ہندوستان کے مسابقتی کمیشن نے (i) اپنی اسکیموں یا ملحقہ اداروں (360 فنڈ) کے ذریعے 360 ون پرائیویٹ ایکویٹی فنڈ کے ذریعے بھارتی ایکسا لائف انشورنس کمپنی لمیٹڈ (بی اے ایل آئی سی/ٹارگیٹ) کے کچھ ایکویٹی حصص کے حصول اور (ii) بھارتی لائف وینچرز پرائیویٹ لمیٹڈ (بی ایل وی پی ایل) اور 360 فنڈ کے ذریعے ٹارگیٹ میں کچھ ایکویٹی حصص کے سبسکرپشن کو منظوری دی ہے۔

اپنی اسکیموں یا ملحقہ اداروں کے ذریعے، 360 فنڈ، پہلے بی ایل وی پی ایل سے ٹارگیٹ کے ایکویٹی حصص حاصل کرنے کی تجویز پیش کرتا ہے۔اس کے بعد، 360 ون (بعد کے پیراگراف میں بیان کردہ) اور بی ایل وی پی ایل بھی ٹارگیٹ میں کچھ ایکویٹی حصص کو سبسکرائب کرنے کی تجویز کرتے ہیں۔

،360 فنڈ سیکیورٹیز اینڈ ایکسچینج بورڈ آف انڈیا کے ساتھ زمرہ II متبادل سرمایہ کاری فنڈ کے طور پر رجسٹرڈ ہے اور اسے ہندوستان اور دنیا بھر میں مختلف شعبوں میں سرمایہ کاری کے مقصد سے قائم کیا گیا ہے۔360 ون آلٹرنیٹس ایسیٹ مینجمنٹ لمیٹڈ (360 اے اے ایم ایل) 360 ون کے اداروں کو سرمایہ کاری کے بندوبست کی خدمات فراہم کرتا ہے۔360 اے اے ایم ایل ایک مکمل ملکیتی ذیلی کمپنی ہے اور اسے 360 ون ڈبلیو اے ایم لمیٹڈ کے ذریعے کنٹرول کیا جاتا ہے۔(360 فنڈ اور 360 اے اے ایم ایل کو اجتماعی طور پر ’360 ون‘ کہا جاتا ہے)

بی ایل وی پی ایل ’بی اے ایل آئی سی‘کی ہولڈنگ کمپنی ہے اور یہ دونوں کمپنیاں بھارتی گروپ سے تعلق رکھتی ہیں۔

بی اے ایل آئی سی ہندوستان میں بنائی گئی ایک محدود ذمہ داری والی عوامی غیر درج شدہ کمپنی ہے۔بی اے ایل آئی سی لائف انشورنس پالیسیاں فراہم کرنے کے کاروبار میں مصروف ہے۔

کمیشن کا تفصیلی حکم نامہ بعد میں جاری کیا جائے گا۔

******

ش ح۔ ک  ح۔م ر ۔

U NO:171

(ریلیز آئی ڈی: 2123806) وزیٹر کاؤنٹر : 36