உணவுப்பதப்படுத்தும் துறையின் ஒட்டுமொத்த வளர்ச்சியை ஊக்குவிப்பதற்கும், உறுதி செய்வதற்கும், உணவு பதப்படுத்தும் தொழில்கள் அமைச்சகம் அதன் மத்திய துறை திட்டங்களான பிரதமரின் விவசாயிகள் செல்வவள மேம்பாட்டுத் திட்டம், உணவுப் பதப்படுத்தும் தொழிலுக்கான உற்பத்தியுடன் இணைந்த ஊக்கத் திட்டம், குறு உணவு பதப்படுத்தும் நிறுவனங்களை முறைப்படுத்துவதற்கான பிரதமரின் திட்டம் ஆகியவற்றின் மூலம் உள்கட்டமைப்புகளை மேம்படுத்தி வருகிறது. இத்திட்டங்கள் பிராந்தியம் அல்லது மாநிலம் சார்ந்தவை அல்ல. இவை தேவைக்கேற்ப செயல்படுத்தப்படுகின்றன.

பிரதமரின் விவசாயிகள் சொத்து மேம்பாட்டுத்  திட்டத்தின் கீழ், 15-வது நிதி ஆணையத்தின் காலத்தில் ரூ. 5520 கோடி மொத்த முதலீட்டில் உணவுப் பதப்படுத்தும் தொழில்களை அமைப்பதற்கு தொழில்முனைவோருக்கு கடனுடன் இணைந்த மூலதன மானியம் வழங்கப்படுகிறது.

பிரதமரின் நுண் உணவு பதப்படுத்தும் தொழில்கள்  திட்டமானது ரூ.10,000 கோடி மதிப்பீட்டில் 2025-26 வரை நடைமுறையில் இருக்கும்.

உணவு பதனப்படுத்தல் தொழில்களில் உற்பத்தியுடன் இணைந்த ஊக்கத் தொகைத் திட்டம். சர்வதேச சந்தையில் சிறந்த உலக உணவு உற்பத்தியாளர்களை உருவாக்கவும், இந்தியத் தயாரிப்பு உணவுப் பொருட்களை ஆதரிப்பதையும் நோக்கமாகக் கொண்டுள்ளது. இத்திட்டம் 2021-22 முதல் 2026-27 வரை ரூ.10,900 கோடி மதிப்பீட்டில் செயல்படுத்தப்படுகிறது.

மக்களவையில் கேள்வி ஒன்றுக்கு எழுத்து மூலம் அளித்த பதிலில்  உணவு பதப்படுத்தும் தொழல்கள் துறை இணையமைச்சர் திரு ரவ்னீத் சிங்  இத்தகவலைத் தெரிவித்தார்.

*****

TS/PLM/KPG/DL

(Release ID: 2115926) Visitor Counter : 40