اینٹیگوا اور باربوڈا کے خارجی امور اور تجارت کے وزیر جناب ای۔ پی۔ چیت گرین نے اپنے دورۂ بھارت کے دوران 21 مارچ 2025 کو شرم شکتی بھون میں بھارت کے مرکزی وزیر برائے امور نوجوانان و کھیل اور محنت و روزگار، ڈاکٹر منسکھ مانڈویہ سے ان کے دفتر میں ملاقات کی۔

Met with H.E. E.P. Chet Greene, Minister of Foreign Affairs, Trade, and Barbuda Affairs of Antigua & Barbuda.

Had an engaging and productive discussion on strengthening sports cooperation and fostering deeper collaboration for mutual growth. pic.twitter.com/YXA0Cek71x

— Dr Mansukh Mandaviya (@mansukhmandviya) March 21, 2025

دونوں فریقوں نے ہندوستان اور انٹیگوا اور باربوڈا کے درمیان تاریخی تعلقات کو اجاگر کیا۔ بات چیت میں کرکٹ، فٹ بال، رگبی، باسکٹ بال اور والی بال سمیت مختلف کھیلوں میں تعاون کی راہیں تلاش کی گئیں۔ اینٹیگوا کے وفد نے کثیرالجہتی فورمز پر باہمی تعاون اور شراکت کو بڑھانے میں گہری دلچسپی کا اظہار کیا۔

اس مکالمے میں کھلاڑیوں اور کوچز کے تبادلے کے پروگرام، اسپورٹس سائنس، میڈیسن، مینجمنٹ اور بنیادی ڈھانچے کی ترقی جیسے اہم شعبوں کا بھی احاطہ کیا گیا۔ ہندوستان میں سر ویو رچرڈز کی بے پناہ مقبولیت کو تسلیم کرتے ہوئے، اینٹیگوا  کی طرف سے اپنے ملک میں کرکٹ کی سہولیات کو اپ گریڈ کرنے کے لیے دو طرفہ مدد کی کوشش کی، جس کا مقصد اپنی قومی ٹیم کو مضبوط کرنا تھا۔ مزید برآں، نوجوان ٹیلنٹ کی رہنمائی کے لیے ہندوستان میں کوچنگ اکیڈمیوں میں اینٹیگوا اور باربوڈا کے کرکٹ کے لیجنڈز کو شامل کرنے پر بات چیت کی گئی۔

ایچ ای ای پی چیٹ گرین نے سابقہ ​​تعاون کے لیے وزیر کھیل کا شکریہ ادا کیا اور ویکسین کی مدد کے ذریعے کووڈ-19وبائی مرض کے دوران ہندوستان کی حمایت کا اعتراف کیا۔ انہوں نے عالمی خطہ جنوب، اقتصادی ترقی، صحت کی دیکھ بھال اور ڈیجیٹل اختراع کو آگے بڑھانے میں وزیر اعظم نریندر مودی کی دور اندیش قیادت کی تعریف کی۔

دونوں فریقوں نے کھیلوں میں تعاون اور اشتراک کے ذریعے عوام کے درمیان تعلقات کو بڑھانے پر بھی زور دیا۔

******

ش ح۔ ش ا ر۔ ول

Uno-8724

(Release ID: 2114070)