ٹیکسٹائل کے وزیر مملکت جناب پبترا مارگریٹا نے راجیہ سبھا میں آج ایک سوال کے تحریری جواب میں بتایا کہ حکومت ہند، ٹیکسٹائل کی وزارت ڈیولپمنٹ کمشنر (ہینڈلوم) کے دفتر کے ذریعے میگا کلسٹر ڈیولپمنٹ پروگرام نافذ کر رہی ہے ، جو پورے ملک میں (ریاست آندھرا پردیش سمیت) نیشنل ہینڈلوم ڈیولپمنٹ پروگرام (این ایچ ڈی پی) کا ایک جزو ہے ۔ میگا کلسٹر ڈیولپمنٹ پروگرام کے تحت اپ گریڈ شدہ لومز اور لوازمات ، سولر لائٹنگ یونٹس ، ورک شیڈز ، ڈیزائن اور مصنوعات کی ترقی ، مارکیٹنگ سپورٹ ، ویلیو ایڈیشن سینٹر (گارمنٹنگ/اپیرل یونٹ) ریلنگ ، پروسیسنگ ، پرنٹنگ یونٹس وغیرہ جیسے مشترکہ بنیادی ڈھانچے کے قیام جیسے مختلف اقدامات کے لیے مکمل تجاویز کے حصول پر فی میگا ہینڈلوم کلسٹر 30.00 کروڑ روپے (جی او آئی شیئر) تک کی ضرورت پر مبنی مالی مدد فراہم کی جاتی ہے ۔

میگا کلسٹر ڈیولپمنٹ پروگرام کے لیے کوئی علیحدہ بجٹ مختص نہیں ہے تاہم مالی سال 23-2022سے 25-2024 کے دوران میگا ہینڈلوم کلسٹرز کے قیام کے لیے  3,029.327 لاکھ روپے کی مالی امداد فراہم کی گئی ہے ۔

مالی سال 23-2022اور 24-2023کے دوران ریاست آندھرا پردیش کے پرکاسم اور گنٹور اضلاع میں شناخت شدہ میگا ہینڈلوم کلسٹر کو کوئی مالی مدد فراہم نہیں کی گئی ہے ۔

*******

 (ش  ح۔  ع ح۔ اش  ق)

UR-9233