نیشنل میوزیم، نئی دہلی نے نونالندہ مہاویہار(این این ایم)، نالندہ اور لائٹ آف دی بدھ دھرما فاؤنڈیشن انٹرنیشنل، انڈیا( ایل بی ڈی ایف آئی) کے تعاون سے 8-9 اپریل 2025 کو نیشنل میوزیم آڈیٹوریم، نئی دہلی میں دو اہم دستاویزی فلموں کی ریلیز اور نمائش کا اہتمام کیا۔

افتتاحی خطاب میں، نوا نالندہ مہاویہار کے وائس چانسلر پروفیسر سدھارتھ سنگھ نے کہا  کہ ان کی یونیورسٹی بدھ کی تعلیمات کے میں بیداری پیدا کرنے کے لیے کام کر رہی ہے۔ یہ دستاویزی فلمیں اسی اقدام کا حصہ ہیں۔ انہوں نے کہا کہ موجودہ 'بدھ کے قدموں کے نقوش' یاترا چند مشہور مقامات تک محدود ہے جبکہ ایک وسیع بدھاچاریکا (بدھ کے قدموں کےنقوش) موجود ہے جو دنیا کو معلوم نہیں ہے۔ ان کی کوشش ہے کہ بدھ مت یاترا کا دائرہ اور دورانیہ بڑھایا جائے۔

پروگرام کے دوران، پروفیسر بدھا  رشمی منی، ڈائریکٹر جنرل، نیشنل میوزیم نے صدارتی خطاب کیا۔ اپنے خطاب میں پروفیسر منی نے ہندوستان کے بدھ مت کے ورثے کے تحفظ اور فروغ کی اہمیت کو اجاگر کیا۔ انہوں نے بدھ مت کی بھرپور تاریخ اور اس کے ثقافتی ورثے کی نمائش میں ان دستاویزی فلموں کے اہم کردار پر زور دیا۔ پروفیسر منی نے تعلیمی اور عوامی بیداری دونوں کے لیے اس طرح کے اقدامات کی اہمیت پر بھی تبصرہ کیا۔

ایل بی ڈی ایف آئی کی ایگزیکٹو ڈائریکٹر محترمہ وانگمو ڈیکسی نے بھی تقریب سے خطاب کیا اور اس موقع پر اپنے خیالات کا اظہار کیا۔ انہوں نے اس تقریب کی اہمیت پر زور دیا اور کہا کہ یہ کس طرح بدھ مت کی تعلیمات کے تحفظ اور فروغ کے لیے ملک کی اجتماعی کوششوں میں ایک اہم قدم کی نمائندگی کرتا ہے، اس بات کو یقینی بناتے ہوئے کہ اس قدیم روایت کی میراث آنے والی نسلوں کو متاثر کرتی رہے گی۔

فلموں کے بارے میں

نالندہ: وقت کےساتھ سفر

دستاویزی فلم نالندہ: اے جرنی تھرو ٹائم ایک اہم فلم ہے جو بدھ مت کے ادب، فلسفہ، آرٹ اور فن تعمیر کی ترقی میں سری نالندہ مہاویہارا (قدیم نالندہ یونیورسٹی) کی منفرد شراکت کو ظاہر کرتی ہے۔ 13ویں صدی سے 19ویں صدی تک نالندہ نے پورے ایشیا میں بدھ مت کے پھیلاؤ میں اہم کردار ادا کیا۔ یہ چین، کوریا، جاپان اور تبت جیسے ممالک میں بدھ مت کی فکر، فن اور نقش نگاری کو متاثر کرنے والے خیالات کے عالمی تبادلے کا مرکز تھا۔

اس فلم کا مقصد بدھ مت کی روایات اور فلسفے کی تشکیل میں نالندہ کے ادا کردہ اہم کردار کو دستاویزی شکل دینا ہے۔ اس میں ڈاکٹر بی آر منی، ڈائریکٹر جنرل نیشنل میوزیم اور معروف ہندوستانی ماہر آثار قدیمہ کے ساتھ ساتھ سابق وائس چانسلر  این این ایم اور تبت ہاؤس، نئی دہلی کے ڈائریکٹر گیشے دورجی دامدول اور دیگر ماہرین کے ساتھ بصیرت انگیز انٹرویوز شامل ہیں۔ اس فلم کو پہلی بار 11 مارچ 2025 کو انڈیا انٹرنیشنل سینٹر، نئی دہلی میں منعقدہ بودھی پتھ فلم فیسٹیول کے پہلے ایڈیشن میں دکھایا گیا تھا۔

گورپا: مہاکشیپا کے آخری قدموں کے نشان

گورپا: دی لاسٹ فوٹ اسٹیپس آف مہا کشیپہ میں تھائی لینڈ، کمبوڈیا، لاؤس، ویتنام اور ہندوستان کے 25 بین الاقوامی راہبوں کی یاترا کو بیان کیا گیا ہے جس میں ویلووان (راجگیر) سے گورپا پہاڑ تک مہا کشیپہ کے آخری سفر کو بیان کیا گیا ہے۔ یہ فلم آئی ٹی سی سی کے قابل احترام مہاسنگھ کے مقدس سفر اور مہاکشیپہ کے آخری سفر کی گہری اہمیت کو پیش کرنے کے لیے دستاویزی کہانی سنانے کو سنیما تکنیک کے ساتھ جوڑتی ہے۔

یہ دستاویزی فلم مہا کشیپہ کی زندگی کے تاریخی، پیشن گوئی اور روحانی پہلوؤں اور بدھ مت کے اہم ترین مقامات میں سے ایک پہاڑ گورپا کے تقدس کو اجاگر کرتی ہے۔ یہ فلم بدھ کی تعلیمات اور بدھاچاریکا کے درمیان تعلق کو اجاگر کرتی ہے، جو ایک جغرافیائی اکائی ہے جس میں بدھ کے بلند و بالا گھومنے پھرنے کے علاقوں اور ان کے چیف شاگردوں کے علاقوں کو شامل کیا گیا ہے۔

ڈائریکٹر سریندر ایم تلوار ایک مشہور ہندوستانی فلم ساز ہیں جن کا آڈیو ویژول انڈسٹری میں 40 سال سے زیادہ کا تجربہ ہے۔ انہوں نے تحقیق پر مبنی دستاویزی فلموں، مختصر فیچرز، دستاویزی ڈراموں، کارپوریٹ فلموں اور ایوارڈ یافتہ میوزک ویڈیوز سمیت متعدد فلموں کی ہدایت کاری کی ہے۔ ان کی فلمیں اقوام متحدہ سمیت مختلف فورمز پر نمائش کے لیے پیش کی جا چکی ہیں۔ حالیہ برسوں میں، تلوار نے صرف اور صرف بدھ مت اور ہندوستانی بدھ مت کے ورثے سے متعلق منصوبوں پر توجہ مرکوز کی ہے۔ ان کی فلم بدھ ازم: اےاسپریچول جرنی نے ہندوستان اور بین الاقوامی سطح پر کئی ایوارڈ جیتے ہیں۔

لائٹ آف دی بدھ دھم فاؤنڈیشن انٹرنیشنل– انڈیا (ایل بی ڈی ایف آئی) اور نونالندہ مہاویہار(این این ایم) کے ذریعے تصور کیا گیا، اس منصوبے کا مقصد 70 کلومیٹر کے راستے کو تلاش کرنا ہے جسے مہا کشیپہ نے 26 صدیوں قبل گورپا پہاڑ پر اپنی آخری آرام گاہ تک پہنچنے کے لیے طے کیا تھا۔ اس فلم کا مقصد بدھ مت میں مہا کشیپہ کے تعاون کے بارے میں بیداری پیدا کرنا اور قدیم  چیتیہ ساریکا  روایت کے احیاء کو فروغ دینا ہے۔ یہ اہم دستاویزی فلم آئندہ اقوام متحدہ کے ویساک جشن 2025 میں بھی دکھائی جائے گی۔

*********

 ش ح۔ ع و۔ ج ا

U. No-9712

(Release ID: 2120285)