مرکزی حکومت نے  آف شور ایریا منرلز (ڈیولپمنٹ اینڈ ریگولیشن) ایکٹ ، 2002 کے مطابق، جامع لائسنس یعنی   ایکسپلوریشن لائسنس-کم-پروڈکشن لیز کی منظوری کے لئے 28.11.2024 کو 13 آف شور بلاکس کی نیلامی کی پہلی قسط کا آغاز کیا ہے ۔

آف شور علاقوں میں مذکورہ بالا بلاکس کو نوٹیفائی کرنے سے پہلے ، مرکزی حکومت نے متعدد اہم وزارتوں سے مشورہ کیا تھا ، جس میں وزارت ماحولیات ، جنگلات اور موسمیاتی تبدیلی کی وزارت (ایم او ای ایف سی سی) اور ماہی گیری ، مویشی پروری اور ڈیری کی وزارت کے تحت محکمہ ماہی گیری شامل ہیں ، جیسا کہ آف شور ایریا آپریٹنگ رائٹ رولز (او اے او آر آر) 2024 کے رول 5 کے تحت  لازمی کیا گیا ہے ۔

اس کے علاوہ نیلامی (یا ٹینڈر) کے عمل میں منتخب کردہ ترجیحی بولی لگانے والا ، ایکٹ اور اس کے تحت بنائے گئے قواعد کے تحت مختلف شرائط کی تکمیل کے  ساتھ  جامع لائسنس دینے کا حقدار بن جاتا ہے ۔ آف شور ایریا منرل (نیلامی) رولز ، 2024 کی دفعات کے مطابق ،  آپریٹنگ رائٹ یعنی (ایکسپلوریشن لائسنس ، پروڈکشن لیز وغیرہ ) بولی دہندگان کو تمام ضروری رضامندیاں، منظوریوں، پرمٹس، نو آبجکشن سرٹیفکیٹ  اور دیگر مطلوبہ دستاویزات حاصل کرنی ہوتی ہیں جو قابل اطلاق قوانین کے تحت تلاش یا پیداوار کی سرگرمیاں شروع کرنے کے لیے درکار ہوتی ہیں۔ ایکسپلوریشن پلان اور پروڈکشن پلان کی منظوری کچھ ضروری کلیرنسز میں شامل ہیں۔ اس طرح، نیلامی صرف پہلا قدم ہے، اور پسندیدہ بولی دہندہ تلاش یا پیداوار کا آغاز اس وقت تک نہیں کر سکتا جب تک کہ ضروری کلیرنسز اور لائسنس یا لیز حاصل نہ کر لی جائے، جیسا کہ معاملہ طے پارہا ہو۔

ایکٹ اور اس کے تحت بنائے گئے قواعد میں ماحولیاتی تحفظ، حیاتیاتی تنوع اور ماہی گیروں کے مفادات کے تحفظ کے لیے مناسب انتظامات کیے گئے ہیں۔ آف شور ایریاز منرل کنزرویشن اینڈ ڈویلپمنٹ رولز، 2024 کے مطابق، پیداوار کی سرگرمیاں صرف پیداوار کے منصوبے کے مطابق ہی کی جا سکتی ہیں۔ پیداوار کے منصوبے میں، اس کے علاوہ، ماحولیات کے انتظام کے منصوبے کا ذکر ہوتا ہے جس میں بیسلائن معلومات، ماحولیاتی اثرات کے تجزیے (ای آئی اے) اور تخفیفی تدابیر شامل ہیں۔ ایکٹ اور قواعد کے تحت ایسے جامع انتظامات موجود ہیں جن کے ذریعے پیداوار شروع کرنے سے پہلے  ماحولیاتی اثرات کا تجزیہ ( ای آئی اے )کیا جائے تاکہ ماحول، حیاتیاتی تنوع اور مچھلی پکڑنے والی کمیونٹی کے مفادات کا تحفظ کیا جا سکے۔ پیداوار لیز کے اجرا سے پہلے پیداوار کے منصوبے کی منظوری ضروری ہے۔

معدنی بلاک کی نیلامی کی صورت میں، چاہے وہ آن شور ہو یا آف شور، ای آئی اے (ماحولیاتی اثرات کا تجزیہ) صرف منصوبے کے مجوزہ (پسندیدہ بولی دہندہ) کے ذریعے ماحولیاتی تحفظ کے ایکٹ، 1986 کے تحت کیا جاتا ہے، کیونکہ ای آئی اے اور تخفیفی تدابیر مختلف عوامل پر منحصر ہوتی ہیں، جیسے کہ تجویز کردہ کان کنی کے طریقہ کار، بلاک میں جغرافیہ اور معدنیات کی موجودگی، بلاک میں مشینری اور انفراسٹرکچر کی تجویز وغیرہ۔ اسی طرح کی دفعات آف شور ایریا (ڈویلپمنٹ اینڈ ریگولیشن) ایکٹ، 2002 اور اس کے تحت بنائے گئے قواعد میں بھی فراہم کی گئی ہیں۔ منصوبہ سازوں کی جانب سے ای آئی اے کے دوران کسی بھی چالاکی یا ہیرا پھیری کے خلاف مناسب تحفظات موجود ہیں۔

مذکورہ بالا ضابطے کے پیش نظر ، کان کنی کے ٹینڈر کے عمل کا جائزہ لینے کی ضرورت نہیں ہے ۔

یہ معلومات کوئلے اور کانوں کے مرکزی وزیر جناب جی کشن ریڈی نے آج لوک سبھا میں ایک تحریری جواب میں دی ۔

********

ش ح۔م م ع  ۔ ص ج

U-9023

(Release ID: 2115687) Visitor Counter : 11