ಭಾರತ ಸರ್ಕಾರದ ಫಾರ್ಮಾಸ್ಯುಟಿಕಲ್ಸ್ ಇಲಾಖೆಯು ಮಾರ್ಚ್ 25, 2025 ರಂದು ಬೆಂಗಳೂರಿನಲ್ಲಿ ಫಾರ್ಮಾ-ಮೆಡ್‌ ಟೆಕ್ ವಲಯದಲ್ಲಿ ಸಂಶೋಧನೆ ಮತ್ತು ನಾವೀನ್ಯತೆ ಉತ್ತೇಜನಾ ಯೋಜನೆಯನ್ನು ಕುರಿತು ಉದ್ಯಮ ಸಂವಾದವನ್ನು ಆಯೋಜಿಸಿತ್ತು. ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್), ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿ ಮಂಡಳಿ (ಸಿ ಎಸ್‌ ಐ ಆರ್‌) ಮತ್ತು ಸಿ-ಸಿಎಎಂಪಿ (ಸೆಲ್ಯುಲಾರ್ ಮತ್ತು ಆಣ್ವಿಕ ವೇದಿಕೆಗಳ ಕೇಂದ್ರ) ದಂತಹ ನಾವೀನ್ಯತೆ ಕೇಂದ್ರಗಳ ಪ್ರತಿನಿಧಿಗಳು ಸೇರಿದಂತೆ ಉದ್ಯಮ, ನವೋದ್ಯಮಗಳು ಮತ್ತು ಸಂಶೋಧನಾ ಸಂಸ್ಥೆಗಳ ಪ್ರತಿನಿಧಿಗಳು ಸಹಯೋಗವನ್ನು ಬೆಳೆಸುವ ಗುರಿಯನ್ನು ಹೊಂದಿರುವ ಚರ್ಚೆಗಳಲ್ಲಿ ತೊಡಗಿಸಿಕೊಳ್ಳಲು ಮತ್ತು ಔಷಧೀಯ ಮತ್ತು ಮೆಡ್‌ ಟೆಕ್ ವಲಯಗಳಲ್ಲಿ ಸಂಶೋಧನೆ ಮತ್ತು ಅಭಿವೃದ್ಧಿಯನ್ನು (ಆರ್‌ & ಡಿ) ವೇಗಗೊಳಿಸಲು ಸರ್ಕಾರಿ ಉಪಕ್ರಮಗಳನ್ನು ಬಳಸಿಕೊಳ್ಳಲು ಈ ಕಾರ್ಯಕ್ರಮವು ಮಹತ್ವದ ವೇದಿಕೆಯಾಗಿ ಕಾರ್ಯನಿರ್ವಹಿಸಿತು.

ಅಧಿವೇಶನವು ಪಿ ಆರ್‌ ಐ ಪಿ ಯೋಜನೆ ಮತ್ತು ಈ ವಲಯದಲ್ಲಿ ಸಂಶೋಧನಾ ನಾವೀನ್ಯತೆಯನ್ನು ಉತ್ತೇಜಿಸುವ ಮತ್ತು ಸಕ್ರಿಯಗೊಳಿಸುವ ಇತರ ಸರ್ಕಾರಿ ಉಪಕ್ರಮಗಳ ಕುರಿತು ವಿವರವಾದ ಮಾಹಿತಿಯನ್ನು ಒದಗಿಸಿತು. ಪೇಟೆಂಟ್ ಸಲ್ಲಿಕೆಗೆ ಬೆಂಬಲ, ನಾವೀನ್ಯತೆ ಪ್ರಯಾಣವನ್ನು ಸುಗಮಗೊಳಿಸುವುದು, ಕ್ಲಿನಿಕಲ್ ಪ್ರಯೋಗಗಳು ಮತ್ತು ಆರ್ & ಡಿ ಫಲಿತಾಂಶಗಳ ವಾಣಿಜ್ಯೀಕರಣಕ್ಕೆ ಒತ್ತು ನೀಡುವ ಮೂಲಕ ಐಸಿಎಂಆರ್‌ ನ ಪೇಟೆಂಟ್ ಮಿತ್ರ, ಮೆಡ್‌ ಟೆಕ್ ಮಿತ್ರ ಮತ್ತು ಇಂಡಿಯನ್ ಕ್ಲಿನಿಕಲ್ ಟ್ರಯಲ್ಸ್ ಮತ್ತು ಎಜುಕೇಶನ್ ನೆಟ್‌ವರ್ಕ್ (ಇಂಟೆಂಟ್) ಕಾರ್ಯಕ್ರಮಗಳಂತಹ ಗಮನಾರ್ಹ ಉಪಕ್ರಮಗಳ ಬಗ್ಗೆ ಚರ್ಚಿಸಲಾಯಿತು, ಸಿ ಎಸ್‌ ಐ ಆರ್‌ ನ ಇನ್ನೋವೇಶನ್ ಕಾಂಪ್ಲೆಕ್ಸ್ ಮತ್ತು ಸಿ-ಸಿಎಎಂಪಿ ಯ ಇನ್ಕ್ಯುಬೇಶನ್ ಸೌಲಭ್ಯಗಳನ್ನು ಅನುವಾದ ಸಂಶೋಧನೆ ಮತ್ತು ಉದ್ಯಮದ ಸಹಯೋಗಕ್ಕಾಗಿ ಪ್ರಮುಖ ಸಕ್ರಿಯಗೊಳಿಸುವ ಅಂಶಗಳಾಗಿ ಎತ್ತಿ ತೋರಿಸಲಾಯಿತು.

ಜಾಗತಿಕ ಪೂರೈಕೆ ಸರಪಳಿಗಳ ಸ್ಥಿತಿಸ್ಥಾಪಕತ್ವವನ್ನು ಹೆಚ್ಚಿಸುವಲ್ಲಿ ಭಾರತದ ತುಲನಾತ್ಮಕ ಪ್ರಯೋಜನವನ್ನು ಫಾರ್ಮಾಸ್ಯುಟಿಕಲ್ಸ್ ಇಲಾಖೆ ಕಾರ್ಯದರ್ಶಿ ಶ್ರೀ ಅಮಿತ್ ಅಗರ್ವಾಲ್ ಒತ್ತಿ ಹೇಳಿದರು, ಈ ಗುರಿಯನ್ನು ಪಿ ಆರ್‌ ಐ ಪಿ ಯೋಜನೆಯು ಮತ್ತಷ್ಟು ಬೆಂಬಲಿಸುತ್ತದೆ ಎಂದುಅ ವರು ಹೇಳಿದರು. ದೇಶವನ್ನು ವಿಶ್ವಕ್ಕೆ ನಾವೀನ್ಯತೆ ಮತ್ತು ಉತ್ಪಾದನೆಯಲ್ಲಿ ಜಾಗತಿಕ ನಾಯಕನನ್ನಾಗಿ ಮಾಡುವ ಗುರಿಯೊಂದಿಗೆ "ಮೇಕ್ ಇನ್ ಇಂಡಿಯಾ", ಇನ್ನೋವೇಟ್ ಇನ್ ಇಂಡಿಯಾ ಮತ್ತು ಮೇಕ್ ಫಾರ್ ದಿ ವರ್ಲ್ಡ್ ಪ್ರಗತಿಯನ್ನು ಅವರು ಪ್ರತಿಪಾದಿಸಿದರು.

ಇತರ ಅಧಿವೇಶನಗಳಲ್ಲಿ, ನವೋದ್ಯಮಗಳು, ಉದ್ಯಮ, ಶೈಕ್ಷಣಿಕ ಮತ್ತು ಇತರ ಭಾಗೀದಾರರ ಪ್ರತಿನಿಧಿಗಳು ಸಂಶೋಧನೆ ಮತ್ತು ನಾವೀನ್ಯತೆ ಅವಕಾಶಗಳು, ಉದಯೋನ್ಮುಖ ಸಂಶೋಧನೆ ಮತ್ತು ಅಭಿವೃದ್ಧಿ ಪ್ರವೃತ್ತಿಗಳು, ಉದ್ಯಮ-ಶೈಕ್ಷಣಿಕ ಸಹಯೋಗವನ್ನು ಹೆಚ್ಚಿಸುವ ತಂತ್ರಗಳ ಕುರಿತು ಆಳವಾದ ಪ್ರತಿಕ್ರಿಯೆಯನ್ನು ನೀಡಿದರು. ವಲಯದ ಬೆಳವಣಿಗೆಯನ್ನು ಹೆಚ್ಚಿಸಲು ಹಣಕಾಸಿನ ಅವಕಾಶಗಳನ್ನು ಗರಿಷ್ಠಗೊಳಿಸುವುದು ಮತ್ತು ನವೀನ ಸಂಶೋಧನಾ ಉಪಕ್ರಮಗಳನ್ನು ಹೆಚ್ಚಿಸುವ ಬಗ್ಗೆ ಉಪಯುಕ್ತ ಸಲಹೆಗಳನ್ನು ನೀಡಲಾಯಿತು.

ಫಾರ್ಮಾಸ್ಯುಟಿಕಲ್ಸ್ ಇಲಾಖೆಯ ವೆಬ್‌ಸೈಟ್‌ ನಲ್ಲಿ ಏಪ್ರಿಲ್ 7, 2025 ರವರೆಗೆ ತೆರೆದಿರುವ ಆಸಕ್ತಿ ವ್ಯಕ್ತಪಡಿಸುವಿಕೆ (ಇಒಐ) ಮೂಲಕ ತಮ್ಮ ಪ್ರತಿಕ್ರಿಯೆ ಮತ್ತು ಯೋಜನೆಯ ವಿವರಗಳನ್ನು ಸಲ್ಲಿಸಲು ಪಾಲುದಾರರನ್ನು ಪ್ರೋತ್ಸಾಹಿಸಲಾಯಿತು. ಈ ಪ್ರಕ್ರಿಯೆಯು ಪಿ ಆರ್‌ ಐ ಪಿ ಯೋಜನೆಯ ಅನುಷ್ಠಾನ ಕಾರ್ಯತಂತ್ರವನ್ನು ಪರಿಷ್ಕರಿಸಲು ಸಹಾಯ ಮಾಡುತ್ತದೆ, ಇದು ಉದ್ಯಮದ ಅಗತ್ಯಗಳಿಗೆ ಅನುಗುಣವಾಗಿರುತ್ತದೆ ಮತ್ತು ವಲಯದ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.

ಬೆಂಗಳೂರಿನಲ್ಲಿ ನಡೆದ ಉದ್ಯಮ ಸಂವಾದವು ಪ್ರಬುದ್ಧ ಮತ್ತು ಉತ್ಪಾದಕ ಕಾರ್ಯಕ್ರಮವಾಗಿತ್ತು, ಇದರಲ್ಲಿ ಭಾಗವಹಿಸಿದವರು ಫಾರ್ಮಾ-ಮೆಡ್‌ ಟೆಕ್ ವಲಯದಲ್ಲಿ ಸಹಯೋಗದ, ನಾವೀನ್ಯತೆ-ಚಾಲಿತ ಪೂರಕ ವ್ಯವಸ್ಥೆಯನ್ನು ಉತ್ತೇಜಿಸುವ ತಮ್ಮ ಬದ್ಧತೆಯನ್ನು ಪುನರುಚ್ಚರಿಸಿದರು.

 

*****

(Release ID: 2115088) Visitor Counter : 20