ڈائریکٹر جنرل ڈیفنس انٹیلی جنس ایجنسی (ڈی جی ڈی آئی اے) لیفٹیننٹ جنرل ڈی ایس رانا  19 سے 21 مارچ 2025 تک آسٹریلیا کے سرکاری دورے پر روانہ ہونے والے ہیں۔ اس دورے کا مقصد دو طرفہ دفاعی انٹیلی جنس تعاون کو مزید مضبوط کرنا اور ہندوستان اور آسٹریلیا کے درمیان اسٹریٹجک روابط کو بڑھانا ہے۔

دورے کے دوران، ڈی جی ڈی آئی اے آسٹریلیا کے اعلیٰ دفاعی حکام سے بات چیت کریں گے، جن میں ڈپٹی سیکرٹری، محکمہ دفاع، ڈائریکٹر جنرل آف نیشنل انٹیلی جنس (ڈی جی این آئی)، چیف آف ڈیفنس انٹیلی جنس اور چیف آف جوائنٹ آپریشنز آف آسٹریلین ڈیفنس فورسز (اے ڈی ایف) شامل ہیں۔ یہ اعلیٰ سطحی بات چیت انٹیلی جنس شیئرنگ میکانزم، علاقائی سیکورٹی تعاون اور ہند-بحرالکاہل کے خطے میں مزید اشتراک کے مواقع پر توجہ مرکوز کرے گی۔

دورے کے ایک حصے کے طور پر، ڈی جی ڈی آئی اے آسٹریلیا کے آپریشنل فریم ورک اور مشترکہ کمانڈ کے ڈھانچے کے بارے میں معلومات حاصل کرنے کے لیے ہیڈ کوارٹر جوائنٹ آپریشنز کمانڈ (ایچ کیو  جے او سی) کا بھی دورہ کریں گے۔ وہ آسٹریلیائی جیو اسپیشل آرگنائزیشن (اے جی او) کے ڈائریکٹر کے ساتھ بھی بات چیت کرنے والا ہے۔ مزید برآں، لوئی انسٹی ٹیوٹ سے رابطہ ،  جو ایک معروف بین الاقوامی پالیسی ادارہ  ہے،  یہ کلیدی دفاعی اور سلامتی  سے متعلق  پہلوؤں  پر بات چیت میں سہولت فراہم کرے گا۔

ہندوستان اور آسٹریلیا کے درمیان مضبوط دفاعی تعلقات اور مشترکہ فوجی روایات کا احترام کرتے ہوئے ڈی جی ڈی آئی اے آسٹریلیائی جنگی یادگار پر گل دائرہ  نذر کریں گے ۔ اس دورے میں آخری پوسٹ کی تقریب میں شرکت بھی شامل ہے، جو شہید ہونے والے فوجیوں کو خراج عقیدت، باہمی احترام کی علامت اور ملک  کیلئے دی گئی قربانیوں کی یادگار ہے۔

یہ دورہ ہندوستان اور آسٹریلیا کے درمیان مستحکم ہوتے انٹیلی جنس اور سیکورٹی اشتراک کی نشاندہی کرتا ہے، جس سے خطے میں امن، استحکام اور سلامتی کو برقرار رکھنے کے لیے دونوں ممالک کے عزم کو تقویت ملتی ہے۔

*****

U.No:8391

ش ح۔اع خ۔ق ر

(Release ID: 2112099) Visitor Counter : 14