ریلوے کی وزارت
سالانہ شرح نمو 9 فیصد درج کرتے ہوئے بھارتی ریلوے نے گزشتہ مالی سال میں7,134 کوچز تیار کیے،عام آدمی کی ضروریات کو پورا کرتے ہوئے ، بھارتی ریلوے نے گزشتہ دہائی میں5481 کے مقابلے میں ایک نیا ریکارڈ قائم کیا
نان-اے سی زمرے پر توجہ مرکوز کرتے ہوئے ،بھارتی ریلوے نے 25-2024میں4601 کوچز تیار کیے
سالانہ اوسط کوچز کی پیداوار جو 2004-14 میں3,300 تھی اس سے بڑھ کر 2014-24 میں 5,481 ہو گئی ہے ، گزشتہ دہائی میں کل54,809 کوچزتیار کیےگئے ہیں
آئی سی ایف چنئی نے 3,000 کی سالانہ حد کو عبور کرتے ہوئے178 مزید کوچز تیار کی ہے 201 کے ساتھ آر سی ایف کپورتھلا اور ایم سی ایف رائے بریلی نے 341کے ساتھ ریکارڈ پیداوار کے شاندار سفر میں گراں قدر تعاون کیاہے
Posted On:
03 APR 2025 7:22PM by PIB Delhi
ہندوستانی ریلوے نے مالی سال 25-2024 میں 7,134 کوچز تیار کرکے ایک اہم سنگ میل حاصل کیا ہے ، جو پچھلے سال کی پیداوار6,541 کوچوں کے مقابلے میں9فیصد زیادہ ہے ،اس میں4,601 کوچوں کی پیداوار کے ساتھ غیر اےسی کوچوں پر خصوصی زور دیا گیا ہے ، جو عام آدمی کی ضروریات کو پورا کرتے ہیں ۔ یہ اضافہ مسافروں کی بڑھتی ہوئی مانگ کو پورا کرنے کے لیے ریلوے کے بنیادی ڈھانچے کو جدید بنانے پر ہندوستان کے بڑھتے ہوئے زور اور خاص توجہ کی عکاسی کرتا ہے ۔
بھارتی ریلوے کے ملک میں کوچ بنانے والے 3یونٹ ہیں- انٹیگرل کوچ فیکٹری (آئی سی ایف) چنئی ، تمل ناڈو میں، کپورتھلا ، پنجاب میں ریل کوچ فیکٹری (آر سی ایف) اور رائے بریلی ، اتر پردیش میں ماڈرن کوچ فیکٹری (ایم سی ایف)۔ انٹیگرل کوچ فیکٹری (آئی سی ایف)چنئی میں بھارتی ریلوے کے پریمیئر مسافر کوچ تیار کرنے والے یونٹ نے سال25-2024کے لیے اپنے پچھلے پروڈکشن ریکارڈ کو پیچھے چھوڑتے ہوئےاس نے 3,007 کوچ تیار کیے ۔
|
کوچ مینوفیکچرنگ یونٹ
|
مقام
|
تیار کردہ کوچز (2023-24)
|
تیار کردہ کوچز (2024-25)
|
پیداوار میں اضافہ
|
|
انٹیگرل کوچ فیکٹری (آئی سی ایف)
|
چنئی، تمل ناڈو
|
2,829
|
3,007
|
+178
|
|
ریل کوچ فیکٹری(آر سی ایف)
|
کپورتھلا، پنجاب
|
1,901
|
2,102
|
+201
|
|
جدید کوچ فیکٹری(ایم سی ایف)
|
رائے بریلی، اتر پردیش
|
1,684
|
2,025
|
+341
|
اندرون ملک کوچز مینوفیکچرنگ میں اضافہ
گزشتہ برسوں کے دوران ہندوستان میں کوچز کی پیداوار میں کافی اضافہ ہوا ہے ۔ 2004 اور 2014 کے درمیان بھارتی ریلوے نے ہر سال اوسطاً 3,300 سے کم کوچ تیار کیے ۔ تاہم ، 2014 سے 2024 تک ، ہر سال اوسطاً 5,481 کوچوں کے ساتھ 54,809 کوچوں کی مینوفیکچرنگ کے ساتھ پیداوارمیں بڑا اضافہ دیکھا گیا ، جو ریلوے مینوفیکچرنگ میں بہتر رابطے اور خود انحصاری کے لیے زور دینے کے ساتھ ہم آہنگ ہے ۔ یہ توسیع گھریلو پیداواری صلاحیتوں کو بڑھانے ، درآمدات پر انحصار کو کم کرنے اور ریلوے کے ڈیزائن میں جدید ٹیکنالوجی کو مربوط کرنے کی وسیع تر کوشش کا حصہ ہے۔
مسافروں کے تجربے اور رابطے کو بہتر بنانا
ریکارڈساز کوچ پروڈکشن حکومت کے ’سب کا ساتھ ، سب کا وکاس‘ کے وژن کے ساتھ ہم آہنگ ہے ، جس سے بہتر پبلک ٹرانسپورٹ خدمات کو یقینی بنایا جارہا ہے اور ساتھ ہی گھریلو مینوفیکچرنگ کو بھی فعال اور متحرک کیا جارہا ہے ۔ مزید کوچز متعارف کرائے جانے سے مسافروں کی بڑھتی ہوئی مانگ کو پورا کرنے کے لیے بہتر سہولیات ، بہتر حفاظتی خصوصیات اور اقدامات اور بڑھتی ہوئی صلاحیت کی توقع کر سکتے ہیں ۔
مزید برآں ، یہ کامیابی ’میک ان انڈیا پہل‘ کو مضبوط کرتی ہے ، جس سے ریلوے مینوفیکچرنگ میں ایک اہم جزکے طور پر ہندوستان کی پوزیشن کو تقویت ملتی ہے ۔ جدید،مؤثر توانائی اور مسافروں کی ضروریات کے موافق کوچوں پر توجہ مرکوز کرکے بھارتی ریلوے ایک زیادہ مضبوط اور مستقبل کے لیے تیار ٹرانسپورٹ نیٹ ورک کی تعمیر کی طرف نمایاں پیش رفت کر رہا ہے ۔
ریلوے کی برق کاری ، تیز رفتار کوریڈور اور اپ گریڈ شدہ مسافر خدمات میں جاری کوششوں کے ساتھ کوچ کی بڑھتی ہوئی پیداوار ہندوستان کے ریل ٹرانسپورٹ نظام کے مستقبل کی تشکیل میں اہم کردار ادا کرے گی ، جس سے لاکھوں مسافروں کے لیے زیادہ کارکردگی ، پُر سکون اورآسان رسائی کویقینی بنایا جاسکے گا ۔
***
(ش ح۔ م م ع۔ اش ق)
UR-9498
(Release ID: 2118672)