اقلیتوں کی فلاح و بہبود کے لیے وزیر اعظم کا نیا 15 نکاتی پروگرام سال 2006 میں شروع کیے جانے کے بعد سے اقلیتی امور کی وزارت کے ذریعے نافذ کیا جارہا ہے۔ یہ ایک وسیع تر پروگرام ہے جس میں حصہ لینے والی وزارتوں/محکموں کی مختلف اسکیموں/اقدامات کا احاطہ کیا گیا ہے، جس کا مقصد یہ یقینی بنانا ہے کہ چھ مرکزی طور پر نوٹیفائیڈ اقلیتی برادریوں کے پسماندہ اور کمزور طبقات کو مختلف سرکاری فلاحی اسکیموں سے فائدہ اٹھانے اور ملک کی مجموعی سماجی و اقتصادی ترقی میں حصہ ڈالنے کے مساوی مواقع حاصل ہوں۔

پندرہ نکاتی پروگرام کے تحت آنے والی اقلیتی امور کی وزارت کی اسکیمیں خصوصی طور پر نوٹیفائیڈ اقلیتوں کے لیے ہیں۔ مزید برآں، دیگر شریک وزارتوں/محکموں کے ذریعہ نافذ کردہ اسکیموں/اقدامات کے اخراجات اور اہداف کا 15 فیصد، جہاں تک ممکن ہو، نوٹیفائیڈ اقلیتوں کے لیے مختص کیا گیا ہے۔ اقلیتی امور کی وزارت اور پروگرام میں شامل دیگر شریک وزارتوں کی اسکیمیں، جن میں تعلیم اور روزگار کی اسکیمیں شامل ہیں، درج ذیل ہیں:

1. پری- میٹرک اسکالرشپ اسکیم (اقلیتی امور کی وزارت)
2.  پوسٹ- میٹرک اسکالرشپ اسکیم (وزارت اقلیتی امور)
3.  میرٹ-کم-مینس پر مبنی اسکالرشپ اسکیم (اقلیتی امور کی وزارت)
4.  نیشنل مائنارٹیز ڈیولپمنٹ فنانس کارپوریشن (این ایم ڈی ایف سی) لون اسکیمیں
5.  سمگر شکشا ابھیان (وزارت تعلیم)
6. دین دیال انتیودیا یوجنا (ڈی اے وائی-این آر ایل ایم) (دیہی ترقیات کی وزارت)
7.  دین دیال اپادھیائے گرامین کوشل یوجنا (دیہی ترقیات کی وزارت)
8.  پردھان منتری آواس یوجنا (دیہی ترقیات کی وزارت)
9.  دین دیال انتیودیا یوجنا-قومی شہری روزی روٹی مشن (ہاؤسنگ اور شہری امور کی وزارت)
10.  بینکوں کے ذریعہ ترجیحی شعبے کا قرض (مالیاتی خدمات کا محکمہ)
11.  پردھان منتری مدرا یوجنا (مالیاتی خدمات کا محکمہ)
12.  پوشن ابھیان (خواتین اور بچوں کی ترقی کی وزارت)
13.  قومی صحت مشن (محکمہ صحت و خاندانی بہبود)
14.  آیوشمان بھارت (محکمہ صحت و خاندانی بہبود)
15.  قومی دیہی پینے کے پانی کا پروگرام (جل جیون مشن)، (پینے کے پانی اور صفائی ستھرائی کا محکمہ)

پندرہ نکاتی پروگرام میں شامل اسکیموں کی نگرانی مختلف سطحوں پر شریک وزارتوں اور اقلیتی امور کی وزارت کے ذریعے نوڈل وزارت کے طور پر اپنے کردار میں کی جاتی ہے، پروگرام کے تحت یہ دیگر وزارتوں/محکموں کی متعلقہ اسکیموں کے نفاذ میں ربط کا کام کرتی ہے، تاکہ سیچوریشن کی سطح کے حصول کو آسان بنایا جا سکے۔  حکومت کے سیچوریشن اپروچ کے تحت بہت سے اجزاء نے مرکزی دھارے میں اپنی جگہ بنائی ہے۔  مزید برآں، اقلیتی برادریوں کے لیے مختلف متعلقہ اسکیموں میں فوائد کی مکمل فراہمی کو بہتر بنانے کے لیے مسلسل کوششیں کی جا رہی ہیں۔

موجودہ پروگراموں میں تبدیلی کی فی الحال کوئی تجویز نہیں ہے۔

یہ معلومات پارلیمانی امور اور اقلیتی امور کے مرکزی وزیر جناب کرن رجیجو نے آج راجیہ سبھا میں ایک تحریری جواب میں فراہم کیں۔

******

ش ح۔ م م ۔ م ر

U-NO. 8355