پردھان منتری بھارتیہ جنوشدھی پریوجنا اسکیم کے بارے میں بیداری پھیلانے کے لیے، فارماسیوٹیکل اینڈ میڈیکل ڈیوائسز بیورو آف انڈیا، پردھان منتری بھارتیہ جنوشدھی پریوجنا کی اسکیم کو نافذ کرنے والی ایجنسی، باقاعدگی سے کئی سرگرمیاں کرتی ہے، جن میں درج ذیل شامل ہیں:

مختلف طریقوں میں اشتہارات کا اجراء، جیسے کہ پرنٹ میڈیا، ریڈیو، ٹی وی، موبائل ایپلیکیشن، سنیما، ہورڈنگز، بس کی قطاروں کے شیلٹرز اور بسوں کی برانڈنگ، کامن سروس سینٹرز میں آٹو ریپنگ اور ٹی وی اسکرین؛

سوشل میڈیا پلیٹ فارمز، جیسے فیس بک، ایکس، انسٹاگرام اور یوٹیوب کے ذریعے رسائی۔ اورہر سال 7 مارچ کو جن اوشدھی دیوس کا جشن منایا جاتا ہے۔

پردھان منتری بھارتیہ جن اوشدھی پریوجنا اسکیم کے تحت، معیاری جنرک ادویات 15,000 سے زیادہ جن اوشدھی کیندروں کے نیٹ ورک کے ذریعے زیادہ سے زیادہ خوردہ قیمتوں (ایم آر پی ایز ) پر دستیاب کرائی جا رہی ہیں جو کہ مارکیٹ میں معروف برانڈڈ ادویات کی ایم آر پی ایز  سے تقریباً 50فیصد  سے 80فیصد  کم ہیں۔ اوسطاً، 10 سے 12 لاکھ افراد روزانہ جن اوشدھی کیندروں کا دورہ کرتے ہیں اور سستی قیمتوں پر معیاری ادویات حاصل کرتے ہیں۔ پچھلے 10 سالوں میں، ایم آر پی  کی شرائط میں ₹6,975 کروڑ کی ادویات جے اے کے ایس کے ذریعے فروخت کی گئی ہیں، جس کے نتیجے میں برانڈڈ ادویات کی قیمتوں کے مقابلے میں شہریوں کو تقریباً 30,000 کروڑ کی بچت ہوئی ہے۔

فی الحال، ملک میں ادویات کی قیمتوں کو نیشنل فارماسیوٹیکل پرائسنگ پالیسی، 2012 (این پی پی پی ، 2012) میں وضع کردہ اصولوں کے مطابق ریگولیٹ کیا جاتا ہے جو کہ ڈرگ (پرائسز کنٹرول) آرڈر، 2013 (ڈی پی سی او ، 2013) کے ذریعے چلائی جاتی ہے۔ نیشنل فارماسیوٹیکل پرائسنگ اتھارٹی (این پی پی اے ) فارماسیوٹیکل ڈیپارٹمنٹ کے ذریعہ ڈی پی سی او ، 2013 کے شیڈول-1 کے طور پر مطلع کردہ شیڈول ادویات کی قیمتوں کی حد مقرر کرتی ہے۔ صحت اور خاندانی بہبود کی وزارت کے ذریعہ شائع کردہ ضروری ادویات کی قومی فہرست (این ایل ای ایم ) کو ڈی پی سی او  کے شیڈول-1 کے طور پر شامل کیا گیا ہے۔ فی الحال، این ایل ای ایم ، 2022 کو ڈی پی سی او ، 2013 کے شیڈول-I کے طور پر 11.11.2022 کی اطلاع کے ذریعے مطلع کیا گیا ہے۔

این پی پی اے طے شدہ ادویات کی قیمتوں کی حد مقرر کرتا ہے، یعنی مذکورہ شیڈول میں متعین ادویات۔ این پی پی اے  کی طرف سے مقرر کردہ قیمتیں مخصوص فارمولیشنز بیچنے والے تمام مینوفیکچررز/مارکیٹرز پر لاگو ہوتی ہیں، چاہے وہ عام ہوں یا برانڈڈ۔ طے شدہ ادویات (برانڈڈ یا جنرک) کے مینوفیکچررز،مارکیٹرز کو این پی پی اے اور لاگو جی ایس ٹی اور ڈبلیو پی آئی کی بنیاد پر سالانہ نظرثانی کے ذریعے مقرر کردہ قیمت کی حد کے اندر فروخت کرنے کی ضرورت ہے۔

این ایل ای ایم ، 2022 کے تحت قیمتوں کے از سر نو تعین کی وجہ سے اوسط قیمت میں کمی تقریباً 17% ہے، جس سے مریضوں کو تقریباً 3,788 کروڑ کی سالانہ بچت ہوتی ہے۔

این پی پی اے  نئی ادویات کی خوردہ قیمتیں بھی طے کرتا ہے جیسا کہ ڈی پی سی او ، 2013 میں طے شدہ فارمولیشن کے موجودہ مینوفیکچررز کے لیے بیان کیا گیا ہے۔ ڈی پی سی او ، 2013 کے تحت 13.2.2025 تک 3,100 سے زیادہ نئی ادویات کی خوردہ قیمت مقرر کی گئی ہے۔

غیر طے شدہ فارمولیشنز (برانڈڈ یا عام) کے لیے، مینوفیکچررز اس طرح کی فارمولیشنز کی زیادہ سے زیادہ خوردہ قیمت میں 10% سالانہ سے زیادہ اضافہ نہیں کر سکتے۔ اس کے علاوہ، این پی پی اے  نے عوامی مفاد میں دوائیوں کی قیمتیں درج ذیل مقرر کی ہیں:

2014 میں، این پی پی اے  نے 106 غیر طے شدہ اینٹی ذیابیطس اور قلبی علاج کی ادویات کی ایم آر پی  کی حد بندی کی، جس کے نتیجے میں مریضوں کو تقریباً ₹350 کروڑ کی سالانہ بچت ہوئی۔

42 منتخب اینٹی کینسر دوائیوں کی غیر طے شدہ فارمولیشنوں کے تجارتی مارجن کو ٹریڈ مارجن ریشنلائزیشن اپروچ کے تحت محدود کیا گیا، جس میں تقریباً 500 برانڈز کی ادویات کی قیمتوں میں اوسطاً 50فیصد  کی کمی کی گئی، جس کے نتیجے میں مریضوں کو تقریباً 984 کروڑ روپے کی سالانہ بچت ہوئی۔

فروری 2017 میں، کورونری اسٹینٹ کی قیمتیں مقرر کی گئیں، جس کے نتیجے میں مریضوں کو تقریباً 11,600 کروڑ روپے کی سالانہ بچت ہوئی۔

اگست 2017 میں، آرتھوپیڈک گھٹنے کے امپلانٹس کی زیادہ سے زیادہ قیمتیں طے کی گئیں، جس کے نتیجے میں مریضوں کو تقریباً 1,500 کروڑ کی سالانہ بچت ہوئی۔

جون،جولائی 2021 میں، آکسیجن کنسنٹریٹرز، پلس آکسیمیٹر، بلڈ پریشر مانیٹرنگ مشین، نیبولائزر، ڈیجیٹل تھرمامیٹر اور گلوکوومیٹر کے تجارتی مارجن کو بھی محدود کر دیا گیا، جس کے نتیجے میں صارفین کو تقریباً 1,000 کروڑ روپے کی سالانہ بچت ہوئی۔

یہ معلومات کیمیکل اور کھاد کی مرکزی وزیر مملکت محترمہ انوپریہ پٹیل نے آج لوک سبھا میں ایک سوال کے تحریری جواب میں فراہم کی ۔

*****

ش ح ۔ ال

U-9145

 

(Release ID: 2116388) Visitor Counter : 23