے خطاب کریں گے۔نیٹ ورکنگ ایونٹس اور بی 2 بی میٹنگز بھی سرحد پار تعاون اور کاروباری ترقی کو آگے بڑھانے کے لیے طے ہیں ۔

انڈیا اسٹیل 2025 آئندہ  26اپریل تک جاری رہے گا ، جوشراکتداروں کو بات چیت کرنے ،خیالات پیش کرنے اور آگے بڑھنے کے لیے ایک جامع پلیٹ فارم پیش کرتا ہے ۔

******

(ش ح۔م ش ۔ م ش)

U:232

(Release ID: 2124207) Visitor Counter : 13