ڈبہ بندخوراک کی صنعت کی  وزارت کو ،  این آئی ایف ٹی ایم کنڈلی کے تعاون سے، 25-26 اپریل 2025 کے لیے نفٹم- کےکیمپس میں سفلم (اسٹارٹ اپ فورم فار اسپائرنگ لیڈرز اینڈ مینٹرز)، کے دوسرے ایڈیشن کا اعلان کرتے ہوئے خوشی محسوس کر رہی  ہے۔ اپنے افتتاحی ایڈیشن کی کامیابی کی بنیاد پر، اس سال کا کنکلیو ’آتم نر بھر بھارت‘ کے وژن کے مطابق ایک متحرک اسٹارٹ اپ ماحولیاتی نظام کو فروغ دینے کے لیے حکومت ہند کے عزم کو تقویت دیتا ہے۔ اس تقریب کا مقصد مخصوص  اقدامات کے ذریعے جدت، پائیداری اور انٹرپرینیورشپ کو فروغ دے کر فوڈ پروسیسنگ کے شعبے کو مضبوط بنانا ہے۔

دو روزہ پروگرام میں اسٹارٹ اپس کو بااختیار بنانے، علم کے اشتراک کو آسان بنانے اور نیٹ ورکنگ کے مواقع پیدا کرنے کے لیے ڈیزائن کی گئی سرگرمیوں کی  ایک سیریز پیش کی جائیگی ۔ مرکزی کابینہ کے وزیر، ایم او ایف پی آئی جناب  چراغ پاسوان سرکاری اسکیموں اور سبسڈیز کے ذریعے نوجوان کاروباریوں کے لیے کاروبار کرنے میں آسانی کو بڑھانے پر توجہ مرکوز کرتے ہوئے اس کانکلیو کا افتتاح کریں گے۔نفٹم- کے،ابھرتے ہوئے اسٹارٹ اپس کی  معاونت   کے لیے رہنمائی، مشاورتی خدمات اور جدید ترین انفراسٹرکچر تک رسائی فراہم کرکے کلیدی کردار ادا کرے گا۔

تقریب کا آغازآئی آئی ٹی دہلی کے پروفیسر ہرپال سنگھ کے کلیدی خطاب سے ہوگا، جو اپنے کاروباری سفر سے متعلق بصیرت کا اشتراک کریں گے۔ اس موقع پر انڈین انسٹی ٹیوٹ آف فارن ٹریڈ، نئی دہلی کے وائس چانسلر پروفیسر راکیش موہن جوشی مہمان خصوصی کے طور پر شامل ہوں گے۔ ڈاکٹر سبرتا گپتا، سکریٹری، فوڈ پروسیسنگ انڈسٹریز کی وزارت (ایم او ایف پی آئی)، مہمان اعزازی کے طور پر اس موقع پر شرکت کریں گے۔

پہلے دن کی تقریبات میں تجربے کے اشتراک کے اجلاس  ہوں گے جہاں صنعتی حلقوں کے  رہنما اور اسٹارٹ اپ اپنے کاروباری سفر اور بصیرت کا اشتراک کریں گے۔ ماہرین کی زیرقیادت سیشنز کا ایک سلسلہ اہم موضوعات جیسے خوراک کے شعبے میں پائیدار ترقی، برانڈنگ، ڈیجیٹل آؤٹ ریچ، اور حکومتی تعاون کا احاطہ کرے گا ۔ اہم امور  میں ذمہ داری کے ساتھ کاروبار کوبڑھانے پر ایک پینل ڈسکشن شامل ہے، جس میں صنعت کے لیڈران جیسے جناب ابھیشیک ککڑ، انڈین اینجل نیٹ ورک اور جناب درلبھ راوت، باروسی فوڈز شامل ہیں۔ فوڈ اسٹارٹ اپس کے لیے ڈیجیٹل مارکیٹنگ کی حکمت عملیوں پر ایک اور سیشن کی قیادت الیکٹرانک اور اطلاعاتی ٹکنالوجی کی وزارت  کے سینئر حکام اور مارکیٹنگ کے ماہرین جیسے کہ Zeon Life Sciences  زیون لائف سائنسز سے محترمہ یشنا گرگ کریں گے۔

دوسرے دن، نوجوان کاروباری افراد "Pep Talk by Budding Startups"’’پیپ ٹاک بائی بڈنگ اسٹارٹ اپس‘‘کے عنوان سے ایک سیشن میں اپنے تجربات کا اشتراک کریں گے۔ مقررین میں ریپیٹ گڈ پرائیویٹ لمیٹڈ کی محترمہ ایشا جھاور شامل ہیں جو صحت مند،  پریزرویٹیوسے پاک ٹماٹو کیچپ اور میونیز میں اپنے کام کے لیے جانی جاتی ہیں اور اٹپٹا کے  رومی کلتھیا، جو روایتی علم کو جدید ٹیکنالوجی کے ساتھ جوڑتے ہیں۔ دیگر شرکاء، جیسے ارومے کے جناب  پریانشو راج اور ست گرو سپر فوڈز کی محترمہ پلک اروڑہ، اسکیلنگ اور دیہی-شہری مارکیٹ کے روابط میں چیلنجوں پر تبادلہ خیال کریں گے۔ 1.5 ڈگری کے جناب اناگھ گوئل جیسے پائیداری پر مرکوز اختراع کار بھی آب و ہوا سے لچکدار کاروباری ماڈلز کے بارے میں بصیرت کا اشتراک کریں گے۔

آندھرا پردیش، چھتیس گڑھ، کیرالہ، منی پور، بہار، اڈیشہ، مہاراشٹر، اروناچل پردیش، تمل ناڈو، مدھیہ پردیش اور اتراکھنڈ سمیت ملک بھر کی 23 ریاستوں سے 250 سے زیادہ اسٹارٹ اپس پہلے ہی رجسٹر ہوچکے ہیں، جو ہندوستان کے متنوع اختراعی منظرنامے کو ظاہر کرتے ہیں۔ ملک میں فوڈ پروسیسنگ اور سیفٹی ایکو سسٹم کو مضبوط بنانے کے لیے ضروری ہے ۔ توقع ہے  کہ  کچھ اسٹارٹ اپ جدید ٹیکنالوجیز کی نمائش کریں گے، جیسے سیل کلچرڈ میٹ، پلانٹ پر مبنی خوراک، فنکشنل فوڈز اور آلودگی اور ملاوٹ کے لیے تیزی سے پتہ لگانے والی کٹس، نیسلے، بھلر گروپ، یوریکا اینالیٹکل سسٹم پرائیوٹ لمیٹڈ جیسی سرکردہ اداروں  کے قابل قدر تشخیص کاروں کے سامنے تقریباً 35 اسٹارٹ اپس نے اپنے اہم خیالات پیش کرنے کے لیے اندراج کیا ہے۔ لمیٹڈ اور انڈین اینجل نیٹ ورک۔ پائیدار فوڈ سلوشنز پر ایک مخصوص  سیشن، جس کو کلیر میٹ کے ڈاکٹر سدھارتھ مانوتی نے منظم کیا، صنعت کے تجربہ کاروں جیسے مسٹر سنجے کھجوریا، سابق ڈائریکٹر، کارپوریٹ افیئرز اینڈ سسٹین ایبلٹی، نیسلے انڈیا اور مسٹر ہیمیندر ماتھر، بھارت انوویشن فنڈ کے نقطہ نظر پیش کریں گے۔

رسمی سیشنز کے علاوہ،  پروگرام میں مینٹور لاؤنج کے ذریعے نیٹ ورکنگ کے مواقع اور اسٹارٹ اپس اورایم ایس ایم ایزکی اختراعات کونمایاں  کرنے والی نمائش شامل ہوگی۔ کنکلیو کی اہمیت پر روشنی ڈالتے ہوئے، مرکزی کابینہ کے وزیر، ایم او ایف پی آئی جناب  چراگ پاسوان نے  کہا، "سفلم 2025 خوراک کے شعبے میں انٹرپرینیورشپ کو فروغ دینے کے لیے ہماری وابستگی کو واضح کرتا ہے۔ اسٹارٹ اپس کو صحیح ٹولز اور نیٹ ورکس سے لیس کرکے، ہم ایک زیادہ  خود کفیل  ہندوستان کی راہ ہموار کر رہے ہیں۔" 300 سے زیادہ شرکاء کے ساتھ، 65 سے زیادہ نمائش کنندگان جو ملک بھر کی 20 ریاستوں کی نمائندگی کرتے ہیں بشمول کاروباری، سرمایہ کار اور پالیسی ساز، کنکلیو کا مقصد ہندوستان کی فوڈ پروسیسنگ انڈسٹری میں تعاون کو آگے بڑھانا اور ترقی کو تیز کرنا ہے۔

*****

 ش ح۔ ف ا۔ ج

Uno-224

(Release ID: 2124174)