جناب  ایم ناگاراجو ، سکریٹری ، محکمہ مالیاتی خدمات (ڈی ایف ایس) نے آج منتھن ، ڈی ایف ایس میں ایک میٹنگ کی صدارت کی، جس میں سنٹرل کے وائی سی ریکارڈز رجسٹری (سی کے وائی سی آر) کی تجدید اور اپنے گاہک کو جانیں (کے وائی سی) کی تعمیل سے متعلق اہم امور پر تبادلہ خیال کیا گیا، جس مقصد مالی خدمات سے فائدہ اٹھاتے ہوئے شہریوں کی زندگی کوراحت سے پربنانا تھا۔ میٹنگ میں متعلقہ وزارتوں/محکموں ، مالیاتی شعبے کے ریگولیٹرز ، مالیاتی اداروں اور دیگر اسٹیک ہولڈرز کے سینئر عہدیدار شامل تھے ۔

 میٹنگ میں جناب ناگاراجو نے سنٹرل کے وائی سی ریکارڈز رجسٹری (سی کے وائی سی آر) کو جدید بنانے اور کے وائی سی کے عمل کو ہموار کرنے کی ضرورت پر زور دیا ۔ افراد اور ریگولیٹڈ اداروں سے متعلق اہم مسائل اور چیلنجز ، حکومت اور مالیاتی شعبے کے ریگولیٹرز کی طرف سے اب تک کیے گئے اقدامات اور کارکردگی کو مزید بڑھانے ، فالتو پن کو کم کرنے اور مالیاتی شعبوں میں کے وائی سی کے عمل سے متعلق سیکورٹی کو بہتر بنانے کے لیے مجوزہ اقدامات پر تفصیل سے تبادلہ خیال کیا گیا ۔

بات چیت کے دوران ، اسٹیک ہولڈرز کی طرف سے بہت سی تجاویز موصول ہوئیں جن پر کے وائی سی کے عمل کو مزید آسان بنانے کے لیے غور کیا جائے گا ۔

*********

 

UR-9350

(ش ح۔ا ک۔ش ہ ب)

(Release ID: 2117947) Visitor Counter : 14