2024-25 کے دوران، قومی خوراک سلامتی مشن (این ایف ایس ایم) کا نام بدل کر قومی خوراک سلامتی مشن اور تغذیہ مشن (این ایف ایس این ایم) رکھا گیا ہے اور محکمہ زراعت اور کاشتکاروں کی بہبود (ڈیی اے اینڈ ایف ڈبلیو) ملک میں دالوں، غذائی اناج، چاول، گندم اور دال کی پیداوار بڑھانے کے لیے این ایف ایس  این ایم    کو نافذ کر رہا ہے۔ این ایف ایس این ایم کے تحت، کسانوں کو ریاستوں/مرکز کے زیر انتظام علاقوں کے ذریعے فصل کی پیداوار اور تحفظ کی تکنالوجی ، فصل کے نظام پر مبنی مظاہروں، نئی جاری کردہ اقسام/ہائبرڈز کے تصدیق شدہ بیجوں کی پیداوار اور تقسیم، مربوط غذائی اجزاء اور کیڑوں کے انتظام کی تکنیک، فصل کے موسم کے دوران تربیت کے ذریعے کسانوں کی صلاحیت سازی وغیرہ پر مراعات فراہم کی جاتی ہیں۔

اس کے علاوہ، حکومت ہند ریاستوں کو پردھان منتری-راشٹریہ کرشی وکاس یوجنا (پی ایم- آر کے وی وائی) کے تحت ریاستی مخصوص ضروریات/ ترجیحات کے لیے لچک بھی فراہم کرتی ہے۔ ریاستیں ریاست کے چیف سکریٹری کی سربراہی میں ریاستی سطح کی منظوری کمیٹی (ایس ایل ایس سی) کی منظوری کے ساتھ پی ایم – آر کے وی وائی  کے تحت موٹے اناج اور جوار (شری انا) کو فروغ دے سکتی ہیں۔

یہ اطلاع زراعت اور کاشتکاروں کی فلاح و بہبود کے وزیر مملکت جناب رام ناتھ ٹھاکر  کے ذریعہ آج لوک سبھا میں ایک تحریری جواب کے تحت دی گئی۔

**********

 

(ش ح –ا ب ن)

U.No:8889

(Release ID: 2114961) Visitor Counter : 13