حکومت اقلیتوں سمیت تمام طبقات بالخصوص معاشی طور پر کمزور اور معاشرے کے کم مراعات یافتہ طبقوں کی فلاح و بہبود اور ترقی کے لئے مختلف اسکیمیں نافذ کررہی ہے۔ اقلیتی امور کی وزارت خاص طور پر ملک بھر میں چھ (6) مرکزی طور پر شناخت شدہ اقلیتی برادریوں کی سماجی، اقتصادی اور تعلیمی بااختیارکاری کے لیے مختلف اسکیمیں نافذ کر رہی  ہے۔ وزارت کی طرف سے نافذ کردہ اسکیمیں/ پروگرام درج ذیل ہیں:

1.تعلیمی بااختیار کاری سے متعلق اسکیمیں

• پری میٹرک اسکالرشپ اسکیم
• پوسٹ میٹرک اسکالرشپ اسکیم
• میرٹ –کم- مین پر مبنی اسکالرشپ اسکیم

اسکالرشپ اسکیموں کو نیشنل اسکالرشپ پورٹل (این آئی سی کے زیر انتظام) کے ذریعے لاگو کیا جاتا ہے جو ایک مسلسل ترقی پذیر پلیٹ فارم ہے۔ اسکالرشپ کی ادائیگی ڈی بی ٹی موڈ کے تحت آدھار پیمنٹ برج سسٹم (اے پی بی ایس) کے ذریعے کی جاتی ہے تاکہ فائدہ حقیقی استفادہ کنندگان تک پہنچ سکے۔

2.روزگار اور اقتصادی طورپر بااختیار بنانے سے متعلق اسکیمیں

• پردھان منتری وراثت  کا سموردھن (پی ایم وکاس)
• قومی اقلیتی ترقی اور مالیاتی کارپوریشن (این ایم ڈی ایف سی): یہ ملک بھر میں خود روزگار آمدنی پیدا کرنے کے منصوبوں کے لیے رعایتی قرض فراہم کرکے شناخت شدہ اقلیتی برادریوں میں "پسماندہ طبقات" کی سماجی و اقتصادی ترقی کے لیے مدتی قرض، مائیکرو فائنانس، تعلیمی قرض اور وارث اسکیموں کو نافذ کرتا ہے۔ این ایم ڈی ایف سی کی اسکیمیں متعلقہ ریاستی حکومت/مرکز کے زیرانتظام علاقوں کی انتظامیہ، پنجاب گرامین بینک اور کینرا بینک کے ذریعہ نامزد کردہ ریاستی چینلائزنگ ایجنسیوں (ایس سی اے ایس )کے ذریعے لاگو کی جاتی ہیں۔

اپنی اسکیموں کے نفاذ کی نگرانی کے لیے، این ایم ڈی ایف سی ملک بھر میں ہدف والے گروپوں پر این ایم ڈی ایف سی فنانسنگ کے مناسب استعمال اور اثرات کا جائزہ لینے کے لیے آزاد فریق ثالث کی تنظیموں/ایجنسیوں کو شامل کر کے باقاعدگی سے "استفادہ کنندہ کی تصدیق" اور "اثر تشخیص مطالعہ" کا انعقاد کرتا ہے۔ این ایم ڈی ایف سی کے اہلکار بھی مختلف ریاستوں/ مرکز کے زیر انتظام علاقوں کا دورہ کرتے ہیں تاکہ استفادہ کنندگان سے بات چیت کی جاسکے۔

3. انفراسٹرکچر ڈیولپمنٹ اسکیم

• پردھان منتری جن وکاس کاریہ کرم (پی ایم جے وی کے) "پردھان منتری جن وکاس کاریہ کرم"ایک مرکزی اسپانسر شدہ اسکیم ہے اور ملک کے اقلیتی ارتکاز والے علاقوں میں کمیونٹی انفراسٹرکچر کی تخلیق کے لیے وزارت کے فلیگ شپ پروگرام میں سے ایک ہے۔ تعلیم، صحت، ہنرمندی کی ترقی، خواتین پر مبنی منصوبے، پینے کا پانی اور سپلائی، صفائی اور کھیل جیسے پروگرام شامل ہیں۔ اس اسکیم کا مقصد ان مخصوص علاقوں کی اقلیتی برادریوں کے سماجی اور معاشی حالات کو بڑھانا بھی شامل ہے۔

پی ایم جے وی کے، کے تحت پروجیکٹوں پر غور اور منظوری متعلقہ ریاستی حکومتوں/  مرکز کے زیر انتظام انتظامیہ سے موصول ہونے والی درخواستوں کی بنیاد پر دی جاتی ہے۔ پراجیکٹ پروپوزل کی تشکیل اس کی وزارت کو بھیجنا؛ منظور شدہ پروجیکٹوں کی تکمیل اور مکمل شدہ پروجیکٹوں کا آپریشن اور دیکھ بھال متعلقہ ریاستی حکومتوں/  یوٹی انتظامیہ کی ذمہ داری ہے۔

قومی کمیشن برائے اقلیت (این سی ایم)، وزارت کے تحت ایک قانونی ادارہ این سی ایم ایکٹ، 1992 کے تحت قائم کیا گیا تھا۔ اپنے کام کے حصے کے طور پر، یہ اقلیتوں کی درخواستیں وصول کرتا ہے اور ضروری کارروائی کے لیے انہیں مناسب حکام/ ریاستی حکومتوں کے پاس لے جاتا ہے۔ مزید برآں، فرقہ وارانہ ہم آہنگی کو فروغ دینے کے لیے، این سی ایم کے معزز چیئرمین اور ممبران اقلیتی برادریوں کے نمائندوں کے ساتھ باقاعدگی سے میٹنگیں کرتے ہیں۔ مزید برآں، این سی ایم اقلیتی برادریوں کے نمائندوں کے ساتھ 'سرو دھرم سمواد' کا انعقاد کرتا ہے تاکہ برادریوں کو درپیش مسائل پر تبادلہ خیال کیا جا سکے اور فرقہ وارانہ ہم آہنگی کو فروغ دیا جا سکے۔

اقلیتی امور کی وزارت (ایم او ایم اے) اقلیتوں کی سماجی و اقتصادی ترقی کے لیے مختلف ہنر مندی اور تعلیم کی اسکیمیں نافذ کر رہی ہے تاکہ انہیں روزگار کے لیے تیار کیا جا سکے۔

پردھان منتری وراثت کا سموردھن (پی ایم-وکاس) ایم او ایم اے کی ایک فلیگ شپ اسکیم ہے جو پانچ سابقہ ​​اسکیموں کو یکجا کرتی ہے اور اسکل ڈیولپمنٹ کے ذریعے اقلیتوں کی بہتری پر توجہ مرکوز کرتی ہے۔ کاروباری اور اقلیتی خواتین کی قیادت اور اسکول چھوڑنے والوں کے لیے تعلیمی تعاون۔

 

پی ایم وکاس سے پہلے، وزارت نے 'سیکھو اور کماؤ'، 'نئی منزل'، اور'یو ایس ٹی ٹی اے ڈی' اسکیموں کے تحت اقلیتی برادریوں کے نوجوانوں کو ہنر کی تربیت فراہم کی جا رہی ، جو کہ اب پی ایم وکاس اسکیم میں تبدیل ہو گئی ہیں۔ 2021-2020 کے بعد مذکورہ سابقہ ​​اسکیموں کے تحت کوئی نیا ہدف مختص نہیں کیا گیا۔

ان اسکیموں اور اس میں حاصل کی گئی کامیابیوں کی مختصر تفصیلات  حسب ذیل ہیں:

• سیکھو  اور کماؤ (ایس اےکے) اسکیم، 2014-2013 میں شروع ہوئی، جس کا ہدف اقلیتی نوجوانوں (14-45 سال) کی مختلف جدید/روایتی مہارتوں میں ان کی قابلیت، مروجہ اقتصادی رجحانات اور مارکیٹ کی صلاحیت کے لحاظ سے اپ گریڈ کرنا ہے، جس سے انہیں مناسب روزگار مل سکتا ہے یا انہیں خود کار طریقے سے روزگار حاصل کرنے کے لیے مناسب ہنر مند بنا سکتا ہے۔ آغاز سے لے کر اب تک اس اسکیم کے تحت تقریباً 4.68 لاکھ مستفیدین کو تربیت دی گئی ہے۔
• نئی منزل اسکیم 2015 میں شروع ہوئی، اور اس کا نفاذ اقلیتی نوجوانوں کو فائدہ پہنچانے کے مقصد سے کیا گیا جن کے پاس اسکول چھوڑنے کا باقاعدہ سرٹیفکیٹ نہیں ہے۔ اس اسکیم نے روایتی تعلیم (کلاس VIII یا X ) اور مہارتوں کا ایک مجموعہ فراہم کیا اور استفادہ کنندگان کو بہتر روزگار اور ذریعہ معاش تلاش کرنے کے قابل بنایا۔ آغاز سے لے کر اب تک اس اسکیم کے تحت 98,712 مستفیدین کو تربیت دی جا چکی ہے۔
• استاد اور ہماری دھروہر اسکیم 2015 میں شروع ہوئی اس اسکیم میں ٹارگٹڈ صلاحیت کی تعمیر اور ماسٹر کاریگروں/ فنکاروں کی روایتی مہارتوں کو اپ گریڈ کرنے کے لیے شروع کیا گیا۔ آغاز سے لے کر اب تک تقریباً 21,611 مستفیدین کو اسکیم کے تحت تربیت دی گئی ہے۔
• نئی روشنی، اقلیتی خواتین کے لیے لیڈرشپ ڈیولپمنٹ پروگرام 2013-2012 میں شروع کیا گیا تھا جس کا مقصد اقلیتی خواتین کو بااختیار بنانا اور ہر سطح پر سرکاری نظام، بینکوں اور دیگر اداروں کے ساتھ تعامل کے لیے علم، اوزار اور تکنیک فراہم کرکے ان میں اعتماد پیدا کرنا تھا۔ آغاز سے ہی، اسکیم کے تحت 4.35 لاکھ سے زائد افراد کو تربیت دی جا چکی ہے۔

وزارت نے قومی شہرت کے اداروں یعنی نیشنل انسٹی ٹیوٹ آف فیشن ٹکنالوجی (این آئی ایف ٹی)، نیشنل انسٹی ٹیوٹ آف ڈیزائن (این آئی ڈی) اور انڈین انسٹی ٹیوٹ آف پیکجنگ (آئی آئی پی) کو ڈیزائن کی مداخلت، مصنوعات کی رینج کی ترقی، پیکیجنگ، نمائشوں اور برانڈ کی تعمیر وغیرہ کے لیے مختلف کرافٹ کلسٹروں میں کام کرنے کے لیے مشغول کیا۔

ہنر ہاٹ اور لوک سموردھن پرو جیسے وزارت کے اقدامات کا مقصد اسکیموں کے بارے میں بیداری پیدا کرنا اور اقلیتی روایتی کاریگروں کو ان کی مصنوعات کی نمائش اور مارکیٹنگ کے ذریعے ترقی کے مواقع فراہم کرنا ہے۔ 2015 سے لے کر اب تک وزارت کی جانب سے ملک بھر میں اس طرح کی 43 تقریبات کا انعقاد کیا گیا ہے۔

اسکیموں کی مزید تفصیلات وزارت کی ویب سائٹ یعنی www.minorityaffairs.gov.in پر دستیاب ہیں۔

یہ اطلاع اقلیتی امور اور پارلیمانی امور کے مرکزی وزیر جناب کرن رجیجو نے آج لوک سبھا میں ایک تحریری جواب میں دی۔

***

ش ح۔ ک ا۔ ن م

(Release ID: 2117822) Visitor Counter : 17