جل شکتی کے وزیر مملکت  جناب وی سومننا نے آج لوک سبھا میں ایک سوال کے تحریری جواب میں بتایا کہ حکومت ہند ملک کے تمام دیہی گھرانوں کو مناسب مقدار میں، مقررہ معیار کی اور مستقل اور طویل مدتی بنیادوں پر محفوظ اور پینے کے قابل نل کے پانی کی فراہمی کے لیے پرعزم ہے۔ اس مقصد کے لیے، حکومت ہند نے جل جیون مشن (جے جے ایم) کا آغاز کیا، جسے  اگست 2019 سے اتر پردیش سمیت  دیگر ریاستوں کے ساتھ شراکت میں لاگو کیا جا رہا ہے۔ حکومت ہند ریاستوں کو تکنیکی اور مالی مدد فراہم کرکے مدد کرتی ہے۔

دیہی گھرانوں تک نل کے پانی تک رسائی کو بڑھانے کی سمت میں جل جیون مشن کے آغاز کے بعد سے ملک میں نمایاں پیش رفت ہوئی ہے۔ اگست 2019 میں جل جیون مشن کے آغاز پر، صرف 3.23 کروڑ (16.71فیصد) دیہی گھرانوں کے پاس نل کے پانی کے کنکشن ہونے کی اطلاع تھی۔ اب تک، جیسا کہ 25مارچ 2025 تک ریاستوں/مرکز کے زیر انتظام علاقوں کے ذریعہ اطلاع دی گئی ہے، تقریباً 12.31 کروڑ اضافی دیہی گھرانوں کو نل کے پانی کے کنکشن فراہم کیے گئے ہیں۔ اس طرح، 25 مارچ 2025 تک، ملک کے 19.36 کروڑ دیہی گھرانوں میں سے، تقریباً 15.54 کروڑ (80.29فیصد) گھرانوں کو اپنے گھروں میں نل کے پانی کی فراہمی کی اطلاع ہے۔

اتر پردیش میں ’ہر گھر جل‘ اسکیم کے تحت دیہاتوں میں فراہم کردہ نل کنکشن اور گھرانوں کی تفصیلات، ضلع وار اور سال وار جے ایم ایم - آئی ایم آئی ایس ڈیش بورڈ پرhttps://ejalshakti.gov.in/jjmreport/JJMIndia.aspx پر دستیاب ہیں۔

امرُت کے تحت، اتر پردیش میں  4,267.71 کروڑ  روپے کی مالیت کے 170 واٹر سپلائی پروجیکٹ شروع کیے گئے ہیں جن میں سے 4,145.62 کروڑ روپے  کے کام فزیکل طور پر مکمل ہو چکے ہیں۔ امرُت اینڈ کنورجینس کے تحت 9.29 لاکھ پانی کے نل کے کنکشن (نئے/سروس شدہ) فراہم کیے گئے ہیں۔

اس کے علاوہ، بلیا ضلع میں 1,876 پانی کے نل کے کنکشن (نئے/سروس شدہ) اور مؤ ضلع میں 7,943 پانی کے نل کے کنکشن (نئے/سروس شدہ) امرُت اینڈ کنورجینس کے تحت فراہم کیے گئے ہیں۔

اتر پردیش کے مذکورہ اضلاع میں مذکورہ اسکیم کے تحت نل کے کنکشن فراہم کیے جانے والے باقی گھرانوں کی تفصیلات درج ذیل ہیں:

 (حوالہ- جے ایم ایم -آئی ایم آئی ایس ڈیش بورڈ)

 

 

مزید، امرُت 2.0 کے تحت اب تک بلیا ضلع میں 270.02 کروڑ روپے کے 5 واٹر سپلائی پروجیکٹ اور مؤ ضلع میں  377.88 کروڑ روپے کے 4 واٹر سپلائی پروجیکٹوں کو مکانات کی تعمیر اور شہری ہاوسنگ کی وزارت نے منظوری دی ہے۔ منظور شدہ پروجیکٹ بلیا ضلع میں 63,806 نئے/سروس نل کنکشن اور ماؤ ضلع میں 92,303 نئے/سروس نل کنکشن کا احاطہ کرتے ہیں۔

جیسا کہ ریاست اتر پردیش کی طرف سے اطلاع دی گئی ہے، مؤ اور بلیا اضلاع کے باقی گھرانوں کو جے جے ایم  کی توسیعی ٹائم لائن (دسمبر-2026) کے تحت احاطہ کیا جائے گا۔

جیسا کہ ریاست اتر پردیش کی اطلاع ہے، 20 مارچ 2025 تک مؤ ضلع میں 7497 کلومیٹر پائپ لائن بچھائی گئی ہے۔ ریاستی حکومت کی طرف سے یہ بھی بتایا گیا ہے کہ کام کے دوران 2142 کلومیٹر مختلف قسم کی سڑکوں کو توڑ دیا گیا تھا۔ جس میں سے 2106 کلومیٹر پہلے ہی بحال ہو چکا ہے۔ اس کے علاوہ بلیا ضلع میں 20 مارچ 2025 تک 7750 کلومیٹر پائپ لائن بچھائی گئی ہے۔ ریاستی حکومت کی طرف سے بتایا گیا ہے کہ کام کے دوران 2198 کلومیٹر مختلف قسم کی سڑکوں کو توڑ دیا گیا تھا۔ جن میں سے 2077 کلومیٹر پہلے ہی بحال ہو چکے ہیں۔

۔۔۔۔۔۔۔۔۔۔۔

ش ح۔ع و۔ن  م۔

U-9050

                          

(Release ID: 2115820) Visitor Counter : 28