رونیت سنگھ بٹو نے اعلان کیاکہ فوڈ پروسیسنگ انڈسٹریز کی وزارت کے مالی تعاون سے 100 نئی فوڈ ٹیسٹنگ لیبز قائم کی جائیں گی۔

 

بھٹنڈا ، 22 مارچ 2025 - فوڈ سیفٹی اور معیار کو بڑھانے کی کوشش میں ، ریلوے اور فوڈ پروسیسنگ انڈسٹریز کے مرکزی وزیر مملکت روونیت سنگھ بٹو نے اعلان کیا کہ فوڈ پروسیسنگ انڈسٹریز کی وزارت (ایم او ایف پی آئی) مالی سال 26-2025 میں ہندوستان بھر میں 100 نئی این اے بی ایل سے منظور شدہ فوڈ ٹیسٹنگ لیبارٹریوں کے قیام میں مالی تعاون کرے گی ۔

بٹو جنہوں نے مہاراجہ رنجیت سنگھ پنجاب ٹیکنیکل یونیورسٹی میں عالمی معیار کی فوڈ ٹیسٹنگ لیبارٹری کا افتتاح کیا ، نے فوڈ سیفٹی کو یقینی بنانے میں فوڈ ٹیسٹنگ کے اہم کردار پر روشنی ڈالی ۔ انہوں نے کہا کہ اس بات کو یقینی بنانے کے لیے کہ کھانے کی مصنوعات حفاظتی معیارات پر پورا اترتی ہیں اور نقصان دہ آلودگیوں اور پیتھوجینز سے پاک ہیں ، کھانے کی جانچ بہت ضروری ہے ۔

یہ پہل پردھان منتری کسان سمپدا یوجنا (پی ایم کے ایس وائی) کے تحت حکومت کے وسیع تر منصوبے کا حصہ ہے، جس نے 205 لیبارٹری پروجیکٹوں کے لیے 503.47 کروڑ روپے مختص کیے ہیں۔ ان میں سے، 169 پروجیکٹ پہلے ہی مکمل ہو چکے ہیں، جن میں 349.21 کروڑ روپے تقسیم کیے گئے ہیں۔ یہ لیبز فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اےآئی)، ایکسپورٹ انسپیکشن کونسل آف انڈیا (ای آئی سی)، ایگریکلچرل اینڈ پروسیسڈ فوڈ پروڈکٹس ایکسپورٹ ڈیولپمنٹ اتھارٹی (اے پی ی ڈی اے) اور بین الاقوامی ایجنسیوں جیسے یو ایس ایف ڈی اے اورای یو کے ضوابط جیسے بڑے ریگولیٹری اداروں کی ضروریات کو پورا کرنے میں اہم کردار ادا کرتی ہیں۔

کھٹّے پھل، سبز مٹر، پھول گوبھی، گاجر (تازہ اور اسٹور دونوں)، دودھ اور دودھ کی مصنوعات، باسمتی چاول، گندم، باجرہ اور جوار جیسےسرسوں اور سورج مکھی کے تیل کے بیج اور فارم سے تیار کردہ جھینگا جیسے کاشتکار اور پروڈیوسرز ان جدید سہولیات سے مستفید ہوں گے۔ یہ لیبارٹریز عالمی معیارات کی تعمیل کو یقینی بنانے، برآمدات میں معاونت کرنے اور کھانے کی مصنوعات کے مجموعی معیار کو بہتر بنانے میں مدد کرتی ہیں، جو بالآخر کسانوں کے لیے اعلیٰ آمدنی اور روزگار کے مواقع، خاص طور پر ہنر مند تکنیکی عملے کے لیے معاون ثابت ہوتی ہیں۔

بھٹنڈہ میں جس لیبارٹری کا افتتاح کیا گیا ہے وہ جراثیم کش ادویات کی باقیات، بھاری دھاتوں، مائکرو بایولوجیکل آلودگیوں اور مزید کی جانچ کے لیے جدید ٹیکنالوجی جیسے جی سی –ایم ایس/ ایم ایس،آئی سی پی- او ای ایس،ایچ پی ایل سی اور یووی اسپیکٹرو فوٹومیٹر استعمال کرے گی۔  پہلے ہی جاری کیے گئے 253.12 لاکھ روپے اور 191.259 لاکھ روپے کے کل پروجیکٹ مختص کے ساتھ ، یہ سہولت فوڈ پروسیسرز ، کسانوں اور فوڈ بزنس کی خدمت کرے گی تاکہ کھانے کی مصنوعات کی حفاظت اور معیار کو یقینی بنایا جا سکے ۔

پنجاب میں فوڈ پروسیسنگ سیکٹر کی کامیابیوں کی وضاحت کرتے ہوئے، رونیت سنگھ نے کہا کہ وزارت نے کل 553 کروڑ روپے کے 24 کولڈ چین پروجیکٹ، 70 کروڑ روپےکے 3 ایگرو پروسیسنگ کلسٹر پروجیکٹ،  432 کروڑ روپےکی سرمایہ کاری کے ساتھ 16 فوڈ پروسیسنگ یونٹس، اور 10 فوڈ ٹیسٹنگ لیبارٹریوں کو کل 4 کروڑ 8 کروڑ روپے کی منظوری دی ہے۔ پی ایم کے ایس وائی اسکیم کے تحت، پنجاب میں 1557 کروڑروپےکے 61 پروجیکٹوں کو منظوری دی گئی ہے، جس میں 419 کروڑ روپےکی گرانٹ دی گئی ہے۔

مزید برآں ، پنجاب میں 6 فیکٹریوں نے پروڈکشن سے منسلک ترغیبی (پی ایل آئی) اسکیم کے تحت سرمایہ کاری کا عہد کیا ہے ، جس کی کل مالیت 126.31 کروڑ روپے ہے ۔ پنجاب میں 2500 سے زیادہ مائیکرو انٹرپرینیورز کو پردھان منتری فارملائزیشن آف مائیکرو انٹرپرائزز (پی ایم ایف ایم ای) اسکیم کے تحت سبسڈی ملی ہے ، اور سیلف ہیلپ گروپس (ایس ایچ جیز) کے 1,296 اراکین کو 3.99 کروڑ روپے کی سیڈ کیپٹل منظوری ملی ہے ۔ بھٹنڈا اور منسا میں ، شہد اور دودھ پر مبنی مصنوعات کی شناخت ‘‘ون ڈسٹرکٹ ، ون پروڈکٹ’’ پہل کے تحت کلیدی مصنوعات کے طور پر کی گئی ہے ۔

بھٹنڈہ میں142.3 کروڑ  روپےکے 483 قرض دیئے گئے، جبکہ مانسا میں72.15 کروڑ روپے کے 253 قرض دیئے گئے۔ مزید برآں، بھٹنڈہ اور مانسا میں سیلف ہیلپ گروپس کو پی ایم ایف ایم ای اسکیم کے تحت بالترتیب 75 لاکھ روپے اور 18 لاکھ  روپے کی بیج کیپیٹل فنڈنگ ​​ملی۔

رونیت سنگھ نے پی ایم ایف ایم ای سے فائدہ اٹھانے والوں کی طرف سے منعقدہ ایک نمائش کا بھی دورہ کیا، جس میں ان کی مصنوعات کی نمائش کی گئی۔

تقریب میں موجود دیگر معززین میں مہاراجہ رنجیت سنگھ ٹیکنیکل یونیورسٹی کے وائس چانسلر ڈاکٹر سندیپ کنسل، ایس ایچ،ایم او ایف پی آئی کے جوائنٹ سکریٹری، رنجیت سنگھ ، پنجاب ایگرو کے جنرل منیجرجناب رجنیش ٹولی،ایم او ایف پی آئی سے  جناب جتیندر ڈونگرے،کے سی سی آئی سے جناب امت جوشی، ، بی جے پی بھٹنڈہ کے ضلع صدر جناب سروپ چند سنگلا، محترمہ پرمپال کوراور ایس دیال سودھی شامل ہیں۔

 

*******

(ش  ح۔  م  ح۔ اش  ق)

UR-8754

 

(Release ID: 2114323) Visitor Counter : 16