وزیر دفاع جناب راج ناتھ سنگھ نے 18 مارچ 2025 کو نئی دہلی میں نیدرلینڈ کے وزیر دفاع جناب روبن بریکل مینس کے ساتھ ملاقات کی۔ انھوں نے دفاع، سیکورٹی، معلومات کے تبادلے، ہند-بحرالکاہل اور نئی اور ابھرتی ہوئی ٹیکنالوجی جیسے شعبوں میں دو طرفہ تعاون کو بڑھانے پر تبادلہ خیال کیا۔

 

 

دونوں وزرا نے دونوں ممالک کی مہارتوں، ٹیکنالوجی اور پیمانے میں تکمیل کو بہتر بناتے ہوئے جہاز سازی، آلات اور خلائی شعبوں میں تعاون کے امکانات کا جائزہ لیا۔ انھوں نے متعلقہ دفاعی ٹیکنالوجی کے تحقیقی اداروں اور تنظیموں کو جوڑنے کے علاوہ مصنوعی ذہانت اور متعلقہ ٹیکنالوجی جیسے ڈومین میں مل کر کام کرنے پر بھی تبادلہ خیال کیا۔

میٹنگ کے بعد X پر ایک پوسٹ میں، وزیر دفاع نے کہا کہ ہندوستان نیدرلینڈ کے ساتھ اپنی دفاعی شراکت داری کو مزید بڑھانے کے لیے کوشاں ہے۔

 

Delighted to meet the young and dynamic Defence Minister of Netherlands, Mr. Ruben Berkelmans in New Delhi. We reviewed the full range of India-Netherlands defence cooperation.

We look forward to further deepen and elevate our defence partnership. The areas of our discussion… pic.twitter.com/S4x1bXk81n

— Rajnath Singh (@rajnathsingh) March 18, 2025

************

ش ح۔ ف ش ع

U: 8456

 

(Release ID: 2112522) Visitor Counter : 22