دستیاب اعداد و شمار کے مطابق ملک میں 49.82 لاکھ رجسٹرڈ بیڑی کارکن ہیں ۔  محنت اور روزگار کی وزارت کے تحت لیبر ویلفیئر اسکیم کو ملک بھر میں 18 خطوں میں واقع لیبر ویلفیئر تنظیموں کے ذریعے نافذ کیا جاتا ہے ، جس میں بیڑی کارکنوں اور ان کے خاندان کے افراد کی فلاح و بہبود بھی شامل ہے ۔

لیبر ویلفیئر اسکیم کے تین اجزاء ہیں ، یعنی صحت ، اسکالرشپ اور ہاؤسنگ جن کی تفصیلات درج ذیل ہیں: -

1. دس اسپتالوں اور 279 ڈسپنسریوں کے ذریعے صحت کی دیکھ بھال کی سہولیات ۔  خصوصی علاج یعنی کینسر، تپ دق، دل کی بیماریاں، گردے کی پیوند کاری  پر ہونے والے اخراجات کی واپسی۔
2. پہلی جماعت سے لے کر کالج/یونیورسٹی تک بیڑی ورکروں / کارکنوں کے بچوں کی تعلیم کے لیے مالی امداد ۔ 1000 روپے  سے 25000 روپے تک  فی طالب علم فی سال، کلاس/کورس کے لحاظ سے ۔
3. ریوائیزڈ انٹیگریٹڈ ہاؤسنگ اسکیم (آر آئی ایچ ایس) 2016 کے تحت پکے مکانات کی تعمیر کے لئے 150000 روپے (فی استفادہ کنندہ) کی سبسڈی۔  آر آئی ایچ ایس کو پردھان منتری آواس یوجنا کے ساتھ جوڑ دیا گیا ہے ۔

حکومت بیڑی ورکروں سمیت غیر منظم ورکروں کی فلاح و بہبود کے لیے دیگر مختلف فلاحی اسکیمیں بھی چلاتی ہے ، جیسے (i) آیوشمان بھارت-پردھان منتری جن آروگیہ یوجنا (اے بی پی ایم جے اے وائی)،  (ii) پردھان منتری جیون جیوتی بیمہ یوجنا (پی ایم جے جے بی وائی)،  (iii) پردھان منتری سرکشا بیمہ یوجنا (پی ایم ایس بی وائی)،  (iv) پردھان منتری شرم یوگی مان دھن (پی ایم ایس وائی ایم)، (v) نیشنل فوڈ سکیورٹی ایکٹ کے تحت ون نیشن ون راشن کارڈ اسکیم کے ذریعے عوامی تقسیم کا نظام،  (vi) دین دیال اپادھیائے گرامین کوشل یوجنا ، (vii) پردھان منتری آواس یوجنا، (viii) مہاتما گاندھی بنکر بیمہ یوجنا ، (ix) دین دیال انتیودیا یوجنا ، (x) پردھان منتری اسٹریٹ وینڈرز آتم نربھر ندھی پی ایم سواندھی ، (xi) پردھان منتری کوشل وکاس یوجنا  وغیرہ شامل ہیں۔

یہ معلومات محنت اور روزگار کی مرکزی وزیر مملکت محترمہ شوبھا کرندلاجے نے آج لوک سبھا میں ایک تحریری جواب میں دیں۔

******

ش ح۔ م م ۔ م ر

U-NO. 8358