حکومت ہند کے پرنسپل سائنس مشیر کے دفتر نے آج کوانٹم کے لیے بین الاقوامی ٹیکنالوجی مشغولیت کی حکمت عملی کا پہلا ورژن جاری کیا، جو کوانٹم سائنس، ٹکنالوجی اور اختراع (کیو ایس ٹی آئی) میں ہندوستان کی ظاہری نظر آنے والی حکمت عملی کو واضح کرنے کی طرف ایک اہم قدم ہے جس کا مقصد دریافت کو تیز کرنا، اختراع کو فروغ دینا اور کلیدی شعبوں میں کوانٹم کو اپنانا ہے۔

اس رپورٹ کی باضابطہ نقاب کشائی پی ایس اے کے پروفیسر اجے کمار سود نے پی ایس اے آفس کے ایک پوڈ کاسٹ کے دوران ورلڈ کوانٹم ڈے-2025 کے موقع پر کی، جو ہر سال 14 اپریل کو منایا جاتا ہے۔ یہ رپورٹ خاص اہمیت کی حامل ہے کیونکہ اقوام متحدہ اور رکن ممالک نے 2025 کو کوانٹم سائنس اور ٹیکنالوجی کا بین الاقوامی سال(آئی وائی کیو ایس ٹی) قرار دیا ہے۔

حکمت عملی کی رپورٹ ایک بنیادی زمینی تزئین کا تجزیہ فراہم کرتی ہے تاکہ حکومت، اکیڈمیاں اور صنعت میں ملکی اور غیر ملکی اسٹیک ہولڈرز کو ان کی مصروفیت کے اہداف کے ساتھ سیاق و سباق سے متعلق ایکشن پوائنٹس تیار کرنے کے قابل بنایا جا سکے، جو ہندوستان کے نیشنل کوانٹم مشن(ایم کیو ایم) کے عزائم اور مختلف ایجنسیوں اور متعلقہ اداروں کے ہولڈرز کی طرف سے کی جا رہی دیگر کوششوں کی تکمیل کرتی ہے۔

کوانٹم ٹیکنالوجی کی اہمیت کے بارے میں بات کرتے ہوئے پروفیسر سود نے روشنی ڈالی کہ یہ ایک ایسا شعبہ ہے جہاں کوئی بھی ملک پیچھے نہیں رہنا چاہتا کیونکہ یہ اسٹریٹجک خود مختاری کے لیے بہت ضروری ہے اور کوانٹم محفوظ کیے بغیر اسٹریٹجک خود مختاری نہیں ہوسکتی۔ ہندوستان کے لیے اس شعبہ میں موجود خلا اور امکانات کے بارے میں مزید بات کرتے ہوئے، انہوں نے کہا- "ہندوستان کو کوانٹم ہارڈویئر میں سرمایہ کاری کرنی ہوگی، ہمیں درآمدات پر اپنا انحصار کم کرنا ہوگا، اور کوانٹم کمپیوٹنگ کے تمام شعبوں میں پیش رفت اس میں مدد دے سکتی ہے۔ ہمیں اسٹارٹ اپس کے لیے بہت زیادہ فنڈز لانے اور سرمایہ کاری کو خطرے سے بچانے کی ضرورت ہے - جس کا مطلب ہے کہ حکومت کو تمام مصنوعات تیار کرنے کی ضرورت ہے۔ پرائیویٹ سیکٹر، اکیڈمی یا اسٹارٹ اپس، اس ماحولیاتی نظام کو بنانے میں اپنا کردار ادا کرتے ہیں۔" انہوں نے مزید کہا۔ "ہمیں کوانٹم ٹکنالوجی کے لیے عالمی معیارات کی وضاحت کرنے میں ایک فعال کردار ادا کرنا ہے۔ یہ ایک خلا ہے جسے ہمیں پُر کرنا ہے۔ کیونکہ ایک بار جب ہم اسے حاصل کر لیتے ہیں تو ہم معیاری کاری کی کوششوں میں بھی اپنا کردار ادا کریں گے، اور یہ اسٹریٹجک خود مختاری کا باعث بنتا ہے۔ ہمیں یہ انتہائی فعال طریقے سے کرنا ہے اور اس بات کو یقینی بنانا ہے کہ ہمارے پاس یہ عالمی معیارات ہیں کیونکہ ہماری مارکیٹ صرف ہندوستانی مارکیٹ نہیں ہے بلکہ عالمی مارکیٹ ہے۔"

این کیو ایم کے بارے میں بات کرتے ہوئے پروفیسر سود نے بتایا کہ یہ مشن سکریٹری ڈی ایس ٹی کی قیادت میں ڈپارٹمنٹ آف سائنس اینڈ ٹکنالوجی (ڈی ایس ٹی) کی  جانب سے انتہائی مؤثر طریقے سے شروع کیا جا رہا ہے، اس فرنٹیئر ٹیکنالوجی کے پورے لائف سائیکل کو دیکھتا ہے - اس کے لیے درکار تحقیق اور ترقی، اس کو آر اینڈ ڈی ٹیکنالوجی میں تبدیل کرنے کے لیے کیا کرنے کی ضرورت ہے، اور مارکیٹ میں توسیع کے لیے اس سے کوئی پراڈکٹ کیسے بنایا جائے۔ انہوں نے ہب اینڈ اسپوک ماڈل کی اہم خصوصیات کی بھی وضاحت کی جسے قومی سطح پر این کیو ایم کے ذریعے لاگو کیا جا رہا ہے جس میں 17 ریاستوں اور 2 مرکز کے زیر انتظام علاقوں کے 43 اداروں کے 152 محققین شامل ہیں۔

آئی ٹی ای ایس-کیو کا یہ پہلا ایڈیشن عالمی اور قومی کوانٹم ماحولیاتی نظام کا ایک جامع جائزہ فراہم کرتا ہے جس میں سرمایہ کاری، ہنر کی نشوونما، ادارہ جاتی طاقت، تحقیقی پبلیکیشنز، املاک دانش ، اسٹارٹ اپس، سپلائی چین اور صنعتی سرگرمیوں کا تجزیہ شامل ہے۔ آئی ٹی ای ایس-کیو کا تصور مؤثر شراکت میں سہولت فراہم کرنے اور دوطرفہ اور کثیرالطرفہ مصروفیات کو مضبوط بنانے کے لیے بیرون ملک ہندوستانی مشنوں کی کوششوں کو اہمیت دینے کے لیے بنایا گیا ہے، خاص طور پر کیوایس ٹی آئی کے لیے۔

آئی ٹی ای ایس پی ایس اے کے دفتر، حکومت ہند کا ایک پہل ہے، جو اہم اور ابھرتے ہوئے شعبوں میں ہندوستان کی ٹیکنالوجی ڈپلومیسی کی کوششوں کو  مستحکم اور آگے بڑھانے کے لیے ڈیزائن کیا گیا ہے۔

آئی ٹی ای ایس -کیو کی مکمل رپورٹ پی ایس اے آفس کی ویب سائٹ کے ذریعے حاصل کی جا سکتی ہے :

https://psa.gov.in/CMS/web/sites/default/files/publication/ITES_QWEBSITE1.pdf

پی ایس اے کے ساتھ ورلڈ کوانٹم ڈے- 2025 کاپوڈ کاسٹ یہاں سنا جا سکتا ہے:

https://youtu.be/454E5OY2ygA

*******

ش ح- ظ ا- ف ر

UR No. 9862