وزارت نے ایکسپورٹ پروموشن کونسلز/ایسوسی ایشنز کی حمایت کی ہے تاکہ ایک عالمی میگا ٹیکسٹائل ایونٹ یعنی بھارت ٹیکس 2025 کا انعقاد کیا جا سکے، جس کا مقصد بھارتی ٹیکسٹائل ویلیو چین کی طاقت کو اجاگر کرنا ، ٹیکسٹائل اور فیشن انڈسٹری میں تازہ ترین ترقیات/جدتوں کو پیش کرنا اور بھارت کو ٹیکسٹائل کے شعبے میں سورسنگ اور سرمایہ کاری کے لیے سب سے زیادہ پسندیدہ منزل کے طور پر پوزیشن دینا ہے۔

یہ ایونٹ 2.2 ملین مربع فٹ پر پھیلا ہوا تھا اور اس میں 5,000 سے زائد نمائش کنندگان نے شرکت کی، جس نے بھارت کے ٹیکسٹائل ماحولیاتی نظام کا جامع منظر پیش کیا۔ 100 سے زائد ممالک سے 1,20,000 سے زیادہ تجارتی وزیٹرز نے ایونٹ میں شرکت کی، جن میں عالمی سی ای اوز، پالیسی ساز اور صنعت کے رہنما شامل تھے۔

بھارت ٹیکس 2025 صنعت کے رہنماؤں، تیار کنندگان، برآمد کنندگان اور موجدوں کے لیے ایک اہم پلیٹ فارم کے طور پر کام کرتا ہے، جس نے ٹیکسٹائل کے شعبے کے اہم اسٹیک ہولڈرز کو یکجا کیا۔ یہ ایونٹ تیار کنندگان، برآمد کنندگان اور درآمد کنندگان کے درمیان تعاون کی سہولت فراہم کرتا ہے، انہیں اپنی مہارت، جدید ترین اختراعات اور تازہ ترین کلیکشنز کو عالمی سطح پر پیش کرنے کا موقع فراہم کرتا ہے۔ اس  لوازمات سمیت خام مال سے لے کر تیار شدہ مصنوعات اور پورے ٹیکسٹائل ویلیو چین کو ایک ہی چھت کے نیچے جمع کیا۔

حکومت کی توجہ ٹیکسٹائل کی تیاری کو بڑھانے، بنیادی ڈھانچے کو جدید بنانے، اختراع کو فروغ دینے، اور ٹیکنالوجی کو اپ گریڈ کرنے پر مرکوز ہے، جس سے بھارت کی عالمی ٹیکسٹائل مرکز کے طور پر پوزیشن کو مضبوط کیا گیا ہے۔ بھارت ٹیکس 2025 نے ان ترقیات کو پیش کرنے کا ایک پلیٹ فارم فراہم کیا، ساتھ ہی پائیدار اور اعلیٰ معیار کی ٹیکسٹائل پیداوار کو فروغ دیا۔

بھارت ٹیکس 2025 میں عالمی سطح کی کانفرنس، راؤنڈ ٹیبلز، پینل ڈسکشنز اور ماسٹر کلاسز بھی شامل تھیں۔ اس میں خصوصی اختراع اور اسٹارٹ اپ پویلینز پر مشتمل نمائشیں بھی تھیں۔ اس کے علاوہ ہیکاتھونز پر مبنی اسٹارٹ اپ پچ فیسٹ، اختراعاتی فیسٹ، ٹیک ٹینکس اور ڈیزائن چیلنجز بھی شامل تھے، جن کے ذریعے اسٹارٹ اپس کے لیے اہم سرمایہ کاروں کے ذریعے فنڈنگ کے مواقع فراہم کیے گئے۔

وزارتِ ٹیکسٹائل، دفترِ ترقیاتی کمشنر (ہینڈلومز) کے ذریعے راجستھان سمیت ملک کے ہینڈلوم مصنوعات کو فروغ دیتی ہے اور مندرجہ ذیل اسکیموں کو نافذ کرتی ہے:۔

1. قومی ہینڈلوم ترقیاتی پروگرام؛ 
2. خام مال کی فراہمی اسکیم؛

• مندرجہ بالا اسکیموں کے تحت اہل ہینڈلوم ایجنسیوں/بُنائی کرنے والوں کو خام مال، جدیدشدہ (اپگریٹیڈ)کھڈیوں اور لوازمات کی خریداری، سولر لائٹنگ یونٹس، ورک شیڈ کی تعمیر، مہارت کی تربیت، مصنوعات اور ڈیزائن کی ترقی، تکنیکی اور مشترکہ بنیادی ڈھانچہ، ملکی اور عالمی منڈیوں میں ہینڈلوم مصنوعات کی مارکیٹنگ، مدرا اسکیم کے تحت بُنائی کرنے والوں کو رعایتی قرضے، سوشل سیکیورٹی وغیرہ کے لیے مالی معاونت فراہم کی جاتی ہے۔
• عالمی مارکیٹنگ روابط قائم کرنے کے لیے مناسب ایپیکس/پرائمری ہینڈلوم کوآپریٹو سوسائٹیز، کارپوریشنز، پروڈیوسرز کمپنیوں، ہینڈلوم ایوارڈ یافتگان، برآمد کنندگان اور دیگر بُنائی کرنے والوں کو مدد فراہم کی جاتی ہے جو خصوصی برآمدی ہینڈلوم مصنوعات تیار کر رہے ہیں۔
• ہینڈلوم مصنوعات کے برآمدی فروغ کے لیے بین الاقوامی میلوں/نمائشوں، بڑے ایونٹس، خریدار فروشندہ میٹنگ، ریورس خریدار فروشندہ میٹنگ وغیرہ میں تنظیم یا شرکت کے ذریعے مارکیٹ میں رسائی حاصل کی جاتی ہے۔ بھارت ہینڈلوم برانڈ(آئی ایچ بی) ، ہینڈلوم مارک(ایچ ایل ایم) اور دیگر اقدامات کے ذریعے عوامی تشہیر اور برانڈ کی ترقی کی جاتی ہے۔
• خام مال کی فراہمی اسکیم(آر ایم ایس ایس) ملک بھر میں ہینڈلوم بُنائی کرنے والوں کو دھاگہ فراہم کرنے کے لیے نافذ کی جا رہی ہے۔ اس اسکیم کے تحت تمام اقسام کے دھاگے کے لیے کرایے پر آنے والے اخراجات واپس کیے جاتے ہیں اور روئی کے ہنک دھاگے، گھریلو ریشم، اون اور لینن دھاگے اور قدرتی ریشوں کے مرکب دھاگے پر 15فیصد قیمت سبسڈی فراہم کی جاتی ہے۔

اسی طرح ہنڈی کرافٹس کے شعبے کے لیے دفترِ ترقیاتی کمشنر (ہنڈی کرافٹس) دو اسکیمیں نافذ کرتا ہے جن کا نام قومی ہنڈی کرافٹس ترقیاتی پروگرام (این ایچ ڈی پی) اور جامع ہنڈی کرافٹس کلسٹر ترقیاتی اسکیم (سی ایچ سی ڈی ایس)ہے، جو ملک بھر میں ہنڈی کرافٹس کے شعبے کی مجموعی ترقی اور فروغ کے لیے ہیں۔ ان اسکیموں کے تحت، دستکاروں کو مارکیٹنگ ایونٹس، مہارت کی ترقی، کلسٹر کی ترقی، پروڈیوسر کمپنیوں کا قیام، دستکاروں کو براہ راست فائدہ، بنیادی ڈھانچہ اور ٹیکنالوجی کی حمایت، تحقیق اور ترقی میں مدد، ڈیجیٹلائزیشن، برانڈنگ اور ہنڈی کرافٹس مصنوعات کی ملکی و بین الاقوامی منڈیوں میں مارکیٹنگ وغیرہ کے ذریعے مکمل معاونت فراہم کی جاتی ہے۔ ان اقدامات سے راجستھان سمیت ملک بھر میں روایتی دستکاریوں اور دستکاروں کو فائدہ پہنچتا ہے۔

یہ معلومات آج لوک سبھا میں ایک سوال کے تحریری جواب میں وزارتِ ٹیکسٹائل کے وزیر مملکت،  جناب ربّتر مارگریٹا نے فراہم کیں۔

 

************

U.No:9321

ش ح۔م م ۔ ص ج

(Release ID: 2117698) Visitor Counter : 28