மகாவீர் ஜெயந்தியை முன்னிட்டு மக்களவைத் தலைவர் திரு ஓம் பிர்லா நாட்டு மக்களுக்கு வாழ்த்து தெரிவித்துள்ளார். தனது வாழ்த்துச் செய்தியில் அவர் கூறியிருப்பதாவது:

"ஜெய் ஜினேந்திரா,

அகிம்சை, இரக்கம், மன்னிப்பு மற்றும் கருணையின் உருவமாக விளங்கும் சமண மதத்தின் 24 வது தீர்த்தங்கரரான பகவான் மகாவீர் சுவாமியின் பிறந்தநாளின் புனித சந்தர்ப்பத்தில், ஜைன மதத்தைச் சேர்ந்த  சகோதர, சகோதரிகள் அனைவருக்கும் எனது மனமார்ந்த வாழ்த்துகளை தெரிவித்துக் கொள்கிறேன்.

அகிம்சை, துறவில் உண்மையான செழிப்பு மற்றும் தன்னலமற்ற சேவையில் மகிழ்ச்சி ஆகியவற்றில் உண்மையான வலிமை உள்ளது என்பதை பகவான் மகாவீர் சுவாமியின் வாழ்க்கையும் போதனைகளும் நமக்குக் கற்பிக்கின்றன. "வாழு வாழ விடு" என்ற மந்திரத்தை அவர் உலகிற்கு வழங்கினார், அது அவரது காலத்தில் இருந்ததைப் போலவே இன்றும் பொருத்தமாக உள்ளது.

இன்று, உலகம் பல சவால்களை எதிர்கொண்டுள்ள நிலையில், பகவான் மகாவீர்-இன்  சிந்தனைகள் நம்மை சரியான பாதையை நோக்கி வழிநடத்துகின்றன. அவரது செய்தி ஒரு குறிப்பிட்ட மதத்திற்கு மட்டுமல்ல, மனிதகுலம் முழுமைக்குமானது. அவரது கோட்பாடுகளை நம் வாழ்வில் நாம் பின்பற்றினால், சமுதாயத்தில் அன்பு, அமைதி மற்றும் நல்லெண்ணம் நிறைந்த சூழ்நிலையை நம்மால் உருவாக்க முடியும்.

இந்த மகாவீர் ஜெயந்தி நாளில், அகிம்சை மற்றும் சத்தியத்தின் பாதையில் முன்னேறவும், நமது வாழ்க்கையில் இரக்கம் மற்றும் கருணையைத் தழுவவும், ஒவ்வொரு உயிரினத்திடமும் அன்பையும் மரியாதையையும் வளர்க்கவும் உறுதியேற்போம். பகவான் மகாவீர், உங்கள் மீது தனது ஆசீர்வாதங்களைப் பொழியட்டும், உங்கள் வாழ்க்கை மகிழ்ச்சி, அமைதி மற்றும் நல்லிணக்கத்தால் நிரம்பட்டும்.

உங்கள் அனைவருக்கும் இனிய மகாவீர் ஜெயந்தி வாழ்த்துகள்!"

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://pib.gov.in/PressReleseDetail.aspx?PRID=2120569

 

***

 

(Release ID: 2120569)

RB/DL

(रिलीज़ आईडी: 2120621) आगंतुक पटल : 47