مرکزی کابینہ نے 25 نومبر 2024 کو نیشنل مشن آن نیچرل فارمنگ (این ایم این ایف) کو 15ویں مالیاتی کمیشن کی مدت تک ملک بھر میں 1 کروڑ کسانوں کو قدرتی کاشتکاری (این ایف ) کو اپنانے کی ترغیب دینے کے لیے ایک مرکزی اسپانسر شدہ اسکیم کے طور پر منظوری دی ہے۔ اسکیم کا کل خرچ 2481.00 کروڑ ہے (مرکز میں: ریاست کا حصہ - پہاڑی اور شمال مشرقی ریاستوں کے لیے 90:10 اور دیگر تمام ریاستوں کے لیے 60:40)۔ اسکیم کے رہنما خطوط 26 دسمبر 2024 کو جاری کیے گئے تھے اور آج تک 33 ریاستوں/ مرکز کے زیر انتظام علاقوں (یو ٹی) کے سالانہ ایکشن پلان (اے اے پی) کو منظوری دی گئی ہے۔ اسکیم کی منظوری کے بعد سے، مالی سال 2024-25 میں، منظور شدہ ایکشن پلان  کے مطابق مختلف ریاستوں/مرکز کے زیر انتظام علاقوں کو 177.78 لاکھ روپے جاری کیے گئے ہیں۔

این ایم این ایف اسکیم کے تحت، قدرتی کھیتی کے مراکز (سی او این ایف ) میں ٹریننگ ریاستوں/مرکز کے زیر انتظام علاقوں میں شروع کی گئی ہے۔ مزید برآں، 70,021 کرشی سکھیوں  کو پہلے ہی مٹی کی صحت اور این ایف کے بارے میں تربیت دی جا چکی ہے۔ این ایم این ایف  میں تصور کردہ دیگر تمام سرگرمیاں شروع کی گئی ہیں اور ریاستوں/مرکز کے زیر انتظام علاقوں  میں نفاذ کے مختلف مراحل میں ہیں، ان میں  کاشتکاروں کا اندراج اور این ایف ماڈل ڈیموسٹریشن فارمز کی ترقی، شامل ہیں۔

یہ معلومات زراعت اور کاشتکاروں کی بہبود کے وزیر مملکت جناب رام ناتھ ٹھاکر نے آج راجیہ سبھا میں ایک تحریری جواب میں دی۔

**********

 (ش ح –ا ب ن)

U.No:9147

(Release ID: 2116319) Visitor Counter : 25