তুরিজম সেক্তরগী চাউখৎ-থৌরাং অমসুং য়োকখৎপগী থবক অসি মশা-মশাগী রাজ্য সরকারশিং/য়ুনিয়ন তেরিতোরী এদমিনিস্ত্রেশনশিংন পাইখৎলি। তুরিজম মন্ত্রালয়না তুরিজম য়োকখৎপদা নোর্থ ইস্তর্ন স্তেতশিং য়াওনা রাজ্যশিং/য়ুনিয়ন তেরিতোরীনা হোৎনরিবশিং অদুবু থাগৎলি। তুরিজম মন্ত্রালয়না ‘স্বদেশ দর্শন’, ‘নেস্নেল মিসন ওন পিলগ্রিমেজ রিজুভেনেশন এন্দ স্পিরিচুৱল হেরিতেজ ওগমেন্তেশন দ্রাইব (PRASHAD)’, ‘এসিস্তেন্স তু সেন্ত্রেল এজেন্সীজ ফোর তুরিজম ইনফ্রাস্ত্রকচর দেবেলপমেন্ত’কী স্কীমশিং অসিগী মখাদা নোর্থ ইস্তর্ন রিজন য়াওনা লৈবাক অসিদা তুরিজমগা মরি লৈনবাইনফ্রাস্ত্রকচর দেবেলপমেন্তকীদমক্তা রাজ্য সরকারশিং/বুনিয়ন তেরিতোরীশিং/ কেন্দ্রগী এজেন্সীশিংদা শেলগী ওইবা তেংবাং পী। তুরিজম মন্ত্রালয়না প্রোমোস্নেল ইভেন্তশিং, মেলাশিং অমসুং কুম্মৈশিং শিন্নবাগীদমক্তা, রাজ্য সরকারশিং, স্তেকহোলদরশিংদা মতেং পাংবা, একজিবিশনশিংদা শরুক য়াবা, ৱেবসাইত অমসুং সোসিয়েল মীদিয়ানচিংবা য়াওনা অনৌ-অনৌবা থৌরাং কয়া অমগী খুত্থাংদা নোর্থ ইস্তর্ন রিজনগী তুরিস্ত দেস্তিনেশনশিংবুশু প্রোমোত তৌরি। মন্ত্রালয় অসিনা ভারতকী নোর্থ ইস্তর্ন রিজনগী তুরিজম পোতেন্সিয়েল অদুবু উত্থোক্নবগীদমক্তা নোর্থ ইস্তর্ন রিজনদা ইন্তর্নেস্নেল তুরিজম মার্ত (ITM) শিন্দুনা লাক্লি। ITMগী খ্বাইদগী অনৌবা এদিসন অদু 2024গী নোবেম্বর 26গীনা 29 ফাওবা অসামগী কাজিরঙ্গাদা পাংথোকখি। গুৱাহাতি অমসুং শিল্লোংদা লৈবা মন্ত্রালয় অসিগী সেন্ত্রেল ইনস্তিত্যুত ওফ হোতেল মেনেজমেন্ত (CIHMs)গী খুত্থাংদা তুরিজম মন্ত্রালয়না তুরিজম অমসুং হোসপিতেলিতী ইন্দস্ত্রী তঙাইফদবশিং অদুবু মতিক চানা পীবা ঙম্নবা মেনপাৱরগী পুল অমা শেম্নবা হোসপিতেলিতীগী লমসিদা প্রোফেস্নেল এজুকেশন অমসুং ত্রেনিং পীরি। তুরিজম মন্ত্রালয়না সেঙ্কশন তৌখিবা স্কীমশিংগীদমক্তা ওইনদি, তুরিজম মন্ত্রালায়না রাজ্য সরকারশিং/য়ু.তি. এদমিস্ত্রেশনদা প্রোজেক্তশিং শেম্বা মতমদা লোকেল কম্যুনিতীশিংগা নিংথিনা তাথোক-তাশিন তৌনরগা শেম্নাবা খঙহনখ্রে। তুরিজম মন্ত্রালয়না মখোয়গী কেপাসিতী বিল্দিং ফোর সর্বিস প্রোভাইদর্স (CBSP) হায়রিবা স্কীম অসিগী মখাদা হোসপিতেলিতী সেক্তরগী তোঙান-তোঙানবা থাক কয়া অমদা তুরিজম সর্বিস প্রোভাইদরশিংদা এজুকেশন, ত্রেনিং অমসুং সর্তিফিকেশন পীনবা স্কিল দেবেলপমেন্ত প্রোগ্রাম কয়া অমা পাইখৎখ্রে।  

মখাতানা, নোর্থ ইস্তকী লমদমদা তুরিজম য়োকখৎপা হায়বসি দেবেলপমেন্ত ওফ নোর্থ ইস্তর্ন রিজন মন্ত্রালয় (MDoNER)গী মিৎয়েং চংবা সেক্তরশিংগী মনুংদা অমনি। MDoNERনা মখোয়গী স্কীমশিং খুদম ওইনা নোর্থ ইস্ত স্পেসিয়েল ইনফ্রাস্ত্রকচর দেবেলপমেন্ত স্কীম (NESIDS), প্রাইম মিনিস্ত্রস দেবেলপমেন্ত ইনিসিয়েতিব ফোর নোর্থ ইস্ত রিজন (PM-DevINE), নোর্থ ইস্তর্ন কাউন্সিলগী স্কীমশিংনচিংবা কয়াগী মখাদা নোর্থ ইস্তর্ন রিজনদা তুরিজম সেক্তরবুশু শৌগৎপা ইনফ্রাস্ত্রকচর প্রোজেক্ত কয়া অমশু সেঙ্কশন তৌখ্রে।

2023দা নোর্থ ইস্তকী রাজ্যশিংদা দোমেস্তিক তুরিস্ত ভিজিৎশিং (DTVশিং) অমসুং ফোরেন তুরিস্ত ভিজিৎশিং(FTVশিং)গী অকুপ্পা মরোলশিং অদু মখাদা পীরি:

মসিগী ই-পাউ অসি ঙসি লোক সভাদা থমখিবা ৱাহং অমগী অইবা পাউখুম ওইনা দোনর মন্ত্রালয়গী রাজ্য মন্ত্রীনা পীখিবনি।

*****