پھگواڑہ/نئی دہلی، 22 اپریل، 2025: لوک سبھا کے اسپیکر جناب اوم برلا نے آج نوجوانوں پر زور دیا کہ وہ ایک مضبوط اور خود کفیل بھارت کی تعمیر میں فعال اسٹیک ہولڈر بنیں۔ انھوں نے نوجوانوں پر زور دیا کہ وہ قوم کی تعمیر ، جدت طرازی اور عالمی قیادت میں خود کو فعال طور پر شامل کریں اور جمہوریت، تحقیق ، قانون سازی اور تکنیکی ترقی میں حصہ لے کر بھارت کی ترقی کی کہانی میں معنی خیز حصہ ڈالیں۔

جناب برلا لولی پروفیشنل یونیورسٹی (ایل پی یو) کے اسٹڈی گرانٹ ایوارڈز کی تقریب سے خطاب کر رہے تھے، جس کا موضوع ’’ون انڈیا اینڈ ون ورلڈ‘‘ تھا، جس میں 50 سے زیادہ ممالک کے طلبہ، فیکلٹی ممبران، تعلیمی رہنماؤں اور خاندانوں سمیت ہزاروں طلبہ نے شرکت کی۔ انھوں نے وکست بھارت 2047 کے وژن کو حاصل کرنے کے لیے نوجوانوں کے کردار کو واضح کیا – ایک ایسا وژن جس میں اقتصادی ترقی ، سماجی مساوات ، عالمی قیادت اور پائیداری شامل ہے۔ اسپیکر کی تقریر نے نوجوانوں کو متاثر کیا اور ان پر زور دیا کہ وہ بھارت کی تقدیر کی تشکیل میں فعال حصہ لیں۔

انھوں نے کہا کہ آج بھارت کو اس کی متحرک نوجوان آبادی کے لیے عالمی سطح پر تسلیم کیا جارہا ہے جو ٹکنالوجی ، گورننس ، اکیڈیمیا اور انٹرپرینیورشپ سمیت تمام شعبوں میں بہترین کارکردگی کا مظاہرہ کررہے ہیں۔ اسپیکر نے طلبہ کی حوصلہ افزائی کی کہ وہ عزم کے ساتھ چیلنجوں کا مقابلہ کریں اور دیانتداری ، جدت طرازی اور خدمت کے احساس کے ساتھ بھارت کی عالمی حیثیت کو ثروت مند کریں۔ انھوں نے کہا کہ بھارتی طلبا جدت طرازی، تنوع اور عالمی قیادت کے جذبے کی نمائندگی کرتے ہیں۔ انھوں نے کہا کہ تخلیقی صلاحیتوں، جدت طرازی، کاروباری جذبے اور اخلاقی پختگی کے ساتھ بھارت کے نوجوان اس ملک کو دنیا کے لیے ایک نمونہ بننے کی طرف لے جا سکتے ہیں۔

یہ کہتے ہوئے کہ تعلیم کو روایتی دانش مندی اور جدید جدت طرازی کا ہم آہنگ امتزاج ہونا چاہیے ، جناب برلا نے ٹکنالوجی اور معاصر علم کے نظام کی تبدیلی کی طاقت کو اپناتے ہوئے ثقافتی جڑوں کو برقرار رکھنے کی اہمیت پر زور دیا۔ انھوں نے زور دیا کہ بھارت کی قدیم تعلیمی روایات میں شامل لازوال اقدار کو اس بنیاد کے طور پر کام کرنا چاہیے جس پر سائنس ، ٹکنالوجی اور تدریس میں جدید ترقی کی تعمیر کی گئی ہے۔ تیزی سے بدلتے ہوئے عالمی منظرنامے میں یہ ضروری ہے کہ تعلیمی نظام نہ صرف ہنرمند پیشہ ور افراد بلکہ سماجی طور پر باشعور شہریوں کی پرورش کرے، جن کی جڑیں ورثے سے جڑی ہوں اور مستقبل کی تشکیل کے لیے تیار ہوں۔ انھوں نے نوجوانوں میں مقصد کا احساس پیدا کرنے کی اہمیت پر زور دیا جس کی بنیاد قومی شناخت، عالمی وژن اور سماجی وابستگی پر ہو۔

ایل پی یو کو بھارت کی تعلیمی ترقی کی علامت قرار دیتے ہوئے جناب برلا نے کہا کہ یونیورسٹی تنوع میں اتحاد کے جذبے کی عکاسی کرتی ہے۔ انھوں نے ایل پی یو کو ثقافتی خوشحالی کا ایک حقیقی نمونہ قرار دیا ، جہاں ہر بھارتی ریاست اور 50 سے زیادہ ممالک کے طلبہ دوستی اور باہمی احترام کے ماحول میں ایک ساتھ تعلیم حاصل کرتے ہیں۔ انھوں نے مشاہدہ کیا کہ ایل پی یو نے مسلسل وقت کی بدلتی ہوئی ضروریات کے مطابق خود کو ڈھال لیا ہے ، بھارتی اقدار اور ثقافت کو برقرار رکھتے ہوئے عالمی معیار کی سہولیات پیش کی ہیں۔ انھوں نے کہا کہ ’ون انڈیا، ون ورلڈ‘ جیسے واقعات کو بھارت کے تہذیبی فلسفے وسودھیو کٹمبکم کی عمدہ مثالوں کے طور پر سراہا گیا، دنیا ایک خاندان ہے، انھوں نے مزید کہا کہ بھارت کے نوجوانوں کو قومی سرحدوں سے آگے ایک مربوط دنیا میں سوچنا چاہیے جس میں آج ہم رہتے ہیں۔ انھیں بھارتی دل کے ساتھ عالمی شہری ہونا چاہیے اور یہی ’ون انڈیا اینڈ ون ورلڈ‘ ہے۔

جناب اوم برلا نے بھارت کے مستقبل اور نوجوان نسل میں اپنے گہرے اعتماد کے بارے میں اپنی امید کا اعادہ کیا۔ انھوں نے زور دیا کہ جیسے جیسے ہم 2047 کی طرف بڑھ رہے ہیں، آئیے ہم ایک ایسے بھارت کی تعمیر کا عہد کریں جو نہ صرف ترقی یافتہ ہو بلکہ منصفانہ، جامع، ہمدرد اور دانشمند ہو اور ہمیں ایک ایسی دنیا کی طرف کام کرنا چاہیے جہاں بھارت اقدار کے ساتھ آگے بڑھے اور جہاں ہر بھارتی عالمی بھلائی میں اپنا حصہ ڈالے۔ جناب برلا نے گریجویٹ کلاس کو مبارکباد دی اور ان کی حوصلہ افزائی کی کہ وہ اپنے پیشہ ورانہ سفر میں نظم و ضبط ، عزم اور اتحاد کی اقدار کو لے کر جائیں اور اپنی جڑوں سے گہری وابستگی رکھتے ہوئے عمدگی کے لیے جدوجہد کریں۔

اس موقع پر رکن پارلیمنٹ جناب اشوک متل اور دیگر معززین بھی موجود تھے۔

***

(ش ح – ع ا)

U. No. 147