حکومت ہند کی وزارت داخلہ کی مالی اعانت کے تحت حکومت جموں و کشمیر کے زیر اہتمام ’وطن کو جانو‘  پروگرام کا مقصد حکومت کے زیر انتظام گھروں سے 18 سال سے کم عمر کے بچوں کو ملک کے دیگر حصوں کی ثقافتی، تاریخی اور تکنیکی ترقی سے روشناس کروا کر قومی یکجہتی کو فروغ دینا ہے۔

’وطن کو جانو‘  پروگرام قومی یکجہتی کو فروغ دینے ، ہندوستان کے نوجوانوں میں اتحاد کو فروغ دینے اور ایک زیادہ جامع ، ہم آہنگ معاشرے کی تشکیل میں مدد کرنے میں کامیاب رہا ہے ۔ حکومت جموں و کشمیر مختلف پیشہ ورانہ تربیت اور ہنر مندی کے فروغ کے پروگراموں کو نافذ کر رہی ہے جن میں دو فلیگ شپ پروگرام یعنی مشن یوتھ اور مشن یووا شامل ہیں ۔ ان مشنوں کو خاص طور پر خطے میں نوجوانوں کی مہارتوں کو اجاگر کرنے اور بڑھانے کے لیے لازمی قرار دیا گیا ہے، تاکہ انہیں مختلف شعبوں میں مہارت حاصل کرنے کے لیے ضروری آلات اور مواقع فراہم کیے جا سکیں ۔

مزید برآں ، ’کشمیری یوتھ ایکسچینج پروگرام (کے وائی ای پی)‘ کے تحت بذریعہ نہرو یووا کیندر سنگٹھن (این وائی کے ایس)،جموں و کشمیر کے اسکول کے طلباء/نوجوانوں کے لیے دیگر ریاستوں/مرکز کے زیر انتظام علاقوں کے ساتھ بات چیت، سیمینارز، پینل مباحثے، ہنرمندی کے فروغ، صنعتوں کا دورہ، وادی کشمیر کے نوادرات اور مقامی مصنوعات کی نمائش، فوڈ فیسٹیول، بہترین طور طریقوں، ثقافت اور رسم و رواج کا اشتراک، کیریئر کی رہنمائی، حب الوطنی اور قوم کی تعمیر کے پروگرام، ثقافتی پروگرام وغیرہ کے ذریعے مختلف سرگرمیوں کا انعقاد کیا جا رہا ہے۔

یہ بات وزارت داخلہ کے وزیر مملکت جناب نتیانند رائے نے راجیہ سبھا میں ایک سوال کے تحریری جواب میں بتائی۔

 

******

ش ح۔ م م ۔ م ر

U-NO. 8514

(Release ID: 2112937) Visitor Counter : 27