2019 ஆகஸ்ட் மாதம் முதல், நாட்டில் உள்ள அனைத்து கிராமப்புற வீடுகளுக்கும் தூய்மையான குடிநீர்  குழாய் இணைப்பு வழங்குவதற்காக மாநில அரசுகளுடன் இணைந்து மத்திய அரசு ஜல் ஜீவன் இயக்கத்தை செயல்படுத்தி வருகிறது.

நீர் ஆதாரம் என்பது மாநில அரசின் வரம்பிற்குள் வருவதால்  ஜல் ஜீவன் இயக்கத்தின் கீழ் மேற்கொள்ளப்படும் குடிநீர் வழங்கல் திட்டங்கள் / பணிகளைத் திட்டமிடுதல், ஒப்புதல் வழங்குதல், அவற்றின் அமலாக்கம், பராமரிப்பு  ஆகியவை மாநில / யூனியன் பிரதேச அரசுகளிடம் உள்ளது. மத்திய அரசு, இதற்கென  மாநிலங்களுக்கு தொழில்நுட்பம் மற்றும் நிதியுதவிகளை வழங்கி வருகிறது.

மேலும், நிலத்தடி நீர்த் துறையிடமிருந்து பெறப்பட்ட புள்ளி விவரங்களின் அடிப்படையில் நிலத்தடி நீர்மட்டத்தின் மாறுபாடுகள் மதிப்பீடு செய்யப்பட்டு அதற்கேற்ப நீர் வழங்க திட்டமிடப்பட்டுள்ளது.

மத்திய ஜல்சக்தி அமைச்சகம், ஜல் ஜீவன் இயக்கத்தைச் செயல்படுத்துவதற்கான நீர்வள ஆதாரங்களை மேம்படுத்த நடவடிக்கை மேற்கொண்டு வருகிறது.

மக்களவையில் கேள்வி ஒன்றுக்கு எழுத்து மூலம் அளித்த பதிலில் ஜல்சக்தி துறை இணையமைச்சர் திரு வி. சோமண்ணா இதனைத் தெரிவித்துள்ளார்.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும் https://pib.gov.in/PressReleasePage.aspx?PRID=2114289  

**

TS/SV/KPG/KR