لوک سبھا کے اسپیکر جناب اوم برلا نے مہاویر جینتی کے موقع پر عوام کو مبارکباد پیش کی ہے۔ اپنے پیغام میں جناب برلا نے کہا:

جئے جنیندر،

جین مت کے 24 ویں تیرتھنکر بھگوان مہاویر سوامی کے یوم پیدائش کے پرمسرت موقع پر، جو عدم تشدد، ہمدردی، معافی اور رحم کے مجسم ہیں، میں ہر ایک کو، خاص طور پر اپنے جین بھائیوں اور بہنوں کو دلی نیک تمنائیں اور مبارکباد پیش کرتا ہوں۔

بھگوان مہاویر سوامی کی زندگی اور تعلیمات ہمیں سکھاتی ہیں کہ حقیقی طاقت عدم تشدد میں ہے، حقیقی خوشحالی ترک کرنے میں ہے، اور بے لوث خدمت میں حقیقی خوشی ہے۔ انہوں نے دنیا کو’جیو اور جینے دو‘ کا منتر دیا جو آج بھی اتنا ہی مطابق حال  جتنا کہ ان کے دور میں تھا۔

آج جب دنیا بہت سے چیلنجوں سے دوچار ہے، بھگوان مہاویر کے خیالات ہمیں صحیح راستے کی طرف رہنمائی کرتے ہیں۔ ان کا پیغام صرف ایک مخصوص مذہب کے لیے نہیں بلکہ پوری انسانیت کے لیے ہے۔ اگر ہم اس کے اصولوں کو اپنی زندگیوں میں اپنا لیں تو معاشرے میں محبت، امن اور خیر سگالی کی فضا قائم کر سکتے ہیں۔

اس مہاویر جینتی پر، آئیے عدم تشدد اور سچائی کے راستے پر چلنے کا عزم کریں، اپنی زندگیوں میں ہمدردی اور رحم کو اپنائیں، اور ہر جاندار کے لیے محبت اور احترام کو فروغ دیں۔ بھگوان مہاویر آپ پر اپنیبرکت فرمائے  اور آپ کی زندگی خوشی، امن اور ہم آہنگی سے بھر جائے۔

آپ سب کو مہاویر جینتی کی مبارکباد!

***

 9749 UNo

(Release ID: 2120593) Visitor Counter : 32