மத்திய அறிவியல் மற்றும் தொழில்நுட்பத் துறை இணை அமைச்சர் (தனி பொறுப்பு டாக்டர் ஜிதேந்திர சிங், "பாரம்பரிய கரிம விவசாய நடைமுறைகளை அதிநவீன அறிவியல் தொழில்நுட்பங்களுடன் புத்திசாலித்தனமாக கலப்பதன் மூலம் வேளாண் புத்தொழில் நிறுவனங்கள் வாழ்வாதாரத்திற்கான லாபகரமான வழியாக வேகமாக வளர்ந்து வருகின்றன" என்று கூறியுள்ளார்.

சங்கர்பள்ளியில் நடைபெற்ற "இயற்கை மற்றும் இயற்கை விவசாயிகள் உச்சி மாநாடு 2025" -ல் உரையாற்றிய அமைச்சர், விவசாயத்தை அளவிடுவதற்கும், உற்பத்தித் திறனை அதிகரிப்பதற்கும், நிலையான வருமானத்தை உறுதி செய்வதற்கும் அறிவியலைத் தழுவிய அடிமட்ட கண்டுபிடிப்பாளர்கள் மற்றும் விவசாயி-தொழில்முனைவோரின் முயற்சிகளைப் பாராட்டினார்.

"விவசாயத்தில் புத்தொழில்  என்பது விவசாயம் மட்டுமல்ல" என்று டாக்டர் ஜிதேந்திர சிங் கூறினார். "அவர்கள் அறிவியலைப் பயன்படுத்துகிறார்கள், சி.எஸ்.ஐ.ஆர் போன்ற நிறுவனங்களால் உருவாக்கப்பட்ட கண்டுபிடிப்புகளைப் பயன்படுத்துகிறார்கள், மேலும் விவசாயத்தை அதிக உற்பத்தி மற்றும் செலவு குறைந்ததாக மாற்ற ட்ரோன்கள் மற்றும் மண் வள அட்டைகள் போன்ற கருவிகளை ஏற்றுக்கொள்கிறார்கள். இதன் மூலம், அவர்கள் குறைந்த நேரத்தில் அதிக சாகுபடி செய்கிறார்கள், அதே நேரத்தில் ஆரோக்கியத்தையும் சுற்றுச்சூழலையும் பாதுகாக்கிறார்கள் என்று அவர் கூறினார்.

ஒரு காலத்தில் கடினமானதாகவும், தனித்துவமானதாகவும் கருதப்பட்ட இயற்கை  வேளாண்மை, இப்போது சுகாதார அக்கறைகள் மற்றும் ரசாயன பூச்சிக்கொல்லிகளின் தீங்கு விளைவிக்கும் விளைவுகள் குறித்த விழிப்புணர்வு ஆகியவற்றால் உந்தப்பட்டு பிரதான நீரோட்டமாக மாற தயாராக உள்ளது என்று டாக்டர் ஜிதேந்திர சிங் வலியுறுத்தினார்.

 

கிராமப்புற பொருளாதாரத்தை மேம்படுத்தாமல், விவசாயத்தின் பரந்த, குறைவாக ஆராயப்பட்ட திறன்களைப் பயன்படுத்திக் கொள்ளாமல், 2047 -ம் ஆண்டில் வளர்ந்த நாடாக மாறுவதற்கான இந்தியாவின் பயணம் முழுமையடையாது என்று வலியுறுத்தி அமைச்சர் தமது உரையை நிறைவு செய்தார். "இன்றைய விவசாயி ஒரு வேளாண் தொழில்முனைவோர். மேலும் களம் இனி கஷ்டங்களின் இடமாக இல்லை, ஆனால் வாய்ப்புகளின் மையமாக உள்ளது, "என்று அவர் கூறினார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleasePage.aspx?PRID=2119235

***

PKV/RJ

(Release ID: 2119260) Visitor Counter : 50