صارفین کے امور، خوراک اور عوامی تقسیم کی وزارت کے تحت صارفین کے امور کے محکمے نے قومی صارفین کے تنازعات کے ازالے کے کمیشن میں اراکین کی دو متوقع آسامیوں کو پُر کرنے کے لیے درخواستیں طلب کی ہیں، جو کہ کنزیومر پروٹیکشن ایکٹ، 2019 کے تحت قائم ایک نیم عدالتی ادارہ ہے۔ کمیشن کا صدر دفتر نئی دہلی میں ہے۔

صارفین کے امور کے محکمے نے صرف آن لائن طورپر ہی درخواست طلب کی ہے۔

امیدوار کی تقرری کے لیےتعلیمی لیاقت، اہلیت، تنخواہ اور دیگر شرائط و ضوابط ٹربیونل ریفارمز ایکٹ اور ٹربیونل (سروس کی شرائط) رولز، 2021 کی دفعات کے تحت ہوں گے۔

مذکورہ اسامیوں پر تقرری کے لیے ناموں کی سفارش کرنے کے لیے ٹریبونل ریفارمز ایکٹ 2021 کے تحت تشکیل دی گئی سرچ-کم-سلیکشن کمیٹی امیدواروں کی اہلیت اور تجربے کو مناسب اہمیت دیتے ہوئے درخواستوں کی جانچ کرے گی اور امیدواروں کو ذاتی بات چیت کے لیے شارٹ لسٹ کرے گی۔ حتمی انتخاب اہلیت، تجربے اور ذاتی تعامل کی بنیاد پر کمیٹی کی طرف سے امیدواروں کی مجموعی تشخیص کی بنیاد پر کیا جائے گا۔

ٹربیونلز ریفارمز ایکٹ، 2021، ٹربیونلز (سروس کی شرائط) رولز، 2021 اور کنزیومر پروٹیکشن (صارفین کے تنازعات کے ازالے کے کمیشن) کے قواعد بھی تیار حوالہ کے لیے وزارت کی ویب سائٹ "www.consumeraffairs.nic.in" پر  بھی اپ لڈو کیے گئے ہیں۔

اہل اور خواہشمند امیدواروں کی درخواستیں 25.03.2025 سے https://jagograhakjago.gov.in/ncdrc کے ذریعے آن لائن طلب کی جاتی ہیں۔ درخواستوں کی وصولی کی آخری تاریخ 23.04.2025 ہے۔ آن لائن جمع کرائی گئی درخواست کی ایک کاپی، جہاں بھی قابل اطلاق ہو، تجویز کردہ دستاویزات کے ساتھ مناسب چینل کے ذریعے انڈر سیکریٹری (سی پی یو)، محکمہ امور صارفین، کمرہ نمبر 466-A، کرشی بھون، نئی دہلی کو 23 اپریل 2025 تک جمع کرائی جاسکتی ہے۔

*******

 (ش  ح۔  م  ح۔ اش  ق)

UR-8839