পি.এম. দিভাইনগী মখাদা সেঙ্কসন তৌখিবা প্রোজেক্তশিং অসি নোর্থ ইস্তর্ন রিজন (NER)গী মরি লৈনবা রাজ্য সরকারশিং/ইমপ্লিমেন্তিং এজেন্সীশিং (IAশিং)না থবক ওইনা পাইখৎলি অমসুং হায়রিবা প্রোজেক্তশিং অসিবু য়েংশিন্নবগী মরু ওইবা থৌদাং অসি মরি লৈনবা রাজ্য সরকারশিং/IAশিংদা মখুত্তা লৈ।

MDoNERনশু পি.এম. দিভাইনগী মখাদা পাইখৎলিবা প্রোজেক্তশিং অদুবু কয়া য়াম্না খুমাং চাউশিল্লবগে হায়বদু য়াম্না কুপ্না তোঙান-তোঙানবা থাকশিংদা য়েংশিল্লি। DoNER/NEC মন্ত্রালয়গী ওফিসিয়েলশিংনা অখন্নবা প্রোজেক্তশিংবু য়াম্না তোইনা য়েংশিল্লি।

ফীল্দ তেক্নিকেল সপোর্ত য়ুনিৎশিং (FTSU)বু মন্ত্রালয়না নোর্থ ইস্তকী রাজ্য ০৮দা থম্মি, মখোয়না প্রোজেক্ত ইমপ্লিমেন্তিং এজেন্সীশিংগা য়াম্না তোইনা ৱারি শানৈ অমসুং MDoNERগী গতি শক্তি পোর্তলদা প্রোজেক্তশিংগী দেতাবেস অদুবু ঙাক্না থম্মি অমসুং অপদেৎ তৌই, অমসুং চত্থরিবা প্রোজেক্তশিং অদুগী ইনস্পেক্সনশু তৌই।

মোনিতরিং মেকানিজমবু হেন্না মপাঙ্গল লৈহন্নবা অমসুং অতোপ্পা কয়া অমগী মনুংদা পি.এম. দিভাইন য়াওনা MDoNERগী স্কীমশিংগী মখাদা পাইখৎলিবা প্রোজেক্তশিংগী ক্বালিতী কন্ত্রোল তৌনবা, প্রোজেক্ত ক্বালিতী মোনিতরশিং/থর্দ পার্তী তেক্নিকেল ইনস্পেক্সন (PQM/TPTI) য়ুনিৎশিংশু মসিদা থবক তৌরি।

পি.এম. দিভাইনগী মখাদা প্রোজেক্তশিং সেঙ্কসন তৌনবগীদমক্তা মমিং লৈরবা ইনস্তিত্যুতশিং খুদম ওইনা IIT, NITনচিংবনা প্রোজেক্ত অমগী DPRবু কুপ্না য়েংশিল্লি অমসুং SLEC অমসুং EIMCনাশু রিকমেন্দ তৌই। মসিনা প্রোজেক্ত অদুগী সস্তেনেবিলিতী প্লান, তার্গেত্তেদ সস্তেনেবল দেবেলপমেন্ত গোলশিং (SDGশিং), তঙাইফদনা মথৌতাবা ক্লিয়রেন্সশিং খুদম ওইনা এনভাইরনমেন্ত অমসুং ফোরেস্ত ক্লিয়রেন্সনচিংবা কয়া অসিবু শোইদনা য়াওহন্নবা য়েংশিল্লি। মসিনা পি.এম. দিভাইনগী মখাদা সেঙ্কসন তৌরিবা প্রোজেক্তশিং অদু সস্তেনেবল অমসুং ইকো-ফ্রেনলী ওইহল্লি।

পি.এম. দিভাইনগী মখাদা সেঙ্কসন তৌখিবা প্রোজেক্তশিং অদুদা এজুকেসন, হেল্থ, তুরিজম, কনেক্তিবিতী অমসুং লাইবলিহুদকা মরি লৈনবশিং য়াওই, মসিনা NERদা থবক ফংহনবদা অমসুং শেনমিৎলোল চাউখৎহনবদা হকথেংননা নত্রগা নকোইননা হেনগৎহল্লি।

মসিগী ই-পাউ অসি দেবেলপমেন্ত ওফ নোর্থ ইস্তর্ন রিজন মন্ত্রালয়গী রাজ্য মন্ত্রী, দা. সুকান্তা মাজুমদারনা ঙসি লোক সভাদা আইবা পাউখুম ওইনা পীখিবনি।

*****