دیہی ترقی کے وزیر مملکت جناب کملیش پاسوان نے آج راجیہ سبھا میں ایک تحریری جواب میں  بتایا کہمحکمہ دیہی ترقی میں گروپ-‘اے’ سے لے کر ‘سی’ تک کی تمام مستقل آسامیوں پر تقرری سےمتعلقہ کیڈر کنٹرولنگ اتھارٹیز کے ذریعے مقررہ بھرتی ایجنسیوں جیسے یونین پبلک سروس کمیشن، اسٹاف سلیکشن کمیشن کے ذریعے کی جاتی ہے۔ اس کے علاوہ محکمہ دیہی ترقی کی تمام اسکیمیں ریاستی حکومتوں/مرکز کے زیر انتظام علاقوں کے ذریعے نافذ کی جاتی ہیں اور ایسی اسکیموں کے نفاذ کے لیے میدان میں کام کرنے والے افسران کو متعلقہ ریاستی حکومتیں تقرری کرتی ہیں۔

محکمہ دیہی ترقی کو حال ہی میں نیشنل رورل ڈیولپمنٹ اینڈ ریکری ایشن مشن (این آر ڈی آر ایم) کی ایک فرضی ویب سائٹ ملی ہے، جس میں محکمہ کے مواد کی نقالی کی گئی ہے اور مختلف عہدوں پر بھرتی کے لیے امیدواروں سے درخواستیں طلب کی گئی ہیں ۔ معاملے کا نوٹس لیتے ہوئے وزارت داخلہ کے تحت انڈین سائبر کرائم کوآرڈینیشن سینٹر (آئی 4 سی) سے این آر ڈی آر ایم کی دھوکہ دہی کرنے والی ویب سائٹس کو ہٹانے کی درخواست کی گئی ۔ آئی 4 سی نے این آر ڈی آر ایم کی تمام متعلقہ ویب سائٹس کو انٹرنیٹ سے ہٹا دیا  ہے۔ اس جعلی تنظیم کے بارے میں وزارت کی ویب سائٹ پر ایک ڈس کلیمر بھی شائع کیا گیا تھا اور عام لوگوں کو بھی این آر ڈی آر ایم کی  فرضی ویب سائٹس اور اس کی  فرضی بھرتی مہم کے خلاف عوامی نوٹس کے ذریعے خبردار کیا گیا تھا ۔ اس کے علاوہ اس محکمے نے اس سلسلے میں ایف آئی آر بھی درج کرائی ہے ۔

اس طرح کے واقعات میں فوری کارروائی کو یقینی بنانے کے لیے محکمہ نے انفارمیشن ٹیکنالوجی ایکٹ 2000 (21 آف 2000) اور انفارمیشن ٹیکنالوجی (گائیڈ لائنز فار انٹرمیڈیٹریز اینڈ ڈیجیٹل میڈیا ایتھکس کوڈ) رولز 2021 کے تحت ایک افسر کو نوڈل آفیسر کے طور پر نامزد کیا ہے تاکہ کسی بھی ایسی معلومات کے سلسلے میں بچولیوں کو نوٹس جاری کیا جا سکے جو اس محکمے سے متعلق فی الحال کسی قانون کے تحت ممنوع ہے ۔

****

UR-9534

(ش ح۔ م ع ن۔ن م )

(Release ID: 2118964) Visitor Counter : 16