سماجی انصاف و تفویض کی وزارت اور معذور افراد کو بااختیار بنانے کے محکمے (ڈی ای پی ڈبلیو ڈی) نے عالمی یوم ہیموفیلیا کے موقع پر اپنے قومی اداروں اور جامع علاقائی مراکز (سی آر سیز) کے ذریعے ملک بھر میں بیداری پیدا کرنے کے لئے مختلف پروگراموں کا اہتمام کیا۔

 یہ دن ہر سال 17 اپریل کو عالمی سطح پر صحت کی دیکھ بھال کے اقدام کے طور پر منایا جاتا ہے تاکہ خون بہہ جانے کے عوارض کے بارے میں آگاہی پیدا کی جا سکے۔ اس کا مقصد مقامی پالیسی سازوں کے ساتھ مل کر ہیموفیلیا کے بہتر کنٹرول اور روک تھام کو فروغ دینا ہے اور ساتھ ہی متاثرہ افراد کے لیے بہتر علاج اور دیکھ بھال کو یقینی بنانا ہے۔

ورلڈ ہیموفیلیا ڈے 2025 کا تھیم 'سب کے لیے رسائی: خواتین اور لڑکیوں کا بھی خون بہنا' تھا۔ یہ خون بہنے کے عوارض میں مبتلا خواتین اور لڑکیوں کے لیے بہتر تشخیص اور علاج کی ضرورت کو اجاگر کرتا ہے اور اس کا مقصد خواتین کی آبادی کی دیکھ بھال تک مساوی رسائی کو یقینی بنانا ہے۔

سترہ اپریل 2025 کو، سوامی وویکانند نیشنل انسٹی ٹیوٹ آف ری ہیبلیٹیشن ٹریننگ اینڈ ریسرچ (SVNIRTAR)، کٹک نے صحت کے پیشہ ور افراد، طلباء اور عام لوگوں میں صحت کے اس اہم مسئلے پر بیداری پیدا کرنے کے لیے ایک خصوصی پروگرام کا انعقاد کیا۔ ماہرین نے ہیموفیلیا سے متعلق معلومات، روک تھام اور تشخیص پر تبادلہ خیال کیا۔

کولکتہ میں واقع نیشنل انسٹی ٹیوٹ فار لوکوموٹر ڈس ایبلٹیز (NILD) نے بیداری پروگرام اور ویبینار کا اہتمام کیا۔ انسٹی ٹیوٹ کے بحالی نرسنگ ڈیپارٹمنٹ نے ہیموفیلیا کی علامات اور اس سے بچاؤ پر ایک ہیلتھ ٹاک کا اہتمام کیا۔ فیلڈ سے تعلق رکھنے والے پیشہ ور افراد نے اس دن کی اہمیت پر روشنی ڈالی۔ تقریباً 130 دیویانگجن/مریضوں اور ان کی دیکھ بھال کرنے والوں نے پروگرام میں حصہ لیا۔

مدھیہ پردیش کے سیہور میں واقع نیشنل انسٹی ٹیوٹ آف مینٹل ہیلتھ ری ہیبلیٹیشن (NIMHR) نے اس دن کو کئی متاثر کن تعلیمی، ثقافتی اور کمیونٹی پر مبنی پروگراموں کے ساتھ منایا جس کا مقصد اس عارضے کے بارے میں بیداری پیدا کرنا ہے۔

نیلور کے کمپوزٹ ریجنل سنٹر (سی آر سی) نے نرسنگ کالج کے طلباء کے لیے خون بہنے کی خرابیوں کے بارے میں بیداری کے سیشن کا انعقاد کیا اور انڈین ریڈ کراس سوسائٹی کے تعاون سے خون کے عطیہ کیمپ کا بھی اہتمام کیا۔ تقریباً 150 شرکاء بشمول سی آر سی عملہ، D.Ed ٹرینیز اور معذور افراد کے والدین نے اس تقریب میں شرکت کی۔

سی آر سی تریپورہ نے ایک بیداری پروگرام کا انعقاد کیا جس میں ادارے کے عہدیداروں اور ماہرین نے ہیموفیلیا کے بارے میں تفصیلی معلومات کا اشتراک کیا۔ سی آر سی راج ناندگاؤں نے خون کے عطیہ کیمپ کا انعقاد کیا جبکہ NIEPID ریجنل سنٹر، نوی ممبئی نے 'ہیموفیلیا: دیکھ بھال اور بحالی' پر ایک ویبینار کا اہتمام کیا۔

سی آر سی داونگیرے، سی آر سی جے پور، اور بہت سے دوسرے قومی اداروں اور معذور افراد کو بااختیار بنانے کے محکمے کے تحت سی آر سی نے بھی اس موقع پر بیداری کے پروگراموں کا ایک سلسلہ منعقد کیا۔

******

ش ح۔ح ن۔س ا

U.No:35

(Release ID: 2122772)